Hechos 12:17 - Nuevo Testamento Toba Maskoy

¹⁷ Mok apophek nak aptemak Pedro apkeltemo elvanmak ma'a, ka apkeltennaiangka lhnak aktemakha aptepekha nengaqlhengkasemmalhkelha aniem'o apasmoma Apveske. Netamen lhnak aptemak apkellanemo: —Enmeiakha ta ha'e, eleltennaskakha ta ania'a Jacobo kakpota nhan po'ok apkelialheng'a —lhna aptemak. Ka apteiapmo lhnak konne pa'at Pedro m'a, aplhengamo.

Hechos 12:17 ပူးပေါင်းရင်းမြစ်များ

Marcos 6:3

¡Ieee! Neliavek ennengko'o ha'e, asota apkellanai'a. María atka m'a, ka apkelialheng'a m'a Santiago, José, Judas kakpota nhan Simon, nkellomaka nhan apkelialheng'a hengke'e nellokha nak —lhna aptaiangkok enenlhet'avok. Mang na songkek enmaiangkok takha Jesús ma'a,

Lucas 1:22

Lhennenga lhna ntemak apiephongvektamo Zacarias ma'a, mamma lhna ntemak apaivoma, mok apophek nak aptemak ma'a. Ka atlheianmo lhnak apvalho'ok enenlhet'avok apvetai'a lhema qaselha m'a konne Eniapom Neten apnemakha.

Juan 10:40

Netamen na m'a apmeiakho lhta tep alvata Jordán, apkellavkeskamakha lhta Juan konne iemmen enenlhet'avok lhennenga m'a, apnakhe lhta m'a.

Juan 11:54

lhta songkek elielhanmama Jesús ma'a kakpota melvetiek enenlhet. Ka aptepo lhta nhan iokhalhma Judea, apkenmeiakho na temma akvesai'a Efrain, nengaqte lhta iokhalhma metkelha temma. Apnakhe lhta Jesús ma'a kakpota nhan apkeltamesaikamok.

Juan 7:1

Netamen alhta m'a, aplomaka lhta Jesús akieto iokhalhma Galilea. Ma lhta nkomak'ak eniakhak ma'a Judea ngkanek apkelemhama apmaniaie judios apkelketangke lhta apkenmahai'a ennapok ma'a.

Juan 8:59

Kolhvavek anke lhta apkenmangkok metaimong aliaqiema kakpota ennapok Jesús ma'a, koka aplhenengkasekpe lhta apankek apieseksek enenlhet'avok ma'a, aptepo nhan Eniapom Neten apnemakha.

Hechos 1:15

Lhema knem na ntemak ma'a, apkelpaqmetkeskamo Pedro m'a apkellelto apkelialheng'a m'a, apkaknekhek nak malha 120 enenlhet'avok ma'a, lhna aptemak apkellanemo:

Hechos 12:16

Koka nheklhek nak apveneiangka Pedro m'a akieto atong, ka aknemo lhnak akmaieskeskekho m'a, nkeliemaskangkek nak apvalho'ok apkelvetai'o Pedro m'a.

Hechos 12:18

Atsai'o lhnak ma'a, koka apkeliamenammakpo lhnak mok apankave soldados apkellanekama nengaqlhengkasemmalhkelha, man nak eliamok apmaiangkolha Pedro m'a.

Hechos 13:16

Ka apkenmekho lhnak neten Pablo napaqtave enenlhet'avok, apiasekho lhnak neten apmek apkeltemo elvanmak enenlhet'avok ma'a, lhnak aptemak: —Ellailhonoho ko Israel kakpota nhan ketlhengkap metnangko nak judios apkellelto apkellai'o Eniapom Neten.

Hechos 15:13

ka apkelpeneskamo lhnak apkeleltennaikama m'a. Netamen nak na m'a apkempai'o lhnak apkeltennaikama Jacobo m'a, lhna aptemak: —Ellailho no elialheng'a asmak'akha atnek aleltennaksek kolhvave nak.

Hechos 16:40

Lhta netamen ma'a Pablo kakpota nhan Silas apkenmeiakho lhta aknemakha Lidia, apkelvetangvakho lhta nhan ma'a apkellelto apkelialheng'a, apkeliatakho lhta nhan, ka apkelentepo lhta nhan ma'a na temma lhta.

Hechos 19:33

Ka apkelpeiveskasekho lhnak judios lhema enenlhet apvesai'a Alejandro aktemakha ania'a m'a, apkeliengeiangkek nak kakpota elhenek napaqtavek enenlhet'avok ma'a. Ka apkeliasekho lhnak neten apmeiok Alejandro apkeltemo elvanmak sekhe' kakpota eliatak ma'a.

Hechos 21:18

Ka akto mo'ok aknem neltangko nhan amaika'a Jacobo, apkakhaiangke lhta nhan aplhamakho metno apketko'ok ma'a.

Hechos 21:40

Ka apkasekho lhta apveske m'a, neksa apkenmaikama lhta m'a Pablo nelteianmeiangkolha metaimong, apkenengkasakho lhta nhan neten apmek apkeltemo elvanmak sekhek enenlhet'avok ma'a, ka apaqmeto lhta hebreo apaivoma, lhta aptak apkellano:

Hechos 28:15

Apkelleng'a lhta ania'a apkellelto engelialheng'a m'a nelvaiam ma'a, ka hengellanielhakmo lhta akieto nenmak'akha angelvomok iokhalhma Foro Apio kakpota nhan Tres Tabernas. Mpaihakhek lhta apvalhok Pablo apkelvet'o m'a, ka apto gracias Eniapom Neten, apiennakho nhan ma'a.

1 Corintios 15:7

Netamen na apvetaskesakpo Santiago kakpota nhan aplhamakho nema allapaskamo.

Galatas 1:19

Asveto lhta nhan ma'a Jacobo, Apveske lhta apialheng ma'a, ma lhtoka alvetak aplhamakha nema allapaskamo,

Galatas 2:12

Aptavokhe lhta Pedro lheme Jesucristo apkennemolhema metnangko nak judios ma'a, koka apkelvateske lhta aptaveikokho lhemek ma'a ngkanek apkelva'a lhta aknaikamo nak nema aliaqtemenkeskama nekhatko'ok apkellammelhakha, apkelapaskama lhta Jacobo, apkak'a alhta songkek Pedro judios aptengiaikamo na mota apkeleltemo nkoiaqtemennalhka nekha atkok apkellammelhakha m'a.

Galatas 2:9

Jacobo, Cefas kanhan Juan malha apkellelto nak nema alankeskama nak postes aliennakteskama malha anmaikamok ma'a Jesucristo apkennemolhema, nketlheianvakhave lhta nhan apvalho'ok asto Eniapom neten heiaikamok qaselha altaqmanma metka akianmoma heliekieskama, apkenme lhta nhan takha enmeio'ok hengelpaivesangko ko'o kanhan Bernabe, nnave lhta nhan mo'ok engelvalho'ok nemmak'akha antangkok ma'a, angetlhekmosangkok ennengko'o metnangko nak judios, koka m'a etlhekmosangkok apieseksek aknaikamo nak nema aliaqtemenkeskama nekhatko'ok apkellammelhakha.

Santiago 1:1

Ko'o Santiago asto heiasennaikama Eniapom Neten kanhan apveske Jesucristo nlhenkek evalhok apkellelto 12 apkelpasmekhak apketkak neptamen Israel, apkakhengveiakmo lhma nkek ham lhamakho apkellavakha.