Hechos 14:19 - Nuevo Testamento Toba Maskoy

¹⁹ Koka nietemavek nak na apkelvai'o judios apkelleniem'o Iconio kakpota nhan Antioquia, ka apkelpengkangvekho lhnak apvalho'ok enenlhet ma'a kakpota ellammelhkasekha Pablo. Ka apkeliaqneiangko lhnak metaimong ma'a, atlheianmo lhnak apvalho'ok enietsepmak ma'a, apkelienioseikokho lhnak na akieto nepiava temma.

Hechos 14:19 ပူးပေါင်းရင်းမြစ်များ

Hechos 13:14

Koka Pablo kakpota nhan Bernabe apkeliekai'ak nak na temma Perge, ka apkelvaiakmo lhnak natemma Antioquia akieto konne iokhalhma Pisidia. Aknem nennekhelha sabado lhnak ntemak ma'a, apkelentalhnengvaiakmo lhnak apkaqnekhelha judios, apkakhengveiakmo nhan konne m'a.

Hechos 13:45

Apkeliasepkeskangkek noka judios apkelvetai'o enenlhet'avok apentalhnema apkankesekha Pablo m'a, ka apkelempai'akha lhnak apkeliaskama apatno'ok kakpota nhan apkeltaknongkomo neksa apkeltennaikama Pablo m'a.

Hechos 14:1

Apkelvaiakmek nak Pablo kakpota nhan Bernabe akieto Iconio, apkelentalhnengvaiakmo lhnak apkaqnekhelha judios, ka apketlhekmoseiangko lhnak ania'a aktaqmanma m'a. Man nantek judios kakpota nhan griegos man nak eliaskeiakmok ania'a m'a.

Hechos 14:18

Apkelientelh apankek na ntemak ma'a mang nak nkonmopvanka'ak ellangkok qaselha nengaikamok anak ma'a.

Hechos 14:2

Koka moklhem'a judios apkeliaskeiakmek nak ma'a, ka apkellavkeskamo lhnak na moklhem'a metnangko judios ma'a kakpota ellammelhekhak engelialheng'a.

Hechos 14:21

apketlheianveiakmo nhan ania'a aktaqmanma m'a, man nak nantek enenlhet aptaiangko apkeltamesaikamok ma'a. Netamen apkeltaqhemo lhnak akieto Listra, Iconio kakpota nhan Antioquia.

Hechos 14:26

ka apkelkanetvaiakmo loma nemmen kakpota eltaqhok mokhom neptamna'ak akieto Antioquia. Apkelempaiakhasekha lhnak na m'a nema allapaskama ka nhan nemo alelmalhneskeskamo m'a Eniapom Neten kakpota elpasmok neksa apketlhengama kakpota eleltennasangkok ania'a aktaqmanma m'a, apkelpeneskangkek nak apkenmakmekama.

Hechos 14:4

Koka enenlhet'avok anak ma'a apkelhpankesammakpek nak ma'a, napokha lhnak apkelieplomak apkelemhama apmaniaie judios kakpota nhan napokha nema allapaskamo.

Hechos 14:5

Ka netamen nak ma'a apiepetkekho lhnak po'ok moklhem'a judios, metnangko judios kakpota nhan apkelemhama apmaniaie apkeleltemo enaqtevaksek Pablo kakpota nhan Bernabe, eliaqnangkok na metaimong kakpota ennapok ma'a.

Hechos 17:13

Koka apkellengai'ak nak judios akieto m'a Tesalonica apkeltennaikama Pablo Eniapom Neten apaivoma natemma Berea, ka apkenmeiekho lhnak ma'a, apkeltemeskeskekho lhnak na mokhom apkeliennengkeskama lhma enenlhet'avok aniem'o apkellammelhma Pablo.

Hechos 22:20

Apkeliavek na enenlhet asne lhta nhan ko lha m'a akieto lhta apkennapakha enenlhet Esteban, apto lhta apkasennaikama lheiap, aplhenaikama lhta nhan apvesai'a lheiap ma'a. Nlekave lhta nhan evalhok apkennapo Esteban ma'a, askeltaqmelkaskaske lhta nhan apkelaqlammap apkellelto lhta apkennapma m'a hellangkongvai'a", lhta stak askano m'a.

Hechos 7:58

Ka apkellentepkeskamo lhnak ma'a apiav'akha temma m'a, apkel·hatsosaiangko nhan apkelaqlammap apkellelto apkelvetaiangko aplheianma apkammelhma Eniapom Neten ma'a, apkellangkongvaiakmo m'a lhema apketkok ma'a apvesai'a Saulo, ampai'o lhna apkeliaqnekamok metaimong Esteban ma'a.

Hechos 9:16

Ataskesek hata m'a akiavai'a aplengaiangko akientalhnema aniem'o apaiesaikama asvesai'a —lhnak aptemak Apveske.

1 Corintios 15:31

Lhamakho aknem atlhenkeskama mota amatong ma'a, have niapak ankek astakha nak. Koka malha akpaieskaiam evalhok ma'a aniem'o aptaikamok meliaskeiam ketlhengkap.

2 Corintios 11:23

Apketlhenakpavek na apankavek apkellelto apkenmakmesaikama Eniapom Neten, ko'o koka tep ankek asmakmesaikama Eniapom Neten. Niekhe malha anema askeliatekama, nkaqhok koka alhenkesek hata askeliatekama, tep ankek ko asmakmekama m'a enenlhet'avok anak, nlhaniek askaklhengkasemmalhka nenmammalhkelha, nlhanie lhta nhan nema heliaqpelhketaikama, nlhaniek na atlhengkeskama amatong.

2 Corintios 11:25

Hanetolhema aktaiekho nhan heltekpoikama iamet, lhema aktema koka heliaqnai'a metaimong. Hanetolhem'a nhan akvaivekamok loma nemmen neksa alhengama. Nketlhenkeskangkek na angvetsepok, lhema aknem, pelhasep na aspathetma nemmen iamet akpaihema akvakmo lhta apkelvo'o helpasmoma m'a.

2 Corintios 11:26

Alhengamo lhta nhan akvenaktema nkek, asiekai'o nhan alvata asketsepma kelha lhta niekhe, man na ntek atlhengkeskama ngkolhek henmenielhkaso qaselha ehenkok, aspaiomo lhema ehenkek na heleliaikama apkenmahai'a henaqtevaksek kakpota nhan metnangko nak judios. Aslengaiangkek akientalhnema apiav'akha temma nak, iokhalhma, alvata kakpota nhan apieseksek engelialheng'a apkeltaikama nak apankavek apkelpeivomo.

1 Tesalonicenses 2:14

Apaivomolhema apankave lhta nhan apkenmenlhenaikama ketlhengkap ma'a, lhta nhan ntemak ma'a iglesia apankok Eniapom Neten akieto m'a Judea aniem'o meliaskeiam Cristo, apaivomo lhema apankave lhta judios apkenmenlhenaikama m'a.

2 Timoteo 3:11

Apiavek na lheiap aslengaiangko akientalhnema aniem'o nema heiaqmasekama lhta metka nnelha, ka aktemo lhta asvetai'a m'a apiav'akha temma Antioquia, Iconio kanhan Listra, koka Apveske lhtoka hevongkeskama mota tep ma'a.