Hechos 11:2 - Nuevo Testamento Toba Maskoy

² Neksa apvekha lhnak Pedro m'a akieto Jerusalen, apkellatemommakpo lhnak apkellelto nak apkelieplavkeskama aktemakha nema aliaqtemenkeskama apkellammelhakha nehatko'o ma'a,

Hechos 11:2 ပူးပေါင်းရင်းမြစ်များ

Hechos 10:45

Ka alpelapkeskamo lhnak apketlhelhma'ak Pedro m'a, apkellelto nak apkelieplavkeskama aktemakha nema aliaqtemenkeskama apkellammelhakha nekhatko'ok ma'a, nkeliemaskangkek nak na apvalho'ok ma'a apkelvetai'o apvaiventamo Espíritu Santo taphaplhet'ok apkellelto metnangko nak judios.

Hechos 10:9

Mo'ok aknem na ntemak ma'a, apketlhengamo m'a apkelvekho lhnak na temma Jope. Koka Pedro apnengkek ma'a Jope, apkanantemo lhnak neten pa'at kakpota enmalhnak ma'a. Katelho lhna ntemak ma'a, malha la 12,

Hechos 15:1

Apkelvai'ak nak judios apkelleniem'o iokhalhma Judea akieto Antioquia, ka apketlhekmoseiangko lhnak apkelialheng'a melvongkasakpek tep meliaqtemenangko la nekha tkok apkelammelhakha, aptemakha lhnak nanek Moises apkellanemakha etnangkok.

Hechos 15:5

Koka moklhem'a lhnak Fariseos apkakhaiangkok nak na m'a apkellelto meliaskeiam Jesús, apkelaqnekho lhnak neten, lhna aptaiangkok ma'a: —Nkaimelhkek angeliaqtemenkeskasangkok nekha tkok apkellammelhakha m'a metnangko nak judios, angelleltok na elieplavkesek aktemakha nak ley Moises —lhna aptaiangkok ma'a.

Colosenses 4:11

Ka apkapasak na aklheianma apvalhok hengke'e Jesús, mo'ok nemaltema koka Apeivomo. Ka enenlhet'avok anak na hengke'e apkellelto nema aliaqtemenkeskama nekhatko'ok apkellammelhakha vanlha apankavek helpasmoma neksa asmakmekama aptemakha nak Apveske Eniapom Neten, avanhek ankek na apkelpaiesekha evalhok.

Tito 1:10

Nkanek aplhaniek meleliehekho ka nkeniemai'ak ma'a apieseksek anak aknaikamok anak nema aliaqtemenkeskama nekhatko'ok apkellammelhakha, vanlha mota apkelpakmetekama aktaikama nkek, aptengiaikama mota eliennengkesek enenlhet'avok ma'a.