Hechos 11:3 - Nuevo Testamento Toba Maskoy

³ lhnak aptaiangkok: —Mankoietok etalhnengvomok lheiap apkakhaiangkolha metnangko nak nema aliaqtemenkeskama nekhatkok apkellammelhakha, aptaveikokhek na lhta nhan lhemek lheiap ma'a —lhna aptaiangkok ma'a.

Hechos 11:3 ပူးပေါင်းရင်းမြစ်များ

Lucas 15:2

Apkelvetai'ak nak fariseos ma'a kanha escribas, ka apkelmaleniosemmakpo lhnak mok apankavek ma'a, lhna aptaiangkok: —Apalhakvakme nak Jesús enenlhet anak apkellanekamok ngkollatsekama kanhan aptavokhek lheme —lhnak aptaiangkok ma'a.

Juan 18:28

Apkelentepkaske lhta Jesús apkelemhama apmaniaie judios apnemakha Caifas ma'a, ka apkeliantemakho lhta apnemakha ko Roma apveske apvesai'a Pilato. Ma lhtoka elentalhnak konne m'a, ngkanek nkanketke lhta atsai'akha m'a kakpota nkovak aknem aktaqmelaikama lhma ankok Pascua, ma lhta nkonmak'ak elpaisengkesek apvalho'ok napaqtek Eniapom Neten ma'a, kakpota mankollapvankek kelha elpasengvomok nentavekha aktaqmelaikama lhma nak ma'a.

Hechos 10:23

Ka apkeltemo lhnak Pedro elentelhek konne pa'at enenlhet nema alapaskama kakpota enaqteiangvomok ma'a. Netamen nak ma'a atsai'o lhnak, apkeltaqhemo lhnak kakpota nhan Pedro kanhan moklhem'a apkelialheng'a apkellavakha m'a Jope.

Hechos 10:28

lhna aptemak apkellanemo: —Apkeliavek ketlhengkap ley enganko'ok negellelto judios hengaskangkek ampalhakvomok po'ok enenlhet mankotno la nempaivomo lhema, hengaskangkek na antelhek apkakhaiangkolha m'a, koka aniem'o lhta Eniapom Neten heteskeskama mamma enenlhet apaiseiam kanhan koneng apankavek.

Hechos 10:32

Ellapes hata enenlhet natemma Jope kakpota eliantengvakhak Simon, mo'ok apvesai'a nhan Pedro. Ka apnak aptema amaika'a apnemakha apkelvesai'o lheme nak Simon apmakmekama apkeltakmelkeskama kaselha aiempeiok, apnek ma'a akieto nekha alvata", lhta aptak heiano m'a.

Hechos 10:48

Ka apkeltemo lhnak Pedro ngkolhek allavkesangkok konne iemmen enenlhet'avok ma'a akieplomo apvesai'a Apveske Jesucristo. Avanhek nak apkellapiosekama apkeleltemo enenlhet elhnekhak Pedro m'a moklhem'a knem mokhom.

1 Corintios 5:11

Lhtoka niekhe asketlhenak ma'a melpasmekhek apkellelto nak apketlhenammakpo apankavek aptaikamok Jesucristo apkennemolhema meliamolhma nak, apkellanaktema, apkenmasmo qaselha apankok, apkeltakneskasekamok qaselha akiokha alanemmalhka, nema aliematkeskama, anmen ato'ok, apkenmenielhma, ka enenlhet'avok anak ma'a melpasem ankek aptekamok ketlhengkap.

Galatas 2:12

Aptavokhe lhta Pedro lheme Jesucristo apkennemolhema metnangko nak judios ma'a, koka apkelvateske lhta aptaveikokho lhemek ma'a ngkanek apkelva'a lhta aknaikamo nak nema aliaqtemenkeskama nekhatko'ok apkellammelhakha, apkelapaskama lhta Jacobo, apkak'a alhta songkek Pedro judios aptengiaikamo na mota apkeleltemo nkoiaqtemennalhka nekha atkok apkellammelhakha m'a.

2 Juan 1:10

Ka apvo'o ta lhema enenlhet ham apsoiam la mo'ok aktemakha hengetlhekmoskama, ¡menmamonkek takha m'a, metnamo nkek na aktaqmanma apvai'a m'a!