Hechos 13:1 - Nuevo Testamento Toba Maskoy

¹ Apkakhaiangkek nak apkeleltennasemmap ania'a m'a kakpota nhan hengetlhekmoskama apieseksek apkellelto iglesia akieto iokhalhma Antioquia. Apkelvesai'a Bernabe, Simon mo'ok nema ltema Apaiseiam, Lucio apkeniem'o natemma Cirene, Menahem kakpota nhan Saulo. Menahem noka knema akvanengkeskamo lhemek ma'a apveske Herodes Antipas.

Hechos 13:1 ပူးပေါင်းရင်းမြစ်များ

Lucas 3:1

15 iantelhkapa lhnak ngvaiakmok aptema apveske neten apankek Tiberio Cesar m'a iokhalhma Roma. Poncio Pilato lhnoka gobernador iokhalhma Judea, Herodes Antipas noka m'a apto gobernador iokhalhma Galilea. Filipo Herodes apialheng koka gobernador hanet iokhalhma alvesai'a Iturea kakpota nhan Traconitide. Lisanias koka gobernador iokhalhma Abilene.

Hechos 11:30

Ka apkellangkongvekho lhnak patakkom Bernabe kakpota nhan Saulo kakpota elletsakhak ellangkongvakhak metno apketko'ok akieto Judea kakpota ennaskangkok apankavek ma'a.

Hechos 12:25

Koka apkelpeneskangkek nak apkelpaieskama ania'a Bernabe kakpota nhan Saulo akieto Jerusalen, apkeltaqhemo lhnak ma'a apkeliantemekho nhan Juan mo'ok nema altema Marcos.

Hechos 13:9

Ka apvai'o lhnak Saulo m'a, mo'ok nema altema koka nhan Pablo, aplanei'avek nak apvalhok Espíritu Santo, apkeltameskamavek nak Pablo m'a apiolhma Barjesus ma'a,

Hechos 15:32

Judas kakpota nhan Silas apkellelto lhnak na apkeleltennasemmap ania'a, apkelpaieskeskaiakmo lhnak na apvalho'ok, apkeliateikokho lhnak na apkelialheng'a m'a.

Hechos 15:35

Koka Pablo ka nhan Bernabe apkakhengveiakmek nak Antioquia apketlhekmoseiangko aktemakha apaivoma Apveske, apkelpasmekho nhan apentalhnema apkeltemo lhemek ma'a.

Hechos 19:6

Ka apnengkanmo lhnak na apmeio'ok apietsekso'ok Pablo m'a, apvai'o lhnak na takhaplhet'ok Espíritu Santo. Ka apkelpaqmeteiangka lhnak nkotnakho apkelpaqmeiasma ania'a kanhan apketlheianmo ania'a aniem'o Eniapom neten,

Hechos 21:9

4 ngkelvana tko'ok alhta nhan apketkak ma'a Felipe, metka anakteiangka'a lhta, aleltennasemmalhka ania'a alhta nhan ma'a.

Hechos 4:36

Apnengkek nak na lhema enenlhet apvesai'a José apkeniem'o Chipre, aptaven neptamen noka m'a Levi. Koka nema allapaskama m'a apkeliaqmongkaskesekho lhnak mo'ok apvesai'a, Bernabe lhnak apteskaseikokhak apvesai'a m'a, nema ltema apaiesekha engvalhok aniapom.

Hechos 9:1

Aplomavek nak Saulo apmahai'avek nak ennapok aplhamakho apkeltamesaikamok Apveske, ka apmeiekho lhnak ma'a akieto apnakha apiav'akha sacerdote.

Romanos 16:21

Nlhenkek na apvalhok ketlhengkap alhelhma nak apvesai'a Timoteo. Nketlhenkek na apvalho'ok hengke'e aspaiomo lhema nak apkelvesai'a Lucio, Jason kakpota nhan Sosipatro.

1 Corintios 11:4

Lhema apkenno la'a apakmetkeso la Eniapom Neten, nlho ka la nhan elhenek ania'a aniem'o Eniapom Neten akieplomo apkapkeskama apqatek, koka meniak'ok ma'a apto apankok apqatek.

1 Corintios 13:2

Askapvanko la nhan alhenek aktakha la Eniapom Neten apaivoma, aihok na ania'a akielhammalhka akientalhnema nak aniangvomhok, ngkoitek na asiangveiakmo lhamakho qaselha. Akietno la nhan akiavai'a nkek moi'askeiam angvakteskesek akhaiam metaimong la akiavai'a, ¡aqhemo koka m'a, motnek ko'o asiaspommalhka m'a metko la m'a askasekhai'o emo'ok!

1 Corintios 13:8

Mangkavankek nkomaskengvomok nengasekhai'o nak, koka nkomaskengvomok hata m'a nemmopvana nak anlhenek ania'a aniem'o Eniapom Neten, nkomaskengvomok hata nhan ma'a nenmopvana angeliatama mo'ok apkelpakmeiasma manioho nak mokhom, nkomaskengvomok hata nhan ma'a nenianveiakmo nak qaselhaha.

1 Corintios 14:29

Apkelelto la nhan apkeleltennasemmap ania'a, ntasek na etnangkok vanlha apqanet nlho ka la apqanetolhem'a, nema apkelanmakha koka etnamok ma'a kakpota aplhamakho ellailhok, etlhenek nahan aktakha apkelpaqmetekama aktaqmanma nlho ka la ngkolatsekama.

1 Corintios 14:32

Apvanka'ak apkeleltennasemmap ania'a enmankok apvalho'ok apankavek la'a neksa apkelpakmeiasma la'a,

1 Corintios 9:6

Lhamakho apkellelto lhta nema alapaskamo nietavek etlhevangkok akianmoma apkenmakmekama la'a. ¿Se lha ntemak ko'o kakpota nhan Bernabe mankonmahai'o nak angetlhevangkok na akianmoma nenmakmekama, he?

Galatas 2:13

Apkelvanengke lhta nhan napokha judios Jesucristo apkennemolhema aptakha hanet apvalhok Pedro, akvakho lhta nhan Bernabe apvanekamok ma'a.

Galatas 2:9

Jacobo, Cefas kanhan Juan malha apkellelto nak nema alankeskama nak postes aliennakteskama malha anmaikamok ma'a Jesucristo apkennemolhema, nketlheianvakhave lhta nhan apvalho'ok asto Eniapom neten heiaikamok qaselha altaqmanma metka akianmoma heliekieskama, apkenme lhta nhan takha enmeio'ok hengelpaivesangko ko'o kanhan Bernabe, nnave lhta nhan mo'ok engelvalho'ok nemmak'akha antangkok ma'a, angetlhekmosangkok ennengko'o metnangko nak judios, koka m'a etlhekmosangkok apieseksek aknaikamo nak nema aliaqtemenkeskama nekhatko'ok apkellammelhakha.

Efesios 4:11

Apkeltemeskeskamo lhta nhan apanke moklhem'a nema allapaskamo, po'ok na apkeleltennasemmap ania'a, po'ok na lhta nhan apkeltennaikama ania'a aktaqmanma, po'ok na pastores kakpota nhan hengetlhekmoskama.

Filipenses 4:22

ka nhan apkellapasak atlheianma apvalho'ok aplhamakho apkellelto apkelpokkenammap apkellava nak hengke'e, apkellelto nak na apkenmakmesaikama apiav'akha apveske Roma apkellapaskamo na mota atlheianma apvalho'ok ketlhengkap.

1 Tesalonicenses 5:20

meltaqneva nhan ania'a aniem'o Eniapom Neten aklhenammalhka nak,