Hechos 12:7 - Nuevo Testamento Toba Maskoy

⁷ Mpelapkeskankek nak apiephongvei'o lhema ángel apkapaskama Apveske m'a, nkapommatmek nak konne nengaqlhengkasemmalhkelha, apmangveiakmek nak napokha Pedro, lhna aptemak apkanemo: —¡Elhatakha, etnemekha neten, eniakhetamok! —lhna aptemak. Apkenmekhek nak neten Pedro m'a, kolhvavek ankek nak mpalleiakmo knonemaie cadena apmeiok ma'a.

Hechos 12:7 ပူးပေါင်းရင်းမြစ်များ

Lucas 2:9

Mpelapkeskankek nak apteiapvei'o lhema ángel apkapaskama Apveske, nketsaskeskamavek na lhma m'a aniem'o Eniapom Neten, apkelienmoma nekhav'ak akieto apkakhangkelha. Apkellai'ak nak ma'a apkellanekama nepkesek,

Lucas 24:4

Nketlhengamavek nak nkenio'ok mankolvetai'o aphapak Jesús, ka akpelapkeskamo lhnak apkeliephongvai'a apqanet enenlhet apkelteteskai'o lhnak ngkelvana'ak ma'a, apkenmopai'a pankek nak apkelentalhnema m'a, apkelienmomo nhan.

Hechos 10:30

Ka apkatemmoiangka lhnak Cornelio m'a, lhna aptemak: —4 knem antak akiekai'a, malha la 3 ienaqteso lhta, neksa askenmalhnongkoma m'a asnemakha apteiapvo'o lhta lhema enenlhet apkelienmomo lhta aptalhnema,

Hechos 12:23

Kolhvavek ankek nak lhema ángel apkapaskama Apveske apiensaskamak Herodes ma'a, lhna nkeniemai'ak meniai'o Eniapom Neten. Netamen nak ma'a apketsepmo lhnak Herodes aniem'o aptekamok aphapetek iapa apketko'ok.

Hechos 12:6

Lhema knem nak nkaimommalhka Herodes eiantemok hata m'a Pedro napaqtavek enenlhet'avok. Ka aptemo lhnak pelhasep ma'a, apteianmek nak Pedro akieplomo aknaktetemmalhka apmeiok cadena, apkelanmek noka apqanet soldados napokha apietnakha m'a, po'ok soldados lhnoka apkelanmek nak akieto atong.

Hechos 12:8

Lhnak aptemak mokhom ángel apkanemo Pedro: —Eiapnekha apiapnama, enaktetekha apnakteto apmankok —lhna aptemak. Apkeliehekhavek nak Pedro m'a, lhna aptemak mokhom ángel: —Eniaqlap apkaqlammap anak, nok, heieplanta —lhna aptemak.

Hechos 16:26

Mpelapkeskankek na lhta akvai'a akiavai'a akievhekama lhepop ma'a akvakmo alaktelhko lhna lhta ntemak avhok pa'at anmaikamok ma'a. Kolhvavek ankek na lhta nhan nkenmaihekhak lhamakho atno'ok ma'a, al·hatsosammalhko lhna lhta nha nke knonemaie cadena apmanko'ok aplhamakho apnaktemommap ma'a.

Hechos 2:24

Netamen aplhatekhaskeiakme lhta nhan apieseksek apkenmaskengvaiakmo, apaknengkasekhe lhta akmaska nengetsepma, mankavankek mokhom ngkomangkok ma'a.

Hechos 5:19

Ka aptemo lhnak pelhasep ma'a apvai'o lhema ángel apkapaskama Apveske, apmaiesekho lhnak atong nengaqlhengkasemmalhkelha m'a, apkelentepkeskamo nhan ma'a, lhnak aptemak apkellanemo:

Hechos 9:3

Aplhengangkek nak amai Saulo, nengaqtek nak apkeiakmok natemma Damasco, ka akpelapkeskamo lhnak al·halhiengkaiam apkelienmoma aniemai'o lhnak neten.

Efesios 5:14

Ka nkanek nemo nak aktemo henke'e: «Elhatakha lheiap apto apteianma, etnemekha neten apieseksek apkenmaskengvaiakmo kakpota eniapommetek hata takhaplhet Cristo», lhna nnema aktema m'a.

Hebreos 1:14

Nkanek ángeles apkellelto malha eniempehek apkellasennaikama Eniapom Neten kakpota ellapaksek elpasmok apkellelto nak apkelvonkasemmap tep.

Apocalipsis 18:1

Netamen asvet'o lhta mokhom lhema ángel aknema apmopvana apanke apvaivantamo lhta nalhepop. Nketsaskesave lhta lhma nalhepop anak aniem'o akiavai'a nkek apommatema apiokha.