Hechos 13:38 - Nuevo Testamento Toba Maskoy

^38-39 Ellailho no ko israelitas ania'a netlhekmoskama nak, apkellelto la meliaskeiam Jesús ngkolhek hata aktemeskesangkankek meleliehekho apkellaskamakha Eniapom Neten, ngkolhek hata nhan altemeskeso apkelpeivomo. Koka ley anak Moises mankavankek nkotneskesama nkek meleliehekho nak apkellaskamakha Eniapom Neten, mankavankek na nkoltemeskesek apkelpeivomo.

Hechos 13:38 ပူးပေါင်းရင်းမြစ်များ

Lucas 24:47

Nkolhek hata aleltennasengka apvesai'a lhamakho apkellavakha halhmankek ham, hata ellempak hengke'e Jerusalen kakpota eliaqmongkasekhak na mo'ok apvalho'ok enenlhet'avok kakpota Eniapom Neten etneskesama apankek meleliehekho nak apkellaskamakha, lhna ntemak na ania'a m'a.

Juan 1:29

Lhema aknem alhta ntak akiekai'a m'a, apvet'o lhta Juan aplhekmo Jesús ma'a, lhta aptak apkellano enenlhet'avok: —Ellammelhono ha'e, aplhekmek apto Nepkesek Apketkok apkapaskama Eniapom Neten, apto apkel·hatsoskama ta malha akientalhnema apkelpatmekama enenlhet lhmankek ham aniem'o meleliehekho apkellaskamakha Eniapom Neten.

Hechos 10:43

Apketlheianmek nak nanek na apkeleltennasemmap ania'a Eniapom Neten etneskesama lhna lhta apankek meleliehekho apkellaskamakha apkellelto la meliaskeiam apvesai'a Jesús ma'a —lhna aptemak apkellanemo Pedro enenlhet'avok ma'a.

Hechos 2:14

Ka apkenmekho lhnak neten Pedro m'a kakpota nhan 11 nema alapaskamo, lhna aptemak Pedro apiennakteskamo apaivoma: —Ketlhengkap judios kakpota nhan ketlhengkap apkellavakha nak hengke'e Jerusalen, eltaqmelkaso no apkellailhemo asmak'akha nak atnehek alheianma.

Hechos 2:38

Ka apkatemmoiangka lhnak Pedro m'a, lhna aptemak: —Eliaqmongkasekha mo'ok apvalho'ok, elvatesamok apkeltemakha ngkollatsekama, elteniamok nema allavkeskama konne iemmen akieplomo apvesai'a Jesucristo. Netamen Eniapom Neten etnama ta apankek meleliehekho apkellaskamakha, kakpota ellangkok na metka akianmoma Espíritu Santo.

Hechos 28:28

Ka nkeniemai'ak nenvongkasemmalhka nak tep apketlhevangveiakmo m'a metnangko nak judios, ellailhok hata nhan ma'a.

Hechos 4:10

Aleltennasangko ta ketlhengkap kakpota nhan aplhamakho enenlhet'avok ko Israel, ka enenlhet alhta aptaqmalveiam aniem'o koka m'a apvesai'a Jesús ko Nazaret, apkellaqhema lhta ketlhengkap neten iamet aktenneskama, Eniapom Neten alhta nhan aplhatekhaskakmok ma'a.

Hechos 5:31

Ka nhan aptemeskeskamo apto neten apankek ma'a, apneskekho nhan akieto akiennakha apoktong, kakpota nhan etneskesek apto Aplaqlekama niapom kakpota nhan Elvongkesek tep enenlhet'avok ko Israel. Kakpota eliaqmongkasekhak na mo'ok apvalho'ok, etneskesama apankek na meleliehekho apkellaskamakha m'a.

Efesios 1:7

Apketsepme lhta Cristo akiangkenammalhko nhan ema apankok kakpota hengel·hatsoskakhak neksa hengenmaikama lhta mongeliamolhma, ka aptemeskesaiangka lhta nha apankek mongeliamolhma nak. Koka m'a apeneskamo lhnak nanek Eniapom Neten apkelanekha aptakha etnek hata aniem'o aktaqmanma nkek hengellanei'o.

Efesios 4:32

Ellanamok koka altaqmelo qaselha, elietnaho napaqta'a po'ok, eltemeskesama ta nhan apankavek aptevasko la po'ok apieseksek anak ketlhengkap, ka aptemakha lhta Eniapom Neten aptemeskesaiangka lhta apankek meliamolhma lhta ketlhengkap aniem'o apkelpasmekha Cristo.

Colosenses 1:14

apto lhta nhan hengel·hatsoskekha, aptemeskesaiangka lhta nhan apankek mongeleliehekho hengaskamakha Eniapom Neten.

Hebreos 8:6

Koka neten ankek aktaqmanma m'a aktemakha apmakmekama sacerdote Jesús aplhevai'a, melhnok ma'a sacerdote nenvanlha nak. Apsoiakmo songke alhnankok annemo mo'ok apvalho'ok apkenmahai'akha etnangkok ntasek ankek ma'a mangkolhnok lhennenga. Apsoiakmo nhan alhnankok apeneskamo aplheianma Eniapom Neten, neten ankek aktaqmanma mangkolhnok na m'a lhennenga.

Hebreos 9:22

Koka ley anak nketlhenkeskamavek nkolalhnaksek qaselha aniem'o m'a ema. Metko la akiangkenammalhka ema, mangkolhek na aktemeskesangkankek meliamolhma nak enenlhet'avok.

1 Juan 2:12

Asnaktalheskaskek vakkahak anak hengke'e ketlhengkap eietkak apketkok, ngkanek nne lhta aktemeskesangkankek apkellanekamok ngkollatsekama aniem'o m'a apvesai'a Jesucristo.