Hechos 12:4 - Nuevo Testamento Toba Maskoy

⁴ Netamen ma'a apathetammakpek nak na Pedro m'a nemo aklhengkeskaiakmo nengaqlhengkasemmalhkelha m'a, mok 4 apkelpasmekha soldado lhnak apkellanekama nekhav'ak ma'a. Ka apmahai'o lhnak na Herodes eiantemekhak Pedro napaqtavek enenlhet akmasko la aktaqmelaikama lhma Pascua.

Hechos 12:4 ပူးပေါင်းရင်းမြစ်များ

Marcos 14:1

Hanet aknem nak nkaimommalhka altaqmelaikama lhma alvesai'a Pascua kanhan pan metka apiepheskama. Apkelemhama apmaniaie sacerdotes kakpota nhan escribas apkelleliaikama lhnak aktemakha ania'a akmovana ania'a la'a kakpota elpathetek ennapok na Jesús ma'a.

Lucas 21:12

Amanie apmak'akha ngkotnek akientalhnema nak, ngkolhek hata anmenlhenangka ketlhengkap, elpathetakpok hata. Ngkolhek hata allangkongvakmo apkelemhama apmaniaie' apkaqnekhelha judios kakpota ngkolhek aknaktemo' nemmammalhkelha' aniem'o asvesai'a ko'o.

Lucas 22:33

Koka lhna aptemak Pedro: —¡Ma', moieniekhek lheiap! Nkaqhok hellaklhengkesek lhemek lheiap kakpota hengellaqhek nahan, moieniekhek koka lheiap —lhna aptemak.

Juan 19:23

Apkelpeneske lhta soldados romanos apkeliaqlhaklhema apmeio'ok apmankok Jesús ma'a, ka apkenmangko lhta aptalhnema, apkennaskesakpo 4 napokha'a, apkennemalhekpe lhta m'a. Ka apkenmangko lhta nhan apkaqlammap, ma lhtoka ennaskesakpok ma'a ngkanek lhema apaihekamok neten ampai'a apkotemmap akvakho koneng.

Juan 21:18

Asmak'ak altennaksek lheiap, apmeihe panke lhta aptemakha apketkok, emhangkok apmangkelha la'a, aptalhnekha apanke lhta nhan aptalhnema. Koka have niapak anke' astakha nak, hata apto ta apvaneiam lheiap, nkomaskok hata apiennaktema, elielhnesekhak hata apoktengok neten kakpota ngkolhek aktalhneskasakho aptalhnema, ngkolhek hata nhan akiantemo mankoleklemelha la apvalhok lheiap —lhta aptak.

Hechos 12:3

Nkelleklemavek nak apvalho'ok judios apkellengai'o ania'a, ka apkeltemo lhnak na Herodes elpathetek Pedro m'a neksa aktaqmelaikama lhma lhnak ma'a akvesai'a pan metka apkeliepheskama.

Hechos 12:5

Apnengkek nak Pedro nengaqlhengkasemmalhkelha m'a, avanhek nak apkellanekama soldados ma'a. Koka avanhek nak na apkelelmalhneskeskama iglesia m'a Eniapom Neten kakpota epasmok Pedro m'a.

Hechos 4:28

Koka lheiap alhta apneskamo m'a aktemakha lhta apkaniemhaikama Jesús.

Hechos 4:3

Ka apkelpathetmo lhnak ma'a, aplhatamo nhan nengaqlhengkasemmalhkelha, apkelieniekhek nak sekhek ma'a ngkanek apienaqteskangkek na songke kakpota elelmalhnekhok mokhom atsak'o m'a.

Hechos 5:18

ka apkelpathetmo lhnak ma'a apkellaqlhengkeskamo nhan nengaqlhengkasemmalhkelha m'a.

Hechos 8:3

Man nak eltaqmelkeskamak Saulo apkellelto iglesia, apkelentalhnekama lhnak apkakhaiangkelha kakpota elentepkesek neksa mellasekhai'a apkelennava'ak kakpota nhan ngkelvana'ak, apkelentalhneskamo lhnak na nengaqlhengkasemmalhkelha m'a.