Hechos 14:21 - Nuevo Testamento Toba Maskoy

²¹ apketlheianveiakmo nhan ania'a aktaqmanma m'a, man nak nantek enenlhet aptaiangko apkeltamesaikamok ma'a. Netamen apkeltaqhemo lhnak akieto Listra, Iconio kakpota nhan Antioquia.

Hechos 14:21 ပူးပေါင်းရင်းမြစ်များ

Hechos 13:14

Koka Pablo kakpota nhan Bernabe apkeliekai'ak nak na temma Perge, ka apkelvaiakmo lhnak natemma Antioquia akieto konne iokhalhma Pisidia. Aknem nennekhelha sabado lhnak ntemak ma'a, apkelentalhnengvaiakmo lhnak apkaqnekhelha judios, apkakhengveiakmo nhan konne m'a.

Hechos 13:51

Ka apkelenteiapmo lhnak Pablo m'a kanhan Bernabe, apalesaiakmo lhnak apmanko'ok lhepop aktek aniem'o apkeltaknongkoma enenlhet'avok anak ma'a, ka apkenmeiakho lhnak iokhalhma Iconio.

Hechos 14:1

Apkelvaiakmek nak Pablo kakpota nhan Bernabe akieto Iconio, apkelentalhnengvaiakmo lhnak apkaqnekhelha judios, ka apketlhekmoseiangko lhnak ania'a aktaqmanma m'a. Man nantek judios kakpota nhan griegos man nak eliaskeiakmok ania'a m'a.

Hechos 14:15

—¡Metnamok ham! Have ennengko'o dioses, enenlhet apankavek ennengko'o ka akto nak ketlhengkap. Vanlha nelva'ak lhek ennengko'o nenmak'o angetlhekmosangkok ania'a aktaqmanma ketlhengkap kakpota elvatesangkok apkeltemakha ngkolatsekama. Elpengkangvomok na apvalho'ok akieto m'a Eniapom Neten apto menietsepma, apto nhan apkelanai'a neten, nalhepop, alvata kakpota nhan qaselha aknaiangko m'a.

Hechos 14:19

Koka nietemavek nak na apkelvai'o judios apkelleniem'o Iconio kakpota nhan Antioquia, ka apkelpengkangvekho lhnak apvalho'ok enenlhet ma'a kakpota ellammelhkasekha Pablo. Ka apkeliaqneiangko lhnak metaimong ma'a, atlheianmo lhnak apvalho'ok enietsepmak ma'a, apkelienioseikokho lhnak na akieto nepiava temma.

Hechos 14:26

ka apkelkanetvaiakmo loma nemmen kakpota eltaqhok mokhom neptamna'ak akieto Antioquia. Apkelempaiakhasekha lhnak na m'a nema allapaskama ka nhan nemo alelmalhneskeskamo m'a Eniapom Neten kakpota elpasmok neksa apketlhengama kakpota eleltennasangkok ania'a aktaqmanma m'a, apkelpeneskangkek nak apkenmakmekama.

Hechos 14:6

Apkeliamavek noka nema alapaskamo m'a, apkeniaiangko apkenmeiekho na temma Listra kakpota nhan Derbe akieto konne iokhalhma Licaonia, lhamakho apnakha la temma m'a,

Hechos 14:7

apketlheianveiakmo lhnak na ania'a aktaqmanma apkelvaianlha la'a.

Hechos 14:8

Apnengkek nak nalhepop lhema enenlhet apteiaianlha sekha lhnak mankomopvana elhong m'a aniem'o ngkollatsekama apmankok akieto m'a Listra.

Hechos 15:36

Ka netamen nak ma'a, lhnak aptemak Pablo apkanemo Bernabe: —Nok, antangkok amaika'a mokhom lhamakho natemma nelempai'akha lhta sekha neleltennaikama apaivoma Apveske, kakpota nhan angeliohok aktakha apkellaniemhaikama m'a —lhna aptemak Pablo.

Hechos 16:2

Ntasek na mota apketlheianma apkelialheng'a m'a Listra kanhan Iconio m'a apketkok anak Timoteo.

Hechos 2:47

Apkeliavenkaseiangka nhan apvesai'a Eniapom Neten ma'a, apketlhenammakpo lhnak na apkellelto apkeliamolhma m'a. Lhamakho knem na ntemak aplhamasekamok Apveske m'a enenlhet'avok knema ta alvongkeskama tep.

2 Timoteo 3:11

Apiavek na lheiap aslengaiangko akientalhnema aniem'o nema heiaqmasekama lhta metka nnelha, ka aktemo lhta asvetai'a m'a apiav'akha temma Antioquia, Iconio kanhan Listra, koka Apveske lhtoka hevongkeskama mota tep ma'a.