Hechos 13:26 - Nuevo Testamento Toba Maskoy

²⁶ Ellailho ketlhengkap elialheng'a Abraham aptavana'ak neptamen kakpota nhan ketlhengkap metnangko nak judios apkellelto apkellai'o nak Eniapom Neten, ka ania'a nak akto hengvongkeskama tep nenlhamakho.

Hechos 13:26 ပူးပေါင်းရင်းမြစ်များ

Lucas 1:69

Apkapaskangkek na hengvongkeskama tep aknema apmopvana apanke. Apveske David aptaven neptamen, apto lhnak nanek na apkasennaikama Eniapom Neten ma'a.

Lucas 1:77

Eleltennasama ta enenlhet'avok ko Israel Eniapom Neten hata etneskesama apankek meleliehekho apkellaskamakha m'a, elvongkesek hata nhan tep ma'a.

Lucas 24:47

Nkolhek hata aleltennasengka apvesai'a lhamakho apkellavakha halhmankek ham, hata ellempak hengke'e Jerusalen kakpota eliaqmongkasekhak na mo'ok apvalho'ok enenlhet'avok kakpota Eniapom Neten etneskesama apankek meleliehekho nak apkellaskamakha, lhna ntemak na ania'a m'a.

Juan 6:68

Ka apkatemmongka lhta Simon Pedro m'a, lhta aptak: —Apveske, mamma apno enenlhet lheiap, vanlha lheiap apaivoma nak avankek hengankok akiennaktema ennenio'ok nkotnengvaianlha nnelha.

Hechos 10:2

Apiamolhma lhnak ma'a, apkai'o lhnak na Eniapom neten ma'a akvekho apkennemolhema apketkak. Apkellaiangko nha mota patakkom apankok apkelpasmomo Judios, apkenmalhnonkoma mota nhan Eniapom Neten.

Hechos 10:35

apto nhan ma'a apkellamelaiam enenlhet lhamakho apkellavakha apkellelto apkellai'o kakpota nhan apkellanai'a nak qaselha akpeivomo.

Hechos 13:43

Man nantek judios kakpota nhan metnangko judios apkellelto apalhakvaiam apkelvanekamok aptaiangkelha judios, apkelieplekho lhnak Pablo m'a kanhan Bernabe. Koka apkelleltemo lhnak melieniekhek aptaikamok meliaskeiam Eniapom Neten kanhan apkellamelaiam ma'a.

Hechos 13:46

Koka Pablo kakpota nhan Bernabe apkeleltennaskamo lhnak metka apkellai'a, lhna aptaiangkok: —Hengelietave niekhe angetlhenek Eniapom Neten apaivoma apmaniaie ketlhengkap apkellelto judios, koka menmaiangkok takha m'a, meleltemok ngkolhnankok aliennaktema apnenio'ok mangkotnengvaiam annelha. Koka ntasek angelletsavkesek ania'a nak apieseksek anak metnangko nak judios.

Hechos 16:17

Ka ampo'o lhta akiepleiam Pablo kakpota nhan ennengko'o ngkelvana tkok, ma lhta nkasak akveneiam nentamna'ak ma'a, lhta ntak: —Ka enenlhet'avok anak ham apkellennengkasekama Eniapom Neten apto apnema nak netne kankoie, apkelva'ak apkenmahai'a etlhenek ania'a aktemakha nengelvongkasemmalhka ta tep —lhta ntak akveneiam ngkelvana tkok alhta m'a.

Hechos 22:5

Apkeliavek apiav'akha sacerdote kakpota nhan metno apketko'ok have niapak anke astakha lhkek alheianma ngkanek hellaikamo lhta mota vakkahak kakpota asakhak ma'a apkakhangkelha' apkelemhama apmaniaie' judios ko Damasco kakpota hellangkoho' alpathetek apkellelto Jesucristo apkennemolhema kakpota nhan alaqlantak hengke'e Jerusalen kakpota alleltekpoma apiempeiok.

Hechos 28:28

Ka nkeniemai'ak nenvongkasemmalhka nak tep apketlhevangveiakmo m'a metnangko nak judios, ellailhok hata nhan ma'a.

Hechos 3:26

Hai, Eniapom Neten alhta aplhatekhaskakmok Apketka, apkapaske lhta nhan ma'a kakpota eltaqmelkeskesek apkellaniemhaikama apmaniaie koka ketlhengkap, kakpota elvatesangkok na qaselha ngkollatsekama apkellanekamok —lhna aptemak Pedro apkellanemo enenlhet'avok ma'a.

Hechos 4:12

Vanlha koka apvankek hengelvongkesek tep ma'a ngkanek apvesai'a nak akto neten ankek ma'a, mangkolhnok po'ok enenlhet takhalhet lhepop anak —lhna aptemak Pedro apkellanemo m'a.

Hechos 5:20

—Enmeiakha Eniapom Neten apnemakha, eleltennasama ta m'a ania'a aktaqmanma hengaikamok nenganiemhaikama akiennaktema —lhnak aptemak apkellanemo ángel.

Romanos 1:16

Momankek ko alhenek ania'a aktaqmanma ngkanek akto aknema akmovana aniem'o Eniapom Neten kakpota nkolvongkesek tep enenlhet'avok apkellelto la meliaskeiam, apmaniaie' judios, kakpota nhan griegos.

Efesios 1:13

Ketlhengkap na apkellailhemave lhta ania'a aktaqmanma akto have niapak ankek aktemakha hengvongkeskama tep, meliaskeiakmo lhta nhan ma'a aniem'o Cristo. Aptemo nhan Eniapom Neten malha apnaqtalheskama lhta nhan qaselha mongenatkeskama apvalho'ok apvesai'a Espíritu Santo kakpota etnangkok malha apanko'ok ma'a, aplheianmo lhnak nanek na Eniapom Neten have niapak ankek ellangkok hata m'a.

Colosenses 1:5

Nnaiangkek nak na apkelvaskapma m'a aniem'o alel·halhnekama apvalho'ok etlhevangkok hata lhema qaselha nema alpokkenkeskama m'a neten, apkellengai'a lhta ketlhengkap aklhenammalhka ania'a nak