Hechos 13:40 - Nuevo Testamento Toba Maskoy

⁴⁰ Ellaho ketlhengkap kakpota mankovhek akientalhnema apketlheianmo lhnak nanek apkeleltennasemmap ania'a, lhnak nanek aptaiangkok:

Hechos 13:40 ပူးပေါင်းရင်းမြစ်များ

Lucas 24:44

Netamen nak Jesús ma'a lhna aptemak apkellanemo mokhom: —Aktakha nak asvetammalhka ko'o, askeleltennaskangke lhta mota ketlhengkap, ntemengkek askaniemhaikama aklheianmo lhnak nanek ley Moises, apkeleltennasemmap ania'a annenga kakpota nhan vakkahak Salmo hetlheianma ko'o —lhna aptemak Jesús.

Juan 6:45

Nietnek apnaqtalheskama vakkahak apkeleltennasemmap ania'a annenga, ka ntak hengke'e: «Eniapom Neten hata etlhekmoksek lhamakho enenlhet'avok», ka ntemak ma'a. Ka ngkanek enenlhet'avok la apkellailhemo, apkellasekhai'o la nhan Eniapom anak, hata etnangkok helieplekama ko'o m'a.

Hechos 15:15

Nlheianmek nak nanek na ania'a apnaktalheskama apkeleltennasemmap ania'a lhennenga, lhnak na ne ntemak:

Hechos 7:42

Koka apkelieniekhek nak Eniapom Neten enenlhet'avok ma'a, apkellaiangkavek nak apkeliavenkaskesaiangka apkelvesai'a iav'a m'a. Ka aktemo lhnak apnaktalhesaikamok vakkahak apkeleltennasemmap ania'a hengke'e: «Enenlhet'avok ko Israel, ngvaiakmek niekhe 40 iantelhkapa apkelloma iokhalhma metkelha temma, man koka hellaiangkok apnaqtoskama apkennapekamok kakpota nhan qaselha apankok hellaikamok la'a.

Hebreos 12:25

Hai, ntasek ankek ketlhengkap apkelvetai'a neksa apkellangiemhaikama, ka ngkanek ntasek meltaqneve' kno la alpaqmetkeso, ¡ellaho ta nkovak akientalhnema! Mang nak nanek elvaiakmok tep ma'a apkellelto lhnak nanek apkeltaknongkoma apkellanemmakpelha etnangkok m'a aniem'o nhan enenlhet apankek apkellaikamok apaivoma m'a. Aselhtek hata nhan elvomok tep apkellelto la apkeltaknongkoma apto apkennaveskama m'a aniem'o nak neten.

Hebreos 3:12

¡Ellaho ta elialheng'a! Metnamo nkek na ngkollatsekama apvalho'ok nkeltemeskaskek na apkeliaskeiam ma'a kakpota nkolienieskasekhak na Eniapom Neten apto mangkotnengvaiam annelha apkaniemhaikama.