Hechos 15:7 - Nuevo Testamento Toba Maskoy

⁷ Avanhek na ntemak apkellatemommap ma'a, ka apkenmekho lhnak neten Pedro, lhnak aptemak: —Elialheng'a, apkeliavek ketlhengkap Eniapom Neten apto heliekieskama lhennenga kakpota altennama ania'a aktaqmanma apieseksek metnangko nak judios kakpota meliaskamek ma'a.

Hechos 15:7 ပူးပေါင်းရင်းမြစ်များ

Juan 15:16

Ma lhta heliekiesangkok ketlhengkap, ko'o koka nkeniemai'ak askeliekiesaiangko ehenke, ka askellapaso lhma nkek ham kakpota nkolhnangkok ngkeskama akielhna metka aktemongvaiam annelha. Netamen hata nhan ellangkok hata Tata apkelelmalhnengka la'a qaselha, akieplomo koka asvesai'a nak.

Juan 3:27

Ka apkellatemmoiangka lhnak Juan, lhna aptemak: —Ntasek ankek ma'a, Eniapom Neten apkeltemo nkotnehek.

Hechos 1:16

—Elialheng'a, nietavek ankek akvai'a aktemakha aktalhesammalhka vakkahak Eniapom Neten apaivoma, aplheianmo lhnak nanek apiav'akha apveske David aniem'o Espíritu Santo aktemakha Judas apkelanai'a, apto lhta aplaqloiam enenlhet kakpota elpathetek Jesús ma'a.

Hechos 1:24

Ka apkelelmalhneskeskamo lhnak na m'a, lhna aptaiangkok: —Apveske, apiekpelkemo lheiap lhamakho aktemakha atlheianma engvalho'ok ennengko'o, nengeltavek hengelvetaskesek lhema phapak hengke'e enenlhet anak apqanet. Sek la enenlhet apkeliekieskama lheiap ke

Hechos 10:19

Koka Pedro aplomaka lhnak mokhom mo'ok av'alhok pa'at neten, nheklhek nak aklhenaiangka apvalhok aktemakha akvetai'a apaqtek ma'a, ka aptemo lhnak apkanemo Espíritu: —Apkanetolhem'a enenlhet apkelketamak lheiap,

Hechos 10:20

etiep ham, elieplakha ta, motnama nkek apvalhok, ko'o askellapaskama m'a —lhna aptemak.

Hechos 13:2

Lhema knem na ntemak ma'a apkeliavenkaskesaiangka lhnak apvesai'a Apveske kakpota nhan apkellakhaskesammakpok mek, koka lhna aptemak apkellanemo Espíritu Santo m'a: —Heliekieskasamo ta Bernabe kakpota nhan Saulo, allangko ta apkenmakmekama —lhna aptemak.

Hechos 15:14

Hengelleltennasema lhta ania'a Simon aptemo amaika'a ampakhasekha nkek Eniapom Neten ma'a metnangko nak judios, apkeliekieskangkek na lhta kakpota etnangkok apkennemolhema apankek na m'a.

Hechos 15:2

Koka nkoihek nak apkellatemommap Pablo kakpota nhan Bernabe m'a, man nak nkolleklemok apvalho'ok aktemakha nak apketlhekmosekamok ma'a. Ka apkelvetai'o lhnak apkelemhama apmaniaie iglesia m'a, apkellapaskamo lhnak Pablo, Bernabe kakpota nhan aplhamakha apketlhelhma'ak akieto Jerusalen kakpota elpaqmetkasakpok nema allapaskamo kakpota nhan metno apketko'ok ma'a aktemakha apketlheianma apkeliaqtemenaikamok nekha tkok apkellammelhakha m'a. Ka apkeliekai'o lhnak iokhalhma Fenicia kakpota nhan Samaria, apkeleltennaseiangko lhnak ma'a nak hanet iokhalhma nak neksa apkeliekai'a ania'a aktemakha apkelvatesaikamok qaselha ngkolatsekama apkellanekamok metnangko judios kakpota meliaskamek na Eniapom Neten. Nkelpaihekhek nak apvalho'ok apkelialheng'a apkellengai'o ania'a m'a.

Hechos 15:39

Avanhek na ntemak apkellatemommap Pablo kanhan Bernabe, ka apkelhpanmo lhnak ma'a. Bernabe lhnoka apiantemekhak Juan Marcos ma'a, apkelkanantemo loma nemmen apkenmeiekho iokhalhma Chipre.

Hechos 20:24

Koka mamma aptaikama evalhok angvetsepok kelhaha, askeltavek ko'o asavhok asmakmekama malha askelpaivasemmalhka aptakha lhta apaivoma Apveske Jesús heiano akieplomo akpaihekha evalhok, apkeltemo lhta apaiaksek ania'a aktaqmanma aplhenammap hengellamelaiam Eniapom Neten.

Hechos 21:16

netlhelhma'ak alhta nhan moklhem'a nema altamesaikamok ko Cesarea. Hengeliantemakhe lhta nhan akvakho apnemakha lhema enenlhet apvesai'a Mnason apkeniem'o lhtoka Chipre m'a, apto lhta nhan lhennenga aptema mei'askeiam, apkelto nhan angaqhengvomok ma'a apnemakha.

Hechos 3:18

Koka apkellelientemongkeskamavek nak nanek apkeleltennaskama ania'a annenga Eniapom Neten apankok ennangkok hata akientalhnema apto apkapaskama Cristo, ntemengkek ma'a qaselha nak.

Hechos 4:25

Aplheianmek nak nanek lheiap aniem'o Espíritu Santo apmaikama apkasennaikama apankok apveske David, lhna aptemak ma'a: «¿Se lha ntak apkaknangka nak enenlhet kakpota ellammelhek ma'a, he? ¿Se lha aktemo apkellanekho ania'a lhamakho apkellavakha aqhemo i'e, he?

Hechos 9:15

Koka lhnak aptemak mokhom Apveske apkanemo: —Eniakha ta panke, ko'o askeliekieskama m'a enenlhet anak kakpota elhenek asvesai'a apieseksek metnangko nak judios, kakpota nhan apieseksek apkeliav'akha apkelveskaie apanko'ok, kakpota nhan apieseksek israelitas.

Filipenses 2:14

Ellanamok hata lhamakho qaselha metka apkelmalenioikama, metka nhan apkellatemommap po'ok