Hechos 13:2 - Nuevo Testamento Toba Maskoy

² Lhema knem na ntemak ma'a apkeliavenkaskesaiangka lhnak apvesai'a Apveske kakpota nhan apkellakhaskesammakpok mek, koka lhna aptemak apkellanemo Espíritu Santo m'a: —Heliekieskasamo ta Bernabe kakpota nhan Saulo, allangko ta apkenmakmekama —lhna aptemak.

Hechos 13:2 ပူးပေါင်းရင်းမြစ်များ

Lucas 10:1

Netamen nak ma'a apkeliekieskamo lhnak Apveske 72 enenlhet apieseksek ma'a, ka apkellapaskamo lhnak apmaniaie mok apkanet akieto apnakha la temma kakpota nhan emhangkok alhaiek ma'a.

Lucas 2:37

ka aktemo lhnak lhentampe. Ngvaiakmek nak 84 iantelhkapa aktema lhentampe, vanlha lhna mota akmeiekho Eniapom Neten apnemakha kakpota nkasennama m'a, pelhasep kakpota nhan knem anke, akhaskesammalhko lhna mota mek ma'a, anmalhnongkomo nhan.

Hechos 10:19

Koka Pedro aplomaka lhnak mokhom mo'ok av'alhok pa'at neten, nheklhek nak aklhenaiangka apvalhok aktemakha akvetai'a apaqtek ma'a, ka aptemo lhnak apkanemo Espíritu: —Apkanetolhem'a enenlhet apkelketamak lheiap,

Hechos 10:30

Ka apkatemmoiangka lhnak Cornelio m'a, lhna aptemak: —4 knem antak akiekai'a, malha la 3 ienaqteso lhta, neksa askenmalhnongkoma m'a asnemakha apteiapvo'o lhta lhema enenlhet apkelienmomo lhta aptalhnema,

Hechos 13:3

Ka apkelelmalhneiangko lhnak mokhom ma'a, apkellaqhaskesammakpo nhan mokhom mek. Netamen nak ma'a apnengkenaiangko lhnak na apmeio'ok takhaplhet'ok ma'a, apkellapaskamo nhan elhpankesek ania'a aktaqmanma.

Hechos 13:4

Netamen nak apketlhengamo apkenmaiangko Seleucia aniem'o Espíritu Santo apkeleltennaskama. Apkelkanetvaiakmo nhan loma nemmen akiavai'a m'a, apkenmaiangko m'a apkel·halhtepelhketmo iemmen akvakmo akiakiengveiam lhepop akhalhiengkaiam iemmen akvesai'a Chipre.

Hechos 14:26

ka apkelkanetvaiakmo loma nemmen kakpota eltaqhok mokhom neptamna'ak akieto Antioquia. Apkelempaiakhasekha lhnak na m'a nema allapaskama ka nhan nemo alelmalhneskeskamo m'a Eniapom Neten kakpota elpasmok neksa apketlhengama kakpota eleltennasangkok ania'a aktaqmanma m'a, apkelpeneskangkek nak apkenmakmekama.

Hechos 20:28

Pastores aptaiangkok ketlhengkap aniem'o Espíritu Santo apkeltemeskeskama apkelemhama apmaniaie, ¡elel·halhnama ta mota ketlhengkap! Eltaqmelkes hata nhan apkellelto iglesia apankok Apveske, apkellelto lhta nhan apkenmama aniem'o ema apankok.

Hechos 22:21

Koka lhta aptak heiano mokhom Apveske: "Eniakha panke', askeltave ko'o emhangkok lheiap mokhek ankek mo'ok apkellavakha apkakhaiangkolha nak metnangko nak judios", lhta aptak heiano.

Hechos 4:36

Apnengkek nak na lhema enenlhet apvesai'a José apkeniem'o Chipre, aptaven neptamen noka m'a Levi. Koka nema allapaskama m'a apkeliaqmongkaskesekho lhnak mo'ok apvesai'a, Bernabe lhnak apteskaseikokhak apvesai'a m'a, nema ltema apaiesekha engvalhok aniapom.

Hechos 6:4

Angetlhengkesek hato ka mota ennengko'o nelpaqmetkeskama Eniapom Neten, angeltennasangkok na ania'a aplhenammap Jesús —lhnak aptaiangkok ma'a.

Hechos 8:29

Koka lhna aptemak apkanemo Espíritu Felipe: —Eteteskakho no nekha koleto nak —lhna aptemak.

Hechos 9:15

Koka lhnak aptemak mokhom Apveske apkanemo: —Eniakha ta panke, ko'o askeliekieskama m'a enenlhet anak kakpota elhenek asvesai'a apieseksek metnangko nak judios, kakpota nhan apieseksek apkeliav'akha apkelveskaie apanko'ok, kakpota nhan apieseksek israelitas.

Romanos 1:1

Ko'o Pablo, heiasennaikama Cristo Jesús, nketlhenkek evalhok ketlhengkap ham. Heliekieskama lhta Eniapom Neten kakpota atnek heiapaskama mota apaiaksek ania'a aktaqmanma apankok ma'a.

Romanos 10:15

Mamma ta nhan enenlhet emhangkok ma'a eleltennasama ania'a metko la nema apaskama. Ka ntemak na aktalhesammalhka Eniapom Neten apaivoma: «Ntasek anke ngkotnek ma'a apkelvo'o la apketsekama ania'a aktaqmanma», ka ntemak.

Romanos 15:16

kakpota atnek heiasennaikama Cristo Jesús. Apaiaksek na ania'a aktaqmanma apieseksek ma'a metnangko nak judios kakpota nhan eltangkok apkelpokkanma Eniapom Neten, malha qaselha nengaikamok anak apiaspongkomakha la Eniapom Neten, aniem'o Espíritu Santo.

1 Corintios 12:11

Koka lhamakho qaselha nak nenmopvanka'a aniem'o m'a vanlha lhema Espíritu, apkennaskek apmak'akha la eniangkok apieseksek ma'a meliaskeiam la'a.

1 Corintios 7:5

Ka ngkanek mangkolatsema nkoihengekhak nkolpathetalhkak ma'a, koka ntasek ma'a mankolpathetalhkek akiakvatakho kakpota nkolpaqmetkese mota Eniapom Neten, koka netamen ma'a ntasek nkolpathetalhkak lhemek mokhom kakpota mankovhek akiepkonma Satanas aniem'o mankolpathetammalhka atava.

2 Corintios 11:27

Aslengaiangkek na akientalhnema asmakmekama, asiampei'o, metka asteianma, mek heiaqhema aimommalhka astoma, aknem na heiaqhema, aslengaiangkek na apmap semange, apkaimommap astalhnema apmokhetma la'a.

2 Corintios 6:5

Nelvaskapmek na m'a nengaqhengveiakmo nengaqlhengkasemmalhkelha, kakpota nhan apkeliepetkaseiam apieseksek enenlhet apkenmahai'a hennaqtevaksek, nelvaskapmek na m'a nenmakmekama akientalhnema metka nenteianma, metka nentoma nhan.

Galatas 1:15

Nkaqhok koka m'a Eniapom Neten heliekieskangke panke amanie asmahai'a atiemok av'alhok meme aniem'o aktaqmanma nkek helanei'o, apmahai'ak na heteskesek Apketka kakpota heiapaksek ma'a aleltennasangkok apvesai'a apieseksek metnangko nak Judios. Ma lhta ateniaikama enenlhet hetlhekmoskama la'a,

Efesios 3:7

Hetneskaskek ko'o heiasennaikama Eniapom Neten kakpota apaiaksek ania'a aktaqmanma nak aniem'o apietnai'avek neha'at kanhan akiavai'a apmopvana.

Colosenses 4:17

Eleltennasamok hata nhan Arquipo eieplavkesek hata apmakmekama aniem'o m'a apkaikamok Apveske.

1 Timoteo 2:7

Ko'o lhta nhan nemo hetneskeskamo askeltennaikama ania'a kanhan nema heiapaskamo kakpota atlhekmoksek aktemakha mongiaskeiam akto have niapak ankek apieseksek anak metnangko nak judios. Have niapak ankek astakha nak alheianma, have asmopvana ania'a.

2 Timoteo 1:11

Heliekieskamo lhta Eniapom Neten kakpota apaiaksek ania'a aktaqmanma nak, hetneskeskamo nhan heiapaskamo apankok kanhan hengetlhekmoskama,

2 Timoteo 2:2

Aplengai'a mota lheiap asketlhekmoskamo napaqtavek enenlhet'avok apentalhnema, etlhekmosa ta nha mota lheiap ma'a moklhem'a enenlhet apkellelto la apkeltakmelkasemmakpo kakpota nhan ma'a etlhekmosangkok na po'ok.

2 Timoteo 4:11

vanlha koka Lucas apnekho hengke'e alhelhma. Askeltavek na eliama lheiap Marcos ham eiantementak na hengke'e kakpota hepasengvatak asmakmekama nak.

2 Timoteo 4:5

Koka lheiap etne ta apmopvana emankok apvalhok apvet'o la lhamakho qaselha ngkolatsekama, evaskap hata nhan neksa akvai'a akientalhnema, etne ta mota aptema evangelista lheiap, elana ta mota nhan aktaqmelo apkasennaikama Eniapom Neten.

Hebreos 5:4

Mankapvankek enenlhet eliekiesakpo panke kakpota emakmongvomok ma'a aktakmelakha la nenmakmekama aniem'o apmahai'a etnek apiav'akha sacerdote, Eniapom Neten koka apkeliekieskama apankek ma'a, ka aptemakha lhnak nanek apkelanei'o Aarón apkeliekieskamo m'a.