Hechos 15:32 - Nuevo Testamento Toba Maskoy

³² Judas kakpota nhan Silas apkellelto lhnak na apkeleltennasemmap ania'a, apkelpaieskeskaiakmo lhnak na apvalho'ok, apkeliateikokho lhnak na apkelialheng'a m'a.

Hechos 15:32 ပူးပေါင်းရင်းမြစ်များ

Lucas 11:49

Apiamavek nak nanoka Eniapom Neten apmak'akha ngkotnek, lhnak na nek aptemak ma'a: "Allapaksek hata askeleltennaskama ania'a ehenkok kakpota nhan askelapaskamo, moklhem'a ta ngkolhek annapakho, po'ok hata nhan ngkolhek akmenlhenangka", lhnak na ne aptemak Eniapom Neten ma'a.

Hechos 11:23

Bernabe lhnoka apto enenlhet apiamolhma', aklanei'o lhnak na apvalhok Espíritu Santo m'a kakpota nhan mei'askeiam ma'a. Apvekhek nak Bernabe m'a akieto Antioquia, apvetangvekho lhnak Eniapom Neten apkeltakmelkeskama enenlhet'avok ma'a, avanhek ankek nak na akpaihekha apvalhok ma'a. Ka apkeliatekho lhnak ma'a enenlhet'avok kakpota melvatesankek apkelleliehekho Apveske. Aplhaniek nak enenlhet apkellailhemo Bernabe, ka aptaiangko nhan meliaskeiam Apveske m'a.

Hechos 11:27

Ka apkelvaiakmo lhnak na m'a moklhem'a apkeleltennasemmap ania'a apkelleniem'o Jerusalen.

Hechos 13:1

Apkakhaiangkek nak apkeleltennasemmap ania'a m'a kakpota nhan hengetlhekmoskama apieseksek apkellelto iglesia akieto iokhalhma Antioquia. Apkelvesai'a Bernabe, Simon mo'ok nema ltema Apaiseiam, Lucio apkeniem'o natemma Cirene, Menahem kakpota nhan Saulo. Menahem noka knema akvanengkeskamo lhemek ma'a apveske Herodes Antipas.

Hechos 14:22

Ka apkeleltemo lhnak amaika'a apkellelto nema altamesaikamok ma'a, apkeliateikokho lhnak na etlhengkesek meliaskeiam Jesús ma'a, lhnak aptaiangkok ma'a: —Annengangkok hata akiavai'a akientalhnema nenmak'o la antalhnengvomok akieto nak ma'a aptemakha apveske Eniapom Neten —lhna aptaiangkok ma'a.

Hechos 15:1

Apkelvai'ak nak judios apkelleniem'o iokhalhma Judea akieto Antioquia, ka apketlhekmoseiangko lhnak apkelialheng'a melvongkasakpek tep meliaqtemenangko la nekha tkok apkelammelhakha, aptemakha lhnak nanek Moises apkellanemakha etnangkok.

Hechos 15:22

Aplhamakho nema allapaskamo kakpota nhan metno apketko'ok ka nhan iglesia apkeliekiesaiangko lhnak apqanet enenlhet apkellelto neten apankavek apkeliaspommap apkelvesai'a Judas mo'ok nema altema Barsabas, kakpota nhan Silas, kakpota eltek apketlhelhma'ak Pablo kakpota nhan Bernabe neksa apketlhengama akieto Antioquia.

Hechos 15:31

Nkelpaihekhek nak apvalho'ok ma'a apkelietsateiangko vakkahak ngkanek alpaieskeskaiakmo lhnak apvalho'ok ma'a.

Hechos 15:41

Ka aplhengamo lhnak ma'a, apkeliekai'o lhnak Siria kakpota nhan Cilicia, apkeliateikokho lhnak moklhem'a iglesia apkelvaianlha la'a.

Hechos 18:23

Iakvatakho lhnak apnema Pablo m'a, ka apkempekho mokhom aplhengama apmeiekho iokhalhma Galacia kakpota nhan Frigia. Ka apkeliatekho lhnak apkellelto nema altamesaikamok kakpota etlhengkesek metka apkelvatesaikamok ma'a.

Hechos 2:40

Aplhengkeskangkek nak Pedro apkeleltennasekamok ma'a apkanemakha eltehek, lhnak aptemak: —¡Elvongkasap tep apieseksek anak enenlhet'avok apkellanekamo mota ngkolatsekama nenvanlha nak! —lhna aptemak.

Hechos 20:2

Aptaiangka lhnak amaika'a m'a lhamakho apkellavakha akietelha la apmeiekhelha, apkeliatekho lhnak apkelialheng'a m'a, netamen nak ma'a apvakho lhnak Grecia.

Romanos 12:6

Aktaqmanma nkek hengellanei'o Eniapom Neten ka nkeniemai'ak hengellaiangko lhta alpalhkammalhka nenmopvanka'a nenmakmekama. Enenlhet apto lhta aplhevai'a apmopvana eltennama aniem'o Eniapom Neten, ntasek eltennama akvanlha la nhan mei'askeiam aplhevai'a.

Romanos 12:8

Enenlhet apto lhta nhan aplhevai'a apmopvana eiatekhok po'ok, ntasek na eieplavkesek ma'a. Enenlhet apto la hengaiangko niapom qaselha apankok, ntasek etnek metka apkenmeiavkesammakpo panke' qaselhaha. Enenlhet apto lhta nhan aplhevai'a apmopvana la malha apveske, ntasek etnek apiamo, aptaqmelkeskamo nhan. Apto lhta nhan aplhevai'a apmopvana epasmok apkellelto nak metka apkelletsekama, ntasek etnek akpaihekha mota apvalhok ma'a.

1 Corintios 1:8

Eniapom Neten hata etneskesangkok aliennaktema meliaskeiam ketlhengkap akvakmo aktakha nnelha kakpota metlhenek enenlhet apnaqtevaskama mota po'ok napaqtek apveske engankok Jesucristo apteiapvo'o ta m'a.

1 Corintios 14:29

Apkelelto la nhan apkeleltennasemmap ania'a, ntasek na etnangkok vanlha apqanet nlho ka la apqanetolhem'a, nema apkelanmakha koka etnamok ma'a kakpota aplhamakho ellailhok, etlhenek nahan aktakha apkelpaqmetekama aktaqmanma nlho ka la ngkolatsekama.

1 Corintios 14:3

Koka enenlhet apto nak aplheianma ania'a apkaikamok aniem'o m'a Eniapom Neten apkelpaqmeiasma apanke nak, apkeltakmelkeskaskek apkellangiemhaikama m'a, apkeliatakhavek nahan, apkelpaieskeskakmek na apvalho'ok Jesucristo apkennemolhema.

1 Corintios 14:32

Apvanka'ak apkeleltennasemmap ania'a enmankok apvalho'ok apankavek la'a neksa apkelpakmeiasma la'a,

Efesios 3:5

Enenlhet lhennenga meliamok ma'a, kolhva koka Eniapom Neten apkapaskangkek Espíritu kakpota eliangveskeskamhok ania'a nak akielhammalhka aplhamakho apkellelto apkelpokkanma nema allapaskamo kakpota nhan apkeleltennasemmap ania'a.

1 Tesalonicenses 2:11

Apkelvetai'a lhta nhan neliatekho ketlhengkap kanhan nelpaieskaiakmo apvalho'ok moklhem'a ketlhengkap malha apto nak lhema apiapom nematka aptaqmelkeskaiam la apvalhok apketka, nengeleltennaso lhta nhan etnangkok aptaiangkolha apkelpeivomo ngkanek apkellelto apkennemolhema Eniapom Neten, apto lhta nhan apkellavekama kakpota eltemengvomok ma'a apkelveskaie' kakpota nhan apkelientalhnemo.

1 Tesalonicenses 3:2

Ka nellapaso lhta enialheng Timoteo ham apto nhan Eniapom Neten apkasennaikama, nenmakmekamo lhemek nahan nelpaieskama ania'a aktaqmanma aplhenammap Cristo, nellapaske lhta ham kakpota eliatekho, elpasmok nahan nkoliennak meliaskeiam ketlhengkap

1 Tesalonicenses 4:1

Ketlhengkap elialheng'a, neleltennaskek lhema nempaivoma akieplomo apvesai'a apveske engankok Jesús, eltaqmelkasakpo ta lhamakho aknem ngkanek apiaspongkomakha Eniapom Neten ma'a, ka nentaiangkolha lhta nhan nengetlhekmoseiangko ketlhengkap ma'a, kolhva apkelleliahakhavek na ketlhengkap ma'a.

1 Tesalonicenses 5:14

Elialheng'a, nengellapiosavek ennengko'o ketlhengkap neleltemo ennavaksek apkellelto la menmakmekama ham, eliatekho ta nhan ma'a apkellelto nak anmaiosak'a apvalho'ok, elpasem hata nhan meliennaktema nak, kakpota nhan etnangkok metka apkelpekhesammap apieseksek anak ham.

1 Tesalonicenses 5:20

meltaqneva nhan ania'a aniem'o Eniapom Neten aklhenammalhka nak,

2 Tesalonicenses 3:12

Koka nentangkok nellano ennengko'o enenlhet'avok anak ma'a ntasek enmakmama kakpota elvetak aptekamok, nengeleltavek ennengko'o m'a aniem'o apientalhnemo apveske engankok Jesucristo.

1 Timoteo 2:1

Askeleltennaskek ko'o lhema aspaioma elelmalhna ta Eniapom Neten kakpota eltaqmelkeskesek apkellangiemhaikama aplhamakho enenlhet'avok, akieplomo apkellasnekama kanhan etnangko mota gracias Eniapom Neten.

2 Timoteo 4:2

askeltavek na ko'o eltennaksek ania'a metka apkelvateskaiam lheiap ma'a, niekhe apvetai'a ngkolatsekama, aktaqmanma, nheklhek hato ka etnek aplhengkeskama m'a. Etneskes hata nhan malha apkeliangveskeskekho meliamolhma m'a, ennaves hata nhan, eleliatekho ta nhan etlhekmosangkok metka apkelpekheskama lheiap ma'a.

1 Pedro 5:1

Kolhva asmak'ak aleltennaksek metno apketko'ok anak apketlhengkeskeskama na mota apkaqnekha apieseksek anak ketlhengkap, ko'o nhan asto motno apketkok, asvetaiangko lhta nhan aplengaiangko Cristo, alhkak hata nhan qaselha altaqmelo akmo'o ta nkovak emanie nak.

1 Pedro 5:10

Koka apkelvaskapo la akiakvatakho nkek apkellengaiangko akientalhnema, eltemeskesek hata nhan apkelpeivomo Eniapom neten ma'a, eliennakteksek hata nhan, elteniaskesek hata nhan apiempeiok, ellangkok hata nhan apkeliangveiakmo aktemakha apkelvetai'a. Hai, etnek hata Eniapom Neten ma'a ngkanek avanhek apkellamelaiam ketlhengkap ma'a, apkeliekieskek na kakpota elpasengvomok aktakmelakha nkek nkotnengvaiam annelha apkelpasmekha Jesucristo.

1 Pedro 5:12

Hai, akiakvatema nkek vakkahak anak astalheskama aniem'o nhan hepasmoma astema emo'ok nengaqtek eialheng Silvano, astalheskek vakkahak anak askellanemakha etnangkok, kakpota elvetaskesek qaselha altaqmelo alleniem'o Eniapom Neten akiavai'a apkellamelaiam ketlhengkap ma'a, etlhengkes hata nhan alpaihekha nak apvalho'ok aniem'o apkellamelaiam ma'a.