Hechos 12:6 - Nuevo Testamento Toba Maskoy

⁶ Lhema knem nak nkaimommalhka Herodes eiantemok hata m'a Pedro napaqtavek enenlhet'avok. Ka aptemo lhnak pelhasep ma'a, apteianmek nak Pedro akieplomo aknaktetemmalhka apmeiok cadena, apkelanmek noka apqanet soldados napokha apietnakha m'a, po'ok soldados lhnoka apkelanmek nak akieto atong.

Hechos 12:6 ပူးပေါင်းရင်းမြစ်များ

Hechos 12:5

Apnengkek nak Pedro nengaqlhengkasemmalhkelha m'a, avanhek nak apkellanekama soldados ma'a. Koka avanhek nak na apkelelmalhneskeskama iglesia m'a Eniapom Neten kakpota epasmok Pedro m'a.

Hechos 21:33

Koka apveske apanko lhta soldados ma'a apatheto lhta Pablo, apkelto nhan ngkolhek aknakteto hanet knonemaie cadenas, apkelelmalhnengka nhan enenlhet'avok ma'a, lhta aptak: —¿Sek la enenlhet hengka ie, se lha apkelanei'o ie, he? —lhta aptak ma'a.

Hechos 28:20

Ka ngkanek allavama ketlhengkap kakpota aliekpelkok, alpaqmetkesama nhan, asmalhkek ko'o nnek henakteto knonemaie cadenas ngkanek al·halhnekama evalhok atak hata aktaqmanma, nnavek na askeltemo lhemek israelitas —lhta aptak Pablo apkellano.

Hechos 5:23

—Nelvetangvakhek lhek ennengko nema apekha niekhe atong nema aliennakteskamo, apkakhaiangke niekhe nhan guardias ma'a, koka nenmaieso lhkek ennengko'o atong, mamma lhkek enenlhet'avok alhta konne m'a —lhna aptaiangkok.

Efesios 6:20

Eniapom Neten alhta apkeniemei'o apankek heiapaskama kakpota alhenek ania'a aktaqmanma nak, ka ngkanek askaqlhengkasemmalhko nak. Helelmalhneskes hato ka Eniapom Neten heiangkok asiennaktema kakpota alhenek metka askai'a ania'a aktaqmanma nak.

2 Timoteo 1:16

Askeltavek koka Apveske elietnok napaqta'ak apkennemolhema Onesiforo ngkanek lhamakho lhta mota hepasmoma m'a, ka asiennaiekho lhta nhan m'a neksa askaklhengkasemmalhka, ma lhta nhan emangkaktemak helanei'o ko'o m'a.

Hebreos 13:6

Hai, envanka'ak angetlhenek metka altaikama engelvalho'ok: «Apveske apto hepasmoma, mongvakiek enenlhet apmahai'a la hetvaksek», antangkok ma'a.