Hechos 14:15 - Nuevo Testamento Toba Maskoy

¹⁵ —¡Metnamok ham! Have ennengko'o dioses, enenlhet apankavek ennengko'o ka akto nak ketlhengkap. Vanlha nelva'ak lhek ennengko'o nenmak'o angetlhekmosangkok ania'a aktaqmanma ketlhengkap kakpota elvatesangkok apkeltemakha ngkolatsekama. Elpengkangvomok na apvalho'ok akieto m'a Eniapom Neten apto menietsepma, apto nhan apkelanai'a neten, nalhepop, alvata kakpota nhan qaselha aknaiangko m'a.

Hechos 14:15 ပူးပေါင်းရင်းမြစ်များ

Juan 5:26

Eniapom anak nietnek apmopvana kakpota ellangkok aliennaktema apnenio'ok enenlhet'avok, apkanke lhta nhan Apketka apmopvana kakpota ellangkok hata aliennaktema apnenio'ok enenlhet.

Juan 7:18

Enenlhet apto la aplhenammakpo panke', apkeltemo ngkolhek altangko nema apiamo neten apankek. Koka enenlhet apteniai'a la mota aptemeskeskama neten apanke apvesai'a apto apkapaskama, koka enenlhet anak akto iokhalhmek aplheianma m'a, have apmopvana ania'a.

Hechos 10:26

Koka Pedro apkenengkasekhek nak neten, lhna aptemak apkanemo: —Etnemekha neten, asnavek ko'o lheiap enenlhet ko lha —lhna aptemak.

Hechos 13:32

Apkeleltennaskangkek nak nanek Eniapom Neten lhema apaivoma nelieihengka ngkotnek hata, koka melvetaiangkok ma'a. Ennengko'o koka nelvetai'ak, nenmak'ak na angelleltennaksek napaqtavek ketlhengkap ania'a aktaqmanma nak Eniapom Neten aktemakha aplhatekhaskeiam apieseksek apkenmaskengvaiakmo Jesús, aktemakha lhnak nanek na aktalhesammalhka vakkahak Salmos 2, ntemak hengke'e: «Lheiap apto eietka, ko'o heieniemai'a astepkeskama kolhvave nak».

Hechos 14:21

apketlheianveiakmo nhan ania'a aktaqmanma m'a, man nak nantek enenlhet aptaiangko apkeltamesaikamok ma'a. Netamen apkeltaqhemo lhnak akieto Listra, Iconio kakpota nhan Antioquia.

Hechos 14:7

apketlheianveiakmo lhnak na ania'a aktaqmanma apkelvaianlha la'a.

Hechos 16:30

Ka apkelentepkeskamo lhna lhta iokhalhma apkelaklhengkasemmap ma'a, apkelelmalhneiangka lhna lhta nhan, lhna lhta aptemak ma'a: —¿Ko la atnek ko'o avongkasalhkak tep, he? —lhna lhta aptemak.

Hechos 27:10

hengke'e: —Mangolatsama telha netlhengama, nkolentek hatelha loma nemmen anak, nkopallemmak na atsekama nemmen, angelletsepok hatelha nhan ennengko'o —lhta aptak apkellano Pablo m'a.

Hechos 27:21

Aholhe lhta aknem montaveikokhak nentekamok ma'a, ka apkenmakho lhta neten Pablo, lhta aptak apkellano aplhamakho: —Ntase lhta niekhe hellasekhok ketlhengkap askelto lhta angaqhangkok sekhek ma'a Creta, mangkolhek lhek aktakha loma nemmen kakpota nhan ennengko'o m'a.

Hechos 27:25

Ka ngkanek ko'o altok eliennekhok ketlhengkap ma'a, asiavek ko'o ngkotnek hata aptakha lhkek aplheianma Eniapom Neten.

Hechos 4:24

Apkellailhemavek nak ma'a apkeltemo lheme, netamen ma'a apkelpaqmetkeskamo lhnak Eniapom Neten aplhamakho apkelpasmekha m'a, lhna aptaiangkok apkelelmalhnongkomo m'a: —Apveske aknema apmopvana apanke, lheiap apkelanai'a neten kakpota nhan nalhepop, alvata kakpota nhan lhamakho qaselha aknaiangko nhan m'a.

Hechos 7:26

Mo'ok aknem nak ntemak ma'a apvetangvekho lhnak mokhom Moises apkennapommap po'ok apankek ko israelitas, ka apmahai'o lhnak emaskeskamok apkennapommap ma'a, lhna aptemak: "Apaivomo lhema pankek apkennapekpok ¿se lha kto ie, he?", lhnak aptemak.

1 Corintios 8:4

Ka aktemakha nak meleltammakpelha nak nlho ka la nhan ntase etavangkok apnaqtoskama apkennapekamok apkellaikamok anak qaselha akiokha alanemmalhka, neliavek ennengko'o qaselha akiokha nak mamma aniemhaikama m'a, mankolhenek nahan. Vanlha koka lhema aphapak apto Apveske, Eniapom Neten apvesai'a m'a.

Efesios 4:17

Kolhva asmak'ak atnek allana aktaqmanma nkek hengke'e akieplomo apvesai'a Apveske, ¡metnamo nkek ketlhengkap aptaiangkolha nak melioho nak Eniapom Neten! Apkelieplavkaske mota alietnaikama apaqto'ok nkolietemo m'a.

1 Tesalonicenses 1:9

Apketlheianma apankavek na lhta nhan ketlhengkap ma'a hengenmaiangko takha aktaqmanma neksa nelvaiam alhta ham, ka apkelieniekho lhna lhta nhan qaselha akiokha la alanemmalhka, apkelelpengkaiakmo lhna lhta nhan apvalho'ok akieto apnakha Eniapom Neten apto menietsepma, apto nhan have niapak anke niapom ma'a. Ka apkelempai'akha lhna lhta nhan apkellasennaikama Eniapom Neten ma'a,

Hebreos 3:12

¡Ellaho ta elialheng'a! Metnamo nkek na ngkollatsekama apvalho'ok nkeltemeskaskek na apkeliaskeiam ma'a kakpota nkolienieskasekhak na Eniapom Neten apto mangkotnengvaiam annelha apkaniemhaikama.

Santiago 5:17

Ka aktemo lhnak nanek na Elias annenga m'a, nennemo nhan ennengko'o enenlhet apanke, apteniai'o nhan apiempek neksa apkenmalhnonkoma apkenmalhneiangka Eniapom Neten meltemo mankonmakiek akvaiakmo nalhet hanetolhema iantelhkapa, ntemengkek nak nanek na m'a.

Apocalipsis 14:7

Lhta aptak apiennakteso apaivoma: —¡Ellaho Eniapom Neten! Eliavenkaskesama ta nhan apvesai'a ngkanek ngva'ak aknem kakpota eliekpelkok aplhamakho enenlhet'avok lhmankek ham apkellanekamok altaqmelo, ngkolatsekama nhan. Elteklhemok hata nhan aptapno'ok napaqtek ma'a aniem'o apkellai'o apto apkelanai'a neten, nalhepop, alvata akiav'akha kakpota nhan akteiapmakha iemmen aktaqmanma —lhta aptak ángel.

Apocalipsis 19:10

Ka askelteklheio lhta etapno'ok napaqtek ángel ma'a kakpota angvahok ma'a, koka lhta aptak heiano mokhom ma'a: —Have, metne ham, koka nietavek elteklheiok aptapno'ok napaqtek ma'a Eniapom Neten, ko'o nhan asto heiasennaikama m'a, snavek ko lheiap ka nhan apkelialheng'a nak meliaskeiam ania'a aplhenammap Jesús. Koka ania'a nak malha akvatepnapma allaikamok ma'a apkeleltennasemmap ania'a —lhta aptak heiano ángel.

Apocalipsis 19:19

Netamen asvet'o lhta mokhom qaselha nevhak alhta nengai'o, ankesakho apkelveskaie lhmankek ham kakpota nhan kempokhakme apanko'ok kakpota ennapakpok ma'a apto lhta apkanantema etanlheng apmopai'a akieplomo nhan kempokhakme apankok ma'a.

Apocalipsis 22:9

koka lhta aptak heiano ángel: —¡Metne ham, melteklhek aptapno'ok nehaqtek lheiap, koka ntasek elteklheiok aptapno'ok napaqtek ma'a Eniapom Neten! Ko'o nhan asto heiasennaikama Eniapom Neten, asnavek ko lheiap kakpota nhan apkelialheng'a nak apkeleltennasemmap ania'a, kakpota nhan apkellelto apkenmaikamok ania'a aktakha aktalhesammalhka vakkahak anak —lhta aptak heiano m'a.

Apocalipsis 4:11

—Apveske kanhan Eniapom Neten engankok, nietavek ankek angeliavenkaskesok apvesai'a lheiap, ngkolhek na ak'o mota. Ietavek na elhkak apmopvana lheiap ngkanek apkelentepkeskama lhamakho qaselha aknaiangko nak lhma nkek ham, ngkanek apmahai'akha lhta etnek lheiap ma'a —lhta aptangkok metno apketko'ok ma'a.