Hechos 14:1 - Nuevo Testamento Toba Maskoy

¹ Apkelvaiakmek nak Pablo kakpota nhan Bernabe akieto Iconio, apkelentalhnengvaiakmo lhnak apkaqnekhelha judios, ka apketlhekmoseiangko lhnak ania'a aktaqmanma m'a. Man nantek judios kakpota nhan griegos man nak eliaskeiakmok ania'a m'a.

Hechos 14:1 ပူးပေါင်းရင်းမြစ်များ

Marcos 7:26

Ka ngkelvana nak ma'a lhna nkeniemai'ak Grecia, iokhalhma akvesai'a Sirio Fenicia, nkaiosekama lhnak ngkelvana alanei'o Jesús altemo elentepkeskesek keliaqhameio av'alhok atka m'a.

Juan 12:20

Apkakhangke lhta nhan ma'a moklhem'a griegos apkelpasengvaiam aktaqmelaikama lhma Pascua m'a kakpota elteklhengkok aptapno'ok, el·halhentamok na napaqtek Eniapom Neten ma'a.

Juan 7:35

Ka apkelelmalhnekpo lhta mok apankavek apkelemhama apmaniaie judios ma'a, lhta aptangkok: —Se lha aplheno nak ai'e, ko la apmak'akha emhangkok kakpota mongelvetekhe. Kelha apme eniakhak ma'a elpalhakvakha judios apkellelto nak apkakhengveiam ma'a apieseksek anak griegos, kakpota nhan etlhekmoskamok griegos ma'a —lhta aptangkok ma'a.

Hechos 11:21

Nnaiangkek nak apkenmopvanka'a m'a aniem'o Apveske, apkellelto apkellailhemo apkeleltennaikama apkelpengkaiakmo lhnak apvalho'ok akieto m'a apnakha Apveske, meliaskeiakmo nhan ma'a.

Hechos 13:43

Man nantek judios kakpota nhan metnangko judios apkellelto apalhakvaiam apkelvanekamok aptaiangkelha judios, apkelieplekho lhnak Pablo m'a kanhan Bernabe. Koka apkelleltemo lhnak melieniekhek aptaikamok meliaskeiam Eniapom Neten kanhan apkellamelaiam ma'a.

Hechos 13:46

Koka Pablo kakpota nhan Bernabe apkeleltennaskamo lhnak metka apkellai'a, lhna aptaiangkok: —Hengelietave niekhe angetlhenek Eniapom Neten apaivoma apmaniaie ketlhengkap apkellelto judios, koka menmaiangkok takha m'a, meleltemok ngkolhnankok aliennaktema apnenio'ok mangkotnengvaiam annelha. Koka ntasek angelletsavkesek ania'a nak apieseksek anak metnangko nak judios.

Hechos 13:5

Ka apkelvaiakmo m'a nekha iemmen aknaktetemmalhkelha loma nemmen akieto Salamina, apketlheianveiakmo m'a ania'a aplhenammap Eniapom Neten akieto lhamakho apkaqnekhelha judios ma'a. Juan nak na apketlhelhma'ak ma'a apkelpasmoma mota.

Hechos 13:51

Ka apkelenteiapmo lhnak Pablo m'a kanhan Bernabe, apalesaiakmo lhnak apmanko'ok lhepop aktek aniem'o apkeltaknongkoma enenlhet'avok anak ma'a, ka apkenmeiakho lhnak iokhalhma Iconio.

Hechos 14:19

Koka nietemavek nak na apkelvai'o judios apkelleniem'o Iconio kakpota nhan Antioquia, ka apkelpengkangvekho lhnak apvalho'ok enenlhet ma'a kakpota ellammelhkasekha Pablo. Ka apkeliaqneiangko lhnak metaimong ma'a, atlheianmo lhnak apvalho'ok enietsepmak ma'a, apkelienioseikokho lhnak na akieto nepiava temma.

Hechos 14:2

Koka moklhem'a judios apkeliaskeiakmek nak ma'a, ka apkellavkeskamo lhnak na moklhem'a metnangko judios ma'a kakpota ellammelhekhak engelialheng'a.

Hechos 14:21

apketlheianveiakmo nhan ania'a aktaqmanma m'a, man nak nantek enenlhet aptaiangko apkeltamesaikamok ma'a. Netamen apkeltaqhemo lhnak akieto Listra, Iconio kakpota nhan Antioquia.

Hechos 16:1

Apvekhek nak Pablo m'a akieto iokhalhma Derbe kakpota nhan Listra, aplomaka lhnak na m'a lhema apketkok nema altameskama apvesai'a Timoteo, ngken noka akto judia mankoiaskeiam nak na m'a, apiapom noka apto griego.

Hechos 16:2

Ntasek na mota apketlheianma apkelialheng'a m'a Listra kanhan Iconio m'a apketkok anak Timoteo.

Hechos 17:12

Apentelhek nak enenlhet'avok meliaskeiakmo m'a kakpota nhan enenlhet neten apankavek, ngkelvana'a nhan alemhama amaniaie ko Grecia.

Hechos 17:17

Ka apkellatemommakpo lhnak na m'a judios kakpota nhan metnangko judios apkellelto apkellamelaiam Eniapom Neten akieto m'a apkaqnekhelha. Apmeiekhek nak na Pablo akieto akietelha apkaknaiankolha la mota enenlhet, apkellatemommakpo lhnak na enenlhet ma'a lhamakho aknem.

Hechos 17:4

Moklhem'a lhnak judios meliaskeiakmok ma'a, apkelpasmekho nhan Pablo kakpota nhan Silas ma'a. Meliaskeiakmo nhan aplhamakma griegos apkellelto apkellai'o mota Eniapom Neten, kakpota nhan alemhama amaniaie akto neten ankavek aliaspommalhka m'a.

Hechos 18:4

Lhamakho aknem sabado nennekhelha lhnak apmeiekha mota Pablo apkaqnekhelha judios, apkellatemommakpo lhnak judios kakpota nhan griegos apkeltemo lhnak nkollekvomok apvalho'ok ma'a.

Hechos 18:8

Apkemhama apmanie nemaknekhelha apvesai'a Crispo kakpota nhan apketkak mang nak na eliaskeiakmok Apveske, kakpota nhan mantek enenlhet'avok ko Corinto, ka aknemo lhnak na allavkesaiangko konne iemmen ma'a.

Hechos 19:10

akvaiakmo hanet iantelhkapa. Lhamakho enenlhet'avok apkelloma m'a iokhalhma Asia, apkelelto judios kakpota nhan griegos, apkellengai'ak nak ania'a aplhenammap Apveske.

Hechos 19:17

Aplhaniek nak judios kakpota nhan griegos ko Efeso apkelvetai'o m'a, apkellai'ak nak na m'a. Niaveiangkek nak aktema neten ankek apvesai'a Apveske Jesús ma'a.

Hechos 19:8

Hanetolhema pelten nak ngvaiakmok apmeiekha mota apkaqnekhelha judios Pablo m'a, metka apkai'a lhnak na apkellatemommap ma'a aktemakha aptema apveske Eniapom Neten. Apkeliaikama lhnak aptemakha kakpota nkollekvomok apvalho'ok enenlhet'avok, meliaskamek nahan.

Hechos 2:47

Apkeliavenkaseiangka nhan apvesai'a Eniapom Neten ma'a, apketlhenammakpo lhnak na apkellelto apkeliamolhma m'a. Lhamakho knem na ntemak aplhamasekamok Apveske m'a enenlhet'avok knema ta alvongkeskama tep.

Hechos 20:21

Askeliatengke lhta judios kakpota nhan metnangko nak judios askeltemo eliaqmongkasekhak mo'ok apvalho'ok napaqtek Eniapom Neten kakpota nhan meliaskame Apveske engankok Jesús.

Hechos 21:28

Ngkelpaihema lhta nhan apatno'ok, lhta aptangkok ma'a: —Enenlhet ko Israel, hengelvanengvata kakpota ampathetek enenlhet anak, malha apmaiangko lhma apketlhekmoseiangko lhamakho apkellavakha apkammelhekhek na nengavakha nak, ley engankok nahan, kakpota nhan Eniapom Neten apnemakha nak hengke'e. Apkellentalhneska'ak na griegos hengke'e, mangeltammalhkelha nak antangkok, aptevaskek na akto pa'at akpokkenammalhka nak —lhta aptangkok enenlhet'avok ma'a.

Hechos 9:20

Apkempai'akha lhnak kolhvavek anke apkeltennaikama Saulo apkaqnekhelha judios Jesús apto Eniapom Neten apketka.

Romanos 1:16

Momankek ko alhenek ania'a aktaqmanma ngkanek akto aknema akmovana aniem'o Eniapom Neten kakpota nkolvongkesek tep enenlhet'avok apkellelto la meliaskeiam, apmaniaie' judios, kakpota nhan griegos.

Romanos 10:12

Koka aplhamakho enenlhet'avok ma'a judios kakpota nhan griegos, apnavek po'ok napaqtek Eniapom Neten, apto Apveske takhaplhet'ok enenlhet'avok lhmankek ham. Nema apketsekama Eniapom Neten, nietnek lhema qaselha kakpota eniangkok apto la apkeltaikama apvesai'a m'a.

Galatas 2:3

Nkellekave lhta apvalho'ok ma'a asmakmekama, metka helammelhma m'a, kanhan ma lhta elleltok na ngkolhek akiaqtemenkaso nekha atkok aiempehek apkammelhakha Tito ngkanek apto lhta griego m'a, aptaiangkolha lhta mota m'a judios apankave'.

Galatas 3:28

kolhva koka aptaiangkok ketlhengkap apkelpasmekha Cristo Jesús, judios, griegos, nema allasennaikama nema apkelianmoma, metnangko nak nema apkelianmoma, apkelennava'ak, ngkelvana'ak, aplhamakho apankavek.

Colosenses 3:11

Apnemo po'ok enenlhet napaqtek Eniapom Neten metka apkeliekammap, ka aktonak judio, griego, mankolhnaikamo nak aliaqtemenammalhka nekhatko'ok apkellammelhakha, metka nak aliaqtemenammalhka nekhatko'ok apkellammelhakha, niekhe apiav'akha la temma aptaqmanma, nlho ka la temma apketkok akmaselhte qaselha apankok, niekhe nhan nema allasennaikama nema apkelianmoma, metnangko nema apkelianmoma, apkennemo po'ok koka m'a ngkanek Cristo apkakhangkek nengaqtek ma'a aplhamakho m'a, apto nhan neten apankek apiaspommap ma'a.

2 Timoteo 3:11

Apiavek na lheiap aslengaiangko akientalhnema aniem'o nema heiaqmasekama lhta metka nnelha, ka aktemo lhta asvetai'a m'a apiav'akha temma Antioquia, Iconio kanhan Listra, koka Apveske lhtoka hevongkeskama mota tep ma'a.