Hechos 13:43 - Nuevo Testamento Toba Maskoy

⁴³ Man nantek judios kakpota nhan metnangko judios apkellelto apalhakvaiam apkelvanekamok aptaiangkelha judios, apkelieplekho lhnak Pablo m'a kanhan Bernabe. Koka apkelleltemo lhnak melieniekhek aptaikamok meliaskeiam Eniapom Neten kanhan apkellamelaiam ma'a.

Hechos 13:43 ပူးပေါင်းရင်းမြစ်များ

Hechos 11:23

Bernabe lhnoka apto enenlhet apiamolhma', aklanei'o lhnak na apvalhok Espíritu Santo m'a kakpota nhan mei'askeiam ma'a. Apvekhek nak Bernabe m'a akieto Antioquia, apvetangvekho lhnak Eniapom Neten apkeltakmelkeskama enenlhet'avok ma'a, avanhek ankek nak na akpaihekha apvalhok ma'a. Ka apkeliatekho lhnak ma'a enenlhet'avok kakpota melvatesankek apkelleliehekho Apveske. Aplhaniek nak enenlhet apkellailhemo Bernabe, ka aptaiangko nhan meliaskeiam Apveske m'a.

Hechos 13:50

Koka apkellelto judios apkelentennaskekho lhnak meliamolhma Pablo kakpota nhan Bernabe naqtavek ngkelvana'ak aliamolhma, ngkeskama alletsekama nhan ma'a. Napaqtavek na apkelemhama apmaniaie' neten apankavek akieto apiav'akha temma nak, knemo nhan alentepkeskamo iokhalhma nak ma'a.

Hechos 14:22

Ka apkeleltemo lhnak amaika'a apkellelto nema altamesaikamok ma'a, apkeliateikokho lhnak na etlhengkesek meliaskeiam Jesús ma'a, lhnak aptaiangkok ma'a: —Annengangkok hata akiavai'a akientalhnema nenmak'o la antalhnengvomok akieto nak ma'a aptemakha apveske Eniapom Neten —lhna aptaiangkok ma'a.

Hechos 14:3

Koka nheklhek nak apkakhaikamok Pablo ka nhan Bernabe m'a akieto Iconio, apkeleltennaseiangka lhnak na ania'a hengamelaiam Apveske enenlhet'avok ma'a metka apkellai'a, ngkanek apkeliamavek nak apkeltakmelkeskamo m'a. Apkellaiangkek nak na m'a apkenmopvanka'a kakpota ellanangkok qaselha mongenatkeskama kakpota nhan qaselha hempelapkeskama.

Hechos 16:14

Lidia lhta akvesai'a lhema ngkelvana, ko Tiatira lhna lhta m'a, ietamopai'a apmennave lhta alhakhama apkelelqama'ak alhto ka iama apkel·hanaktema. Nkai'avek na lhta mota Eniapom Neten ma'a, nkailhangke lhta nhan apketlhekmoskama Pablo aniem'o Apveske aptemeskeskamak ma'a.

Hechos 17:17

Ka apkellatemommakpo lhnak na m'a judios kakpota nhan metnangko judios apkellelto apkellamelaiam Eniapom Neten akieto m'a apkaqnekhelha. Apmeiekhek nak na Pablo akieto akietelha apkaknaiankolha la mota enenlhet, apkellatemommakpo lhnak na enenlhet ma'a lhamakho aknem.

Hechos 17:34

Koka moklhem'a enenlhet nak meliaskeiakmok apketlhekmoskama Pablo ka apkelieplekho nhan ma'a. Lhema lhnak apkemhama apmanie apto neten apiaspommap apvesai'a Dionisio, apasmekha koka apkeniem'o Areopago, kakpota nhan lhema ngkelvana akvesai'a Damaris, kakpota nhan po'ok aplhamakha m'a.

Hechos 17:4

Moklhem'a lhnak judios meliaskeiakmok ma'a, apkelpasmekho nhan Pablo kakpota nhan Silas ma'a. Meliaskeiakmo nhan aplhamakma griegos apkellelto apkellai'o mota Eniapom Neten, kakpota nhan alemhama amaniaie akto neten ankavek aliaspommalhka m'a.

Hechos 18:7

Ka apteiapmo lhnak Pablo apkaqnekhelha judios ma'a, apmeiekho lhnak apnemakha lhema enenlhet apvesai'a Ticio Justo, apkai'o lhna mota Eniapom Neten enenlhet nak ma'a, nekha nkek nak na apnemakha nema aknekhelha m'a.

Hechos 2:10

Frigia, Panfilia, Egipto, kakpota nhan iokhalhma' akieto Libia, nengaqtek iokhalhma Cirene. Apkaqhangkek na enenlhet hengke'e apkelleniem'o ko Roma,

Hechos 28:23

Ka apkelpekkeno lhta lhema aknem eniaqnekhak hata mokhom ma'a. Ma lhta ntek enenlhet'avok apkenmeioiam apnakha nhan Pablo m'a apkenmahai'a ellailhok ma'a. Sosekhe anke lhta apkempak apkeltennaikama Pablo m'a akvakho ienaqteso ania'a aktemakha aptema apveske Eniapom Neten. Ka apkelpeiveskasakho lhta nhan ley Moises kakpota nhan vakkahak apnaktalheskama apkeleltennasemmap ania'a annenga aktemakha aplhenammap Jesús.

Hechos 6:5

Nkelleklemavek nak apvalho'ok enenlhet'avok ma'a, ka apkeliekiesaiangko lhnak lhema enenlhet aklanei'o apvalhok Espíritu Santo kanhan mei'askeiam apvesai'a lhnak Esteban, kakpota nhan po'ok Felipe, Procoro, Nicanor, Timon, Parmenas kakpota nhan Nicolas apkeniem'o m'a Antioquia, aptemongvai'a lhnak na judio m'a.

Romanos 11:6

have aniem'o aptaiangkolha apankavek la'a. Ka apkeliekieso la Eniapom Neten enenlhet'avok aniem'o aptaiangkolha apankavek la'a, mmaskek ma'a apkeliekieso aniem'o aktaqmanma nkek apkellanei'o m'a.

Romanos 3:24

Avanhek aktaqmanma hengellanei'o Eniapom Neten, apkapaskamo lhta Jesucristo kakpota hengel·hatsoskasangkok malha hennaktetema mongeliamolhma, hengeltemeskasekho lhta nhan nengelpeivomo napaqte Eniapom Neten ma'a, metka akianmoma.

Romanos 5:2

Kolhva envanka'ak angelteteskakhak na apnakha m'a, angelletsevasama nhan aniem'o m'a. Nkelpaihakhek engelvalho'ok kolhvave nak ngkanek alel·halhnekama engvalho'ok angelvakhak hata apnakha m'a kakpota nhan ma'a ampasmekhak hata qaselha altaqmanma Eniapom Neten apanko'ok.

Romanos 5:21

Mang nantek na meleliehekho apkellaskamakha Eniapom Neten, lhna songkek akvai'o nengetsepma m'a. Kolhva koka nhan ngvai'ak aktaqmanma hengellanei'o Eniapom Neten, hengeltemeskeskamo nhan nengelpeivomo metka akianmoma, kakpota nhan hengellaiangko akiennaktema enneniek mankotnengvaianlha nnelha aniem'o Apveske engankok Jesucristo.

2 Corintios 5:11

Neliavek ennengko'o ntasek angellaho mota Apveske, angelienlhanmangkok na nellannengvaiam enenlhet'avok kakpota meliaskamek ma'a. Apiavek Eniapom Neten iokhalhmek netlheianma ennengko'o, askeltave niekhe nhan eliohok ketlhengkap.

2 Corintios 6:1

Nenmakmesama ennengko'o Eniapom Neten, nellasnema nhan meltemeskesekhek koneng aktaqmanma nke nak apkellanei'o Eniapom Neten.

Galatas 5:1

Nne lhta hengelpaqnenkasakho nema hengenmaikama aniem'o lhta m'a Cristo. ¡Elienna toka ketlhengkap kakpota mankolatkeskatanie aiaspo'ok ankok akmahai'a nkolpathetek mokhom!

Galatas 5:4

Enenlhet la apmahai'a etnek apeivomo aniem'o ley, apieniakhek na Cristo m'a, aptaqnevakkek na qaselha metka akianmoma apkaikamok alhta m'a aniem'o lhta aktaqmanma apkelanei'o niekhe.

Efesios 2:8

Aktaqmanma nkek apkellanei'o Eniapom Neten ka nkeniemai'ak apkelvongkeskamo tep, meliaskeiakmo songke ketlhengkap ma'a. Metka akianmoma nhan ma'a, have apteniaiangko apiempeiok apteniaikamok ma'a.

Filipenses 3:16

Ntasek angelloka mota aktakha la akietnema mongiaskeiam.

Filipenses 4:1

Ka m'a astakha lhkek askellano, ntasek etlhengkesek akiennaktema nkek apkelleliehekho Apveske ketlhengkap elialheng'a askellasekhai'o, heliepvaiakmek nahan, apkelpaiesekha mota evalhok, malha akianmoma la alhevai'a asnaksepma askelhanma epatek ketlhengkap.

Colosenses 1:23

Nkaimelhkek eliennakteksek meliaskeiam anak, metka apkelieniekha m'a alel·halhnekama apvalho'ok elvetak hata aktaqmanma aniem'o ania'a aktaqmanma apkellengai'a lhta, nema aleltennaskamo mota lhmankek ham. Ko'o nhan askeleltennaskama ania'a nak aniem'o lhta heiapaskama Eniapom Neten.

Colosenses 1:28

Ennengko'o nelpaieskek ania'a aplhenammap Cristo, nellaskek na qaselha, netlhekmosenke mota akieplomo akiavai'a nkek neliangveiakmo kakpota etnangkok aliennaktema nkek apvalho'ok ketlhengkap apkanemakha nhan etnangkok Cristo m'a.

Tito 2:11

Hengelvetaskeskangke lhta Eniapom Neten aktaqmanma nkek hengellanei'o neksa hengellaikamok nengelvongkasemmalhka tep anak nenlhamakho lhmankek ham,

Hebreos 12:15

Elienlhanmamok hata nhan apkenmaikamok qaselha altaqmanma nke' metka akianmoma aniem'o Eniapom Neten kakpota metnangkek ma'a malha aktonak panaktema aikapmen'ok anak akmaska aktevaskama nak enenlhet, akmovana nhan nkovak ma'a.

Hebreos 13:9

Ka ngkanek na ntasek ketlhengkap meliaqmongkasekhek mo'ok aktemakha hengetlhekmoskama la'a, ngkanek lhamakho henganemakha nak alleskama mota etavangkok lhamakho nentoma la'a ketlhengkap man koka nkoliennakteskasak apvalho'ok ketlhengkap ma'a. Vanlha koka m'a nengamelaiam anak aniem'o m'a Eniapom Neten avankek nkoliennakteskesek apvalho'ok ma'a.

1 Pedro 5:12

Hai, akiakvatema nkek vakkahak anak astalheskama aniem'o nhan hepasmoma astema emo'ok nengaqtek eialheng Silvano, astalheskek vakkahak anak askellanemakha etnangkok, kakpota elvetaskesek qaselha altaqmelo alleniem'o Eniapom Neten akiavai'a apkellamelaiam ketlhengkap ma'a, etlhengkes hata nhan alpaihekha nak apvalho'ok aniem'o apkellamelaiam ma'a.

2 Pedro 3:14

Ketlhengkap elialheng'a askellamelaiam, neksa apkelel·halhanma nkovak aknem anak ma'a, eteniamok hata apiempeiok elloka metka akmaska, kanhan metka apkeltemengveiakmo lhma kakpota elvetangvetak Eniapom Neten apvaktamo ta m'a.

1 Juan 2:28

Ketlhengkap eietkak apketkok, etlhengkes hata apkelpasmekha Cristo kakpota apvanka'ak na elteteskamok metka apkenmangkasekama, metka altaikama nhan apvalho'ok apvaktamo ta m'a.

2 Juan 1:9

Enenlhet apto la apmahai'a eiaqmongkasekhak mo'ok hengetlhekmoskama lhta Cristo, have nhan nengaqtek Eniapom Neten ma'a. Koka apto la aptaqmelkeskama hengetlhekmoskama Cristo, koka apto apnemo lhemek Eniapom kanhan Apketka.