Hechos 14:5 - Nuevo Testamento Toba Maskoy

⁵ Ka netamen nak ma'a apiepetkekho lhnak po'ok moklhem'a judios, metnangko judios kakpota nhan apkelemhama apmaniaie apkeleltemo enaqtevaksek Pablo kakpota nhan Bernabe, eliaqnangkok na metaimong kakpota ennapok ma'a.

Hechos 14:5 ပူးပေါင်းရင်းမြစ်များ

Lucas 6:28

Ellamok hata aktaqmanma apaivoma apkellelto apkeliematkesaikama nak ketlhengkap. Elelmalhneskes hata kakpota nkoltaqmelek apkellangiemhaikama apkellelto nak apketlheianveiam amota apkelvesai'a ketlhengkap, apkenmopvanka ania'a koka.

Hechos 13:45

Apkeliasepkeskangkek noka judios apkelvetai'o enenlhet'avok apentalhnema apkankesekha Pablo m'a, ka apkelempai'akha lhnak apkeliaskama apatno'ok kakpota nhan apkeltaknongkomo neksa apkeltennaikama Pablo m'a.

Hechos 13:50

Koka apkellelto judios apkelentennaskekho lhnak meliamolhma Pablo kakpota nhan Bernabe naqtavek ngkelvana'ak aliamolhma, ngkeskama alletsekama nhan ma'a. Napaqtavek na apkelemhama apmaniaie' neten apankavek akieto apiav'akha temma nak, knemo nhan alentepkeskamo iokhalhma nak ma'a.

Hechos 14:19

Koka nietemavek nak na apkelvai'o judios apkelleniem'o Iconio kakpota nhan Antioquia, ka apkelpengkangvekho lhnak apvalho'ok enenlhet ma'a kakpota ellammelhkasekha Pablo. Ka apkeliaqneiangko lhnak metaimong ma'a, atlheianmo lhnak apvalho'ok enietsepmak ma'a, apkelienioseikokho lhnak na akieto nepiava temma.

Hechos 14:2

Koka moklhem'a judios apkeliaskeiakmek nak ma'a, ka apkellavkeskamo lhnak na moklhem'a metnangko judios ma'a kakpota ellammelhekhak engelialheng'a.

Hechos 14:4

Koka enenlhet'avok anak ma'a apkelhpankesammakpek nak ma'a, napokha lhnak apkelieplomak apkelemhama apmaniaie judios kakpota nhan napokha nema allapaskamo.

Hechos 17:5

Koka napokha judios apkeliaskeiakmek nak ma'a kakpota nhan apkeliasepkeskama. Apkelleliaiangka lhnak moklhem'a enenlhet meliamolhma apkellomakha apankek la amai kakpota eliasangkolhma lhamakho temma nak. Apkelteniaiangkek nak apiempeiok apkelentalhnengvaiakmo apnemakha lhema enenlhet apvesai'a Jason. Apkelleliaiangka m'a Pablo kakpota nhan Silas kakpota eliantemekhak napaqtavek enenlhet'avok kakpota eleltangkok meliamolhma m'a.

2 Corintios 11:26

Alhengamo lhta nhan akvenaktema nkek, asiekai'o nhan alvata asketsepma kelha lhta niekhe, man na ntek atlhengkeskama ngkolhek henmenielhkaso qaselha ehenkok, aspaiomo lhema ehenkek na heleliaikama apkenmahai'a henaqtevaksek kakpota nhan metnangko nak judios. Aslengaiangkek akientalhnema apiav'akha temma nak, iokhalhma, alvata kakpota nhan apieseksek engelialheng'a apkeltaikama nak apankavek apkelpeivomo.

1 Tesalonicenses 2:14

Apaivomolhema apankave lhta nhan apkenmenlhenaikama ketlhengkap ma'a, lhta nhan ntemak ma'a iglesia apankok Eniapom Neten akieto m'a Judea aniem'o meliaskeiam Cristo, apaivomo lhema apankave lhta judios apkenmenlhenaikama m'a.

1 Tesalonicenses 2:16

Ma lhta nhan hengellaiangkoho angelpaiaksek ania'a aktaqmanma nenvongkasemmalhka tep apieseksek metnangko judios, koka m'a niaveiangke lhta nhan ngkollatsekama apkellanekamok, koka nkovak hata nhan akiavai'a nema aliaqmongkaskesekha apkeltemakha m'a.

2 Timoteo 3:11

Apiavek na lheiap aslengaiangko akientalhnema aniem'o nema heiaqmasekama lhta metka nnelha, ka aktemo lhta asvetai'a m'a apiav'akha temma Antioquia, Iconio kanhan Listra, koka Apveske lhtoka hevongkeskama mota tep ma'a.