Hechos 13:16 - Nuevo Testamento Toba Maskoy

¹⁶ Ka apkenmekho lhnak neten Pablo napaqtave enenlhet'avok, apiasekho lhnak neten apmek apkeltemo elvanmak enenlhet'avok ma'a, lhnak aptemak: —Ellailhonoho ko Israel kakpota nhan ketlhengkap metnangko nak judios apkellelto apkellai'o Eniapom Neten.

Hechos 13:16 ပူးပေါင်းရင်းမြစ်များ

Lucas 1:22

Lhennenga lhna ntemak apiephongvektamo Zacarias ma'a, mamma lhna ntemak apaivoma, mok apophek nak aptemak ma'a. Ka atlheianmo lhnak apvalho'ok enenlhet'avok apvetai'a lhema qaselha m'a konne Eniapom Neten apnemakha.

Lucas 1:50

Nietnek apkelietnai'o napaqta'ak apkellelto nak apkellai'o m'a,

Lucas 23:40

Koka po'ok noka apkelanai'a ngkollatsekama apiamenaikama lhnak aptemo lhemek apielhnema neten ma'a, lhna aptemak apkanemo: —Aplengangkek lheiap akmaska, nheklhek koka meniai'o Eniapom Neten.

Hechos 10:2

Apiamolhma lhnak ma'a, apkai'o lhnak na Eniapom neten ma'a akvekho apkennemolhema apketkak. Apkellaiangko nha mota patakkom apankok apkelpasmomo Judios, apkenmalhnonkoma mota nhan Eniapom Neten.

Hechos 10:35

apto nhan ma'a apkellamelaiam enenlhet lhamakho apkellavakha apkellelto apkellai'o kakpota nhan apkellanai'a nak qaselha akpeivomo.

Hechos 12:17

Mok apophek nak aptemak Pedro apkeltemo elvanmak ma'a, ka apkeltennaiangka lhnak aktemakha aptepekha nengaqlhengkasemmalhkelha aniem'o apasmoma Apveske. Netamen lhnak aptemak apkellanemo: —Enmeiakha ta ha'e, eleltennaskakha ta ania'a Jacobo kakpota nhan po'ok apkelialheng'a —lhna aptemak. Ka apteiapmo lhnak konne pa'at Pedro m'a, aplhengamo.

Hechos 13:26

Ellailho ketlhengkap elialheng'a Abraham aptavana'ak neptamen kakpota nhan ketlhengkap metnangko nak judios apkellelto apkellai'o nak Eniapom Neten, ka ania'a nak akto hengvongkeskama tep nenlhamakho.

Hechos 13:46

Koka Pablo kakpota nhan Bernabe apkeleltennaskamo lhnak metka apkellai'a, lhna aptaiangkok: —Hengelietave niekhe angetlhenek Eniapom Neten apaivoma apmaniaie ketlhengkap apkellelto judios, koka menmaiangkok takha m'a, meleltemok ngkolhnankok aliennaktema apnenio'ok mangkotnengvaiam annelha. Koka ntasek angelletsavkesek ania'a nak apieseksek anak metnangko nak judios.

Hechos 19:33

Ka apkelpeiveskasekho lhnak judios lhema enenlhet apvesai'a Alejandro aktemakha ania'a m'a, apkeliengeiangkek nak kakpota elhenek napaqtavek enenlhet'avok ma'a. Ka apkeliasekho lhnak neten apmeiok Alejandro apkeltemo elvanmak sekhe' kakpota eliatak ma'a.

Hechos 2:14

Ka apkenmekho lhnak neten Pedro m'a kakpota nhan 11 nema alapaskamo, lhna aptemak Pedro apiennakteskamo apaivoma: —Ketlhengkap judios kakpota nhan ketlhengkap apkellavakha nak hengke'e Jerusalen, eltaqmelkaso no apkellailhemo asmak'akha nak atnehek alheianma.

Hechos 2:22

Ketlhengkap israelitas, eltaqmelkaso no mokhom apkellailhemo asmak'ak altennasangkok. Apkeliavek ketlhengkap Eniapom Neten nkeniem'ak ma'a apkelvetaskeskamo nak ketlhengkap apmopvana Jesús ko Nazaret, akiavai'a nhan apkellanai'a qaselha hempelapkeskama, qaselha mongenatkeskama nhan.

Hechos 21:40

Ka apkasekho lhta apveske m'a, neksa apkenmaikama lhta m'a Pablo nelteianmeiangkolha metaimong, apkenengkasakho lhta nhan neten apmek apkeltemo elvanmak sekhek enenlhet'avok ma'a, ka apaqmeto lhta hebreo apaivoma, lhta aptak apkellano:

Hechos 22:22

Ma lhta nkomak'ak ellailho mokhom enenlhet'avok ma'a apkeltennaikama Pablo, ka alpaihengka lhta apatno'ok ma'a, lhta aptangkok: —Ellaqha, mangelelto angelvetak mokhom enenlhet anak ham —lhta aptangkok ma'a.

Hechos 3:12

Netamen lhna aptemak Pedro apkellanemo m'a: —Ketlhengkap enenlhet ko Israel, nkeliemaskek lhek apvalho'ok apkellan'o aptaqmalveiam enenlhet anak hengke'e. Apkellanek na ketlhengkap aniem'o nenmopvanka'a engankave kanhan neltaqmelkasemmalhko ennengko'o, koka have niekhe m'a.

Apocalipsis 2:11

—¡Eltaqmelkaso no apkellailhemo apaiko'ok anak apmak'akha etnek aplheianma Espíritu aplhamakho apanke nak iglesias!: "Apkellelto ta apkeliephongveiakmo m'a, mmaskek akto hanet aknaqtevasekha nengetsepma m'a", lhta aptak Espíritu.

Apocalipsis 2:17

—¡Eltaqmelkaso no apkellailhemo apaiko'ok anak apmak'akha etnek aplheianma m'a Espíritu ka aklhamakho nke nak iglesias!: "Apkellelto ta apkeliephongveiakmo allangkok hata nentoma mana nema alposkama, ka nhan metaimong aktek anmopai'a akietno aktalhesammalhka nenvesai'a alhnankok melioho' mokhom, vanlha koka enenlhet apto aplhevai'a ta apiavek hata m'a", lhta aptak Espíritu.

Apocalipsis 2:29

—¡Eltaqmelkaso no apkellailhemo apaiko'ok anak aktakha aplheianma Espíritu aklhamakho nke nak iglesias!

Apocalipsis 2:7

—¡Eltaqmelkaso no apkellailhemo apaiko'ok anak apmak'akha etnek aplheianma m'a Espíritu aklhamakho nke nak iglesias!: "Apkellelto ta apkeliephongveiakmo, allangkok hata aptekamok akielhna iamet hengaikamok akiennaktema enneniek, amhamo nak ma'a iokhalhma aktaqmanma nkoie' apnemakha nak Eniapom Neten", lhta aptak.