Hechos 14:27 - Nuevo Testamento Toba Maskoy

²⁷ Ka apkelvekho lhnak Antioquia m'a, apkellankesekho lhnak apkellelto iglesia m'a, ka apkeleltennaseiangka lhnak ania'a aktemakha Eniapom Neten apkelanai'a qaselha neksa apketlhengama m'a. Apketlheianmo nhan aktemakha apkelpasmoma mota Apveske kakpota eleltennasangkok na ania'a aktaqmanma metnangko nak judios kakpota meliaskamek na m'a.

Hechos 14:27 ပူးပေါင်းရင်းမြစ်များ

Juan 9:10

Apkelelmalhnekhavek na lhta mota aktemakha altaqmalveiam apaqto'ok ma'a,

Hechos 11:18

Neksa apkellengai'a lhnak ma'a akmaskemo nhan apkeliamenammap Pedro m'a, apkeliavenkaskesaiangka lhnak apvesai'a Eniapom Neten ma'a, lhna aptaiangkok: —Neliavek kolhva ennengko'o apkenmamo takha Eniapom Neten enenlhet metnangko nak judios, apkeltavek na eliaqmongkasekhak mo'ok apvalho'ok ma'a kakpota ngkoitek aliennaktema apnenio'ok mankotnengvaianlha nnelha —lhnak aptaiangkok ma'a.

Hechos 15:12

Lhamakho enenlhet nak apkelvanmeiangkok apkeltakmelkeskamavek nak apkelailheiangko m'a. Ka apkelempai'o lhnak na apkeleltennasekama Pablo kakpota nhan Bernabe lhamakho aktemakha apkellanai'a qaselha mongenatkeskama, qaselha hempelapkeskama nhan alleniem'o Eniapom Neten apieseksek metnangko nak judios ma'a,

Romanos 15:18

Have ehenkok ehenkek asiennaktema, Cristo hepasmoma kakpota atsavkesek asketlhekmoskama metnangko nak judios kakpota nkovak na apkelleliehekho Eniapom Neten ma'a. Asketlhekmoske lhta nhan aknema akmovana askeliatekama kanhan askelanai'a lhta qaselha

1 Corintios 11:18

Mankolhnemo mo'ok apvalho'ok na lhta nhan apkenmak'akha la etnangkok apieseksek anak ketlhengkap ham apkaqnakho la mota, have kelha niapak aktemakha aslengai'a ania'a.

1 Corintios 14:23

Kelha ngkotnek na apkaqnakho la ketlhengkap apkellelto iglesia akieto nempaivoma alhankok anak ham, elpaqmetek kelha nempaivoma melioho nak, netamen evak kelha amaika'a la'a enenlhet aplomakha apanke, nlho ka la lhema enenlhet apto apiaskeiam, nkotlhenek kelha apvalho'ok malha allanema ketlhengkap ma'a. Koka apkelpakmeto la ketlhengkap nempaivoma nke nak etlhenek aktemakha ania'a aniem'o Eniapom Neten, eihok hata nhan aptangkolha amaika'a m'a, elanhok hata nhan aktakha apvalhok apankek ma'a.

1 Corintios 15:10

Nkaqhok koka Eniapom Neten aktaqmanma nkek helanei'o, hetneskeskangke na apankek heiapaskamo mota. Have aqhemo asmakmekama nak, asteniai'o eiempek ko'o, aselhtek ma'a nema alapaskamo lhta, koka have asiennaktema ehenkok ehenke', koka aniem'o heiaikamok ma'a Eniapom Neten hetnema mota aplhelhma m'a.

1 Corintios 16:9

Mantek na enenlhet apkenmahai'a ellailhok askeltennaikama ania'a aktaqmanma hengke'e, koka apkakhangkek na helammelhaikama hengke'e.

1 Corintios 5:4

Neksa apkaknekha ta mokhom ketlhengkap ham akieplomo apvesai'a Apveske engankok Jesucristo, malha aknema ta nhan ngkotnek evalhok ko ham kakpota nhan apmopvana Jesucristo apveske engankok.

2 Corintios 2:12

Smak'ak aleltennasama ketlhengkap asmeiakho lhta akieto natemma Troade kakpota altennama ania'a aktaqmanma aplhenammap Cristo apto Apveske, apkelpenesave lhtoka apkenmahai'a ellailhok askeltennaikama m'a.

Colosenses 4:3

Elelmalhnama ta nhan Apveske kakpota hengellangkok ngkeskama nempaieskama ania'a aktaqmanma kakpota angeliekpelkeskeskamhok qaselha akielhammalhka aniem'o Cristo, asnek ko'o kolhvave nak hengke'e nengaqlhengkasemmalhkelha nak aniem'o aspaieskama ania'a aktaqmanma nak.