Hechos 15:22 - Nuevo Testamento Toba Maskoy

²² Aplhamakho nema allapaskamo kakpota nhan metno apketko'ok ka nhan iglesia apkeliekiesaiangko lhnak apqanet enenlhet apkellelto neten apankavek apkeliaspommap apkelvesai'a Judas mo'ok nema altema Barsabas, kakpota nhan Silas, kakpota eltek apketlhelhma'ak Pablo kakpota nhan Bernabe neksa apketlhengama akieto Antioquia.

Hechos 15:22 ပူးပေါင်းရင်းမြစ်များ

Hechos 1:23

Koka apqanet nak enenlhet apkeliekiesammap ma'a, lhema apvesai'a José Barsabas mo'ok nemaltema koka apeivomo, po'ok noka apvesai'a Matias.

Hechos 11:19

Netamen apmatnama lhnak Esteban ma'a, ampai'akha lhnak aknema akmenlhenaikama apkellelto meliaskeiam. Moklhem'a lhnak apkenmaiangkok apkeniaikamok akieto Fenicia, Chipre, kakpota nhan Antioquia, ka apkeleltennaskeiakmo lhnak Eniapom Neten apaivoma m'a apkelvaianlha la'a. Vanlha lhnoka apkellelto judios ma'a, man noka eleltennaskamak metnangko nak judios.

Hechos 11:20

Koka apkelvai'ak nak na moklhem'a enenlhet'avok apkelleniem'o Chipre kakpota nhan Cirene, apkeleltennaseiangka lhnak na ania'a aktaqmanma aplhenammap Apveske Jesús enenlhet griegos ma'a akieto Antioquia.

Hechos 11:22

Apkellengai'ak nak ania'a apkellelto iglesia akieto Jerusalen, ka apkellapaskamo lhnak Bernabe m'a Antioquia.

Hechos 11:27

Ka apkelvaiakmo lhnak na m'a moklhem'a apkeleltennasemmap ania'a apkelleniem'o Jerusalen.

Hechos 15:23

Ka apkellaiangko lhnak na lhema vakkahak kakpota etso'ok ma'a, lhna ntemak aktalhesammalhka: Ennengko'o nema hengellapaskamo kanhan metno apketko'ok, kanhan engelialheng'a, nketlhenkek engelvalho'ok ketlhengkap engelialheng'a metnangko nak judios akieto ham iokhalhma Antioquia, Siria, kakpota nhan Cilicia.

Hechos 15:25

Ka ngkanek angellapaksek engelialheng'a Judas kakpota nhan Silas, etnangkok apketlhelhma'ak Bernabe kakpota nhan Pablo, alletlhengkeskamo lhta nhan etekio'ok neksa apketlheianma mota apvesai'a apveske engankok Jesucristo m'a, hata elelpeiveskasekhak ketlhengkap netlheianma ania'a altemeskeskama meliamo apkelieplavkesakha ketlhengkap.

Hechos 15:30

Netamen apketlhengamo lhnak Bernabe, Pablo, Judas kakpota nhan Silas akieto m'a Antioquia, apkankeskekho lhnak apkelialheng'a m'a, apkellangkongvekho lhnak na vakkahak aktalhesammalhka.

Hechos 15:32

Judas kakpota nhan Silas apkellelto lhnak na apkeleltennasemmap ania'a, apkelpaieskeskaiakmo lhnak na apvalho'ok, apkeliateikokho lhnak na apkelialheng'a m'a.

Hechos 15:40

Pablo lhnoka apiantemekhak Silas kakpota etnek aplhelhma, ka apkelpaiveseiangko lhnak Jesucristo apkennemolhema m'a apkeleltemo eltaqmelkeskesek apkellaniemhaikama m'a Apveske neksa apketlhengama.

Hechos 16:19

Koka ma lhta nkolkok apvalho'ok apkelveskai'e nko'ok ma'a, ngkanek nketlheianmek na lhta apvalho'ok mennaksepek hata mokhom nkeskama patakkom aktemakha mota allaneskeskama m'a. Ka netamen ma'a apkelpatheto lhta Pablo kakpota nhan Silas, apkeliantemakho lhta napaqtavek apkelveskaie akietemelha apkaknaiangkelha mota enenlhet.

Hechos 16:25

Neplhet pelhasep na lhta aptemak ma'a, apkelelmalhneiangko lhna lhta Eniapom Neten kakpota nhan apkennekmaseiangko himnos Eniapom Neten Pablo kakpota nhan Silas, ka apkellengai'o lhnak na apkeltemo lheme apkellaqlhengkasemmap ma'a.

Hechos 16:29

Ka apkeltemo lhna lhta ngkolhek aksantengkaso talha nav'a atsaskeskama la lhma m'a, apkakhetaiangka lhna lhta nhan aptalhnema konne pa'at. Apvet'o Pablo kakpota nhan Silas, apkeltanentamo lhna lhta aptapno'ok napaqtave ma'a, apkelpelhiennongkek na lhta m'a aniem'o apkai'a m'a.

Hechos 17:10

Ka aptemo lhnak pelhasep ma'a, apkellapaskamo lhnak apkelialheng'a Pablo kakpota nhan Silas enmeiakhak natemma Berea, ka apkelentalhnengvaiakmo lhnak akieto apkaqnekhelha judios ma'a.

Hechos 17:14

Ka apkelvetai'o lhnak apkelialheng'a m'a, apkeliantemekho lhnak Pablo nekha alvata, koka Silas kakpota nhan Timoteo apkakhaikokhek noka m'a natemma Berea.

Hechos 17:4

Moklhem'a lhnak judios meliaskeiakmok ma'a, apkelpasmekho nhan Pablo kakpota nhan Silas ma'a. Meliaskeiakmo nhan aplhamakma griegos apkellelto apkellai'o mota Eniapom Neten, kakpota nhan alemhama amaniaie akto neten ankavek aliaspommalhka m'a.

Hechos 18:5

Ka apkelvekho lhnak ma'a Silas kakpota nhan Timoteo, iokhalhma Macedonia lhnak apkeleniektak ma'a. Ka apkempai'akha lhnak Pablo akiokho nkek aplheianma mota ania'a aktaqmanma, apmahai'a elvetaskesek judios aptemakha Jesús apto Cristo.

Hechos 8:14

Apkellengai'ak nak ma'a nema allapaskamo akieto Jerusalen enenlhet ko Samaria apkenmaiangko takha ania'a Eniapom Neten apaivoma, ka knemo lhnak allapaskamo Pedro kakpota nhan Juan ma'a.

2 Corintios 1:19

Ennengko'o Silvano, Timoteo kakpota nhan ko'o have nentaiangkolha alpengkammalhka atlheianma engelvalho'ok, nelieplavkaskek ennengko'o aptemakha lhta mota Eniapom Neten, metka aptema hai, nlho ka la mma'. Vanlha aptema hai' ma'a aplheianmo mota aptemakha Apketka Jesucristo.

1 Tesalonicenses 1:1

Ennengko'o Pablo, Silvano, kakpota nhan Timoteo, nketlhenkek engelvalho'ok iglesia akieto nak ham Tesalonica, apkellelto apkelpasmekha Eniapom Neten apto eniapma'ak kakpota nhan Apveske Jesucristo. Nengeleltavek eltaqmelkeskesek apkellaniemhaikama, ellangkok na altaqmelaikama apvalho'ok ketlhengkap ham.

2 Tesalonicenses 1:1

Ennengko'o Pablo, Silvano kanhan Timoteo nketlhenkek engelvalho'ok iglesias akieto apiav'akha temma Tesalonica apkellelto nhan apkelpasmekha Eniapom Neten eniapma'ak ennengko'o kanhan apveske engankok Jesucristo.

1 Pedro 5:12

Hai, akiakvatema nkek vakkahak anak astalheskama aniem'o nhan hepasmoma astema emo'ok nengaqtek eialheng Silvano, astalheskek vakkahak anak askellanemakha etnangkok, kakpota elvetaskesek qaselha altaqmelo alleniem'o Eniapom Neten akiavai'a apkellamelaiam ketlhengkap ma'a, etlhengkes hata nhan alpaihekha nak apvalho'ok aniem'o apkellamelaiam ma'a.