Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hechos 15:36 - Nuevo Testamento Toba Maskoy

36 Ka netamen nak ma'a, lhnak aptemak Pablo apkanemo Bernabe: —Nok, antangkok amaika'a mokhom lhamakho natemma nelempai'akha lhta sekha neleltennaikama apaivoma Apveske, kakpota nhan angeliohok aktakha apkellaniemhaikama m'a —lhna aptemak Pablo.

အခန်းကိုကြည့်ပါ။ ကော်ပီ




Hechos 15:36
21 ပူးပေါင်းရင်းမြစ်များ  

Niemaskangkek nak apvalhok gobernador apvetai'o m'a, mei'askeiakmo lhnak na nema atlhekmoskama aniem'o Apveske.


Netamen nak apketlhengamo apkenmaiangko Seleucia aniem'o Espíritu Santo apkeleltennaskama. Apkelkanetvaiakmo nhan loma nemmen akiavai'a m'a, apkenmaiangko m'a apkel·halhtepelhketmo iemmen akvakmo akiakiengveiam lhepop akhalhiengkaiam iemmen akvesai'a Chipre.


Ka apkelenteiapmo lhnak Pablo m'a kanhan Bernabe, apalesaiakmo lhnak apmanko'ok lhepop aktek aniem'o apkeltaknongkoma enenlhet'avok anak ma'a, ka apkenmeiakho lhnak iokhalhma Iconio.


Apkelvaiakmek nak Pablo kakpota nhan Bernabe akieto Iconio, apkelentalhnengvaiakmo lhnak apkaqnekhelha judios, ka apketlhekmoseiangko lhnak ania'a aktaqmanma m'a. Man nantek judios kakpota nhan griegos man nak eliaskeiakmok ania'a m'a.


apketlheianveiakmo nhan ania'a aktaqmanma m'a, man nak nantek enenlhet aptaiangko apkeltamesaikamok ma'a. Netamen apkeltaqhemo lhnak akieto Listra, Iconio kakpota nhan Antioquia.


Apkeliamavek noka nema alapaskamo m'a, apkeniaiangko apkenmeiekho na temma Listra kakpota nhan Derbe akieto konne iokhalhma Licaonia, lhamakho apnakha la temma m'a,


Ka akvaiakmo lhnak 40 iantelhkapa pankok Moises ma'a, apkeltemo lhnak eltenengvakhok apaivomolhema ko Israelitas.


Avanhek ankek askeltemo alvetangvetak ketlhengkap, atsakhesek askelpasmoma m'a aniem'o Eniapom Neten kakpota ngkoitek aliennaktema meliaskeiam.


Nlhaniek mokhom qaselha aslengaiangko, lhamakho knem na aktaikama evalhok akientalhnema aniem'o aklhenaikama evalhok aplhamakho iglesias.


Vanlha askeltavek allangkok lhema aspaioma askellanemakha etnangkok ketlhengkap, ellanamo mota qaselha akpeivomo nkoie aktemakha nak hengetlhekmoskama ania'a aktaqmanma aniem'o Cristo, nkaqhok moniakhe' nlho ka la aniakhak ham askeltavek koka aiho ehenke nheklhek kelha aliennaktema meliaskeiam, aknemo nhan mo'ok apvalho'ok apkellammelhma la nhan akientalhnema akvai'a la'a aniem'o m'a meliaskeiam ania'a aktaqmanma.


Apvaktame lhta Timoteo hengke'e apkeniaktamo ham Tesalonica, apsantanie lhta ania'a aktaqmanma, avanhek na lhta akietnema meliaskeiam ketlhengkap, nengasekhai'o, avanhek nak na apkenmahai'a hengelvetekhak ketlhengkap ennengko'o, ennengko'o nhan ntak ma'a avanhek nemmahai'a angelvetekhak ketlhengkap.


Nlheianvakhek na ko evalhok lheiap aiosei'o nak apvalhok kanhan apvenemo lhta, avanhek askeltemo atekhak mokhom lheiap kakpota nkopaihekhok ankek evalhok.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ