Hechos 11:23 - Nuevo Testamento Toba Maskoy

^23-24 Bernabe lhnoka apto enenlhet apiamolhma', aklanei'o lhnak na apvalhok Espíritu Santo m'a kakpota nhan mei'askeiam ma'a. Apvekhek nak Bernabe m'a akieto Antioquia, apvetangvekho lhnak Eniapom Neten apkeltakmelkeskama enenlhet'avok ma'a, avanhek ankek nak na akpaihekha apvalhok ma'a. Ka apkeliatekho lhnak ma'a enenlhet'avok kakpota melvatesankek apkelleliehekho Apveske. Aplhaniek nak enenlhet apkellailhemo Bernabe, ka aptaiangko nhan meliaskeiam Apveske m'a.

Hechos 11:23 ပူးပေါင်းရင်းမြစ်များ

Marcos 2:5

Ka apvetai'o lhnak Jesús metka apkeliaskeiam ma'a, lhna aptemak apkanemo enenlhet metka aptapno'ok: —¡Eietka, nnek aktemeskesangka nkek meliehekho apkaskamakha Eniapom Neten lheiap! —lhna aptemak ma'a.

Juan 15:4

Etlhengkes aktemakha nelpasmommalhko nak, lhema aktong la iamet mankoielhnema, nkoiaqtemenalhkak ma'a. Nnavek na ketlhengkap ma'a, mankotiepek na apkellanekamok altaqmelo qaselha helieniakho la nentaikamok nelpasmekha.

Hechos 13:43

Man nantek judios kakpota nhan metnangko judios apkellelto apalhakvaiam apkelvanekamok aptaiangkelha judios, apkelieplekho lhnak Pablo m'a kanhan Bernabe. Koka apkelleltemo lhnak melieniekhek aptaikamok meliaskeiam Eniapom Neten kanhan apkellamelaiam ma'a.

Hechos 14:22

Ka apkeleltemo lhnak amaika'a apkellelto nema altamesaikamok ma'a, apkeliateikokho lhnak na etlhengkesek meliaskeiam Jesús ma'a, lhnak aptaiangkok ma'a: —Annengangkok hata akiavai'a akientalhnema nenmak'o la antalhnengvomok akieto nak ma'a aptemakha apveske Eniapom Neten —lhna aptaiangkok ma'a.

Hechos 14:26

ka apkelkanetvaiakmo loma nemmen kakpota eltaqhok mokhom neptamna'ak akieto Antioquia. Apkelempaiakhasekha lhnak na m'a nema allapaskama ka nhan nemo alelmalhneskeskamo m'a Eniapom Neten kakpota elpasmok neksa apketlhengama kakpota eleltennasangkok ania'a aktaqmanma m'a, apkelpeneskangkek nak apkenmakmekama.

Hechos 15:40

Pablo lhnoka apiantemekhak Silas kakpota etnek aplhelhma, ka apkelpaiveseiangko lhnak Jesucristo apkennemolhema m'a apkeleltemo eltaqmelkeskesek apkellaniemhaikama m'a Apveske neksa apketlhengama.

Hechos 20:24

Koka mamma aptaikama evalhok angvetsepok kelhaha, askeltavek ko'o asavhok asmakmekama malha askelpaivasemmalhka aptakha lhta apaivoma Apveske Jesús heiano akieplomo akpaihekha evalhok, apkeltemo lhta apaiaksek ania'a aktaqmanma aplhenammap hengellamelaiam Eniapom Neten.

Hechos 20:32

Kolhva koka askenmalhnema Eniapom Neten eltaqmelkesek ketlhengkap elialheng'a aniem'o ania'a aktaqmanma hengamelaiam altakmelkeskeskama ta apkellaniemhaikama. Nietnek na apmopvana m'a kakpota elvanengkeskesek na apvalho'ok meliaskeiam, hata nhan ellangkok ketlhengkap ma'a aplheianmo lhta apaivoma ellangkok apkelpasmekha nhan apkelpokkanma.

Hechos 4:36

Apnengkek nak na lhema enenlhet apvesai'a José apkeniem'o Chipre, aptaven neptamen noka m'a Levi. Koka nema allapaskama m'a apkeliaqmongkaskesekho lhnak mo'ok apvesai'a, Bernabe lhnak apteskaseikokhak apvesai'a m'a, nema ltema apaiesekha engvalhok aniapom.

Romanos 12:8

Enenlhet apto lhta nhan aplhevai'a apmopvana eiatekhok po'ok, ntasek na eieplavkesek ma'a. Enenlhet apto la hengaiangko niapom qaselha apankok, ntasek etnek metka apkenmeiavkesammakpo panke' qaselhaha. Enenlhet apto lhta nhan aplhevai'a apmopvana la malha apveske, ntasek etnek apiamo, aptaqmelkeskamo nhan. Apto lhta nhan aplhevai'a apmopvana epasmok apkellelto nak metka apkelletsekama, ntasek etnek akpaihekha mota apvalhok ma'a.

1 Corintios 15:58

Ka nkanek na ntasek ketlhengkap elialheng'a askellamelaiam, elienna ta metka apkelvatesaikamok na apkenmakmesaikama Apveske engankok anak, have aqhemo nhan apkenmakmesaikama ketlhengkap ma'a.

2 Corintios 1:17

Koka mongvopvanak asmahai'o eniakhak ma'a, nkotlhenek hatelha apvalho'ok ketlhengkap ngkolatsekama akietnaikama ehaqtek, nkolhenek evalhok alhong nlho ka la mma'.

2 Corintios 6:1

Nenmakmesama ennengko'o Eniapom Neten, nellasnema nhan meltemeskesekhek koneng aktaqmanma nke nak apkellanei'o Eniapom Neten.

Colosenses 1:6

akvai'o sekha lhta. Ka ania'a nak mpaihakhek aklengammalhka halhmankek ham, aliaqmongkaskesekho nhan mo'ok apvalho'ok enenlhet'avok apkellelto la apkellengai'a, ka aktaiangko lhta nhan ketlhengkap ma'a aliaqmongkaskesekho mo'ok apvalho'ok neksa apkenmaikamo lhta takha aktaqmanma nke nak apkellanei'o Eniapom Neten, kakpota nhan akto have niapak anke nak.

2 Timoteo 3:10

Koka lheiap Timoteo, have aptonak lheiap ma'a ngkanek apieplavkeskangke asketlhekmoskama lhta, heieplongkek na amai, apiavek na lheiap asmak'akha la atnehek, apiavek na moi'askeiam, metka aspekheskama, askasekhai'o, kakpota nhan asiennaktema asvaskapma neksa asvetai'a mota akientalhnema.

1 Pedro 5:12

Hai, akiakvatema nkek vakkahak anak astalheskama aniem'o nhan hepasmoma astema emo'ok nengaqtek eialheng Silvano, astalheskek vakkahak anak askellanemakha etnangkok, kakpota elvetaskesek qaselha altaqmelo alleniem'o Eniapom Neten akiavai'a apkellamelaiam ketlhengkap ma'a, etlhengkes hata nhan alpaihekha nak apvalho'ok aniem'o apkellamelaiam ma'a.

1 Juan 2:28

Ketlhengkap eietkak apketkok, etlhengkes hata apkelpasmekha Cristo kakpota apvanka'ak na elteteskamok metka apkenmangkasekama, metka altaikama nhan apvalho'ok apvaktamo ta m'a.

3 Juan 1:4

Avanhek ankek na akpaihekha evalhok neksa aslengai'a ania'a eietkak apkelleliehekho akvesai'a nak akto have niapak anke.

Judas 1:4

¡Ellaho toka m'a enenlhet'avok meliamolhma nak apkelvai'o lhna lhta mota ham apieseksek anak ketlhengkap! Apkelpasmekhek na lhta ketlhengkap ma'a, apkeliennengkeskamo lhna lhta nhan. Apkellaneiangkek na lhta lhamakho aktemakha qaselha ngkollatsekama atlheianmo apvalho'ok metka apiaqmongkasekha Eniapom Neten aniem'o aktaqmanma nke nak aptemakha, menmaiangkok na takha m'a apto lhema aphapak Apveske engankok Jesucristo. Tep nak nanek nlheianmek Eniapom Neten apaivoma etlhevangkok hata nema aliaqmongkaskesekha apkeltemakha m'a.