Hechos 11:19 - Nuevo Testamento Toba Maskoy

¹⁹ Netamen apmatnama lhnak Esteban ma'a, ampai'akha lhnak aknema akmenlhenaikama apkellelto meliaskeiam. Moklhem'a lhnak apkenmaiangkok apkeniaikamok akieto Fenicia, Chipre, kakpota nhan Antioquia, ka apkeleltennaskeiakmo lhnak Eniapom Neten apaivoma m'a apkelvaianlha la'a. Vanlha lhnoka apkellelto judios ma'a, man noka eleltennaskamak metnangko nak judios.

Hechos 11:19 ပူးပေါင်းရင်းမြစ်များ

Juan 7:35

Ka apkelelmalhnekpo lhta mok apankavek apkelemhama apmaniaie judios ma'a, lhta aptangkok: —Se lha aplheno nak ai'e, ko la apmak'akha emhangkok kakpota mongelvetekhe. Kelha apme eniakhak ma'a elpalhakvakha judios apkellelto nak apkakhengveiam ma'a apieseksek anak griegos, kakpota nhan etlhekmoskamok griegos ma'a —lhta aptangkok ma'a.

Hechos 11:20

Koka apkelvai'ak nak na moklhem'a enenlhet'avok apkelleniem'o Chipre kakpota nhan Cirene, apkeleltennaseiangka lhnak na ania'a aktaqmanma aplhenammap Apveske Jesús enenlhet griegos ma'a akieto Antioquia.

Hechos 11:22

Apkellengai'ak nak ania'a apkellelto iglesia akieto Jerusalen, ka apkellapaskamo lhnak Bernabe m'a Antioquia.

Hechos 13:1

Apkakhaiangkek nak apkeleltennasemmap ania'a m'a kakpota nhan hengetlhekmoskama apieseksek apkellelto iglesia akieto iokhalhma Antioquia. Apkelvesai'a Bernabe, Simon mo'ok nema ltema Apaiseiam, Lucio apkeniem'o natemma Cirene, Menahem kakpota nhan Saulo. Menahem noka knema akvanengkeskamo lhemek ma'a apveske Herodes Antipas.

Hechos 13:4

Netamen nak apketlhengamo apkenmaiangko Seleucia aniem'o Espíritu Santo apkeleltennaskama. Apkelkanetvaiakmo nhan loma nemmen akiavai'a m'a, apkenmaiangko m'a apkel·halhtepelhketmo iemmen akvakmo akiakiengveiam lhepop akhalhiengkaiam iemmen akvesai'a Chipre.

Hechos 13:46

Koka Pablo kakpota nhan Bernabe apkeleltennaskamo lhnak metka apkellai'a, lhna aptaiangkok: —Hengelietave niekhe angetlhenek Eniapom Neten apaivoma apmaniaie ketlhengkap apkellelto judios, koka menmaiangkok takha m'a, meleltemok ngkolhnankok aliennaktema apnenio'ok mangkotnengvaiam annelha. Koka ntasek angelletsavkesek ania'a nak apieseksek anak metnangko nak judios.

Hechos 14:26

ka apkelkanetvaiakmo loma nemmen kakpota eltaqhok mokhom neptamna'ak akieto Antioquia. Apkelempaiakhasekha lhnak na m'a nema allapaskama ka nhan nemo alelmalhneskeskamo m'a Eniapom Neten kakpota elpasmok neksa apketlhengama kakpota eleltennasangkok ania'a aktaqmanma m'a, apkelpeneskangkek nak apkenmakmekama.

Hechos 15:22

Aplhamakho nema allapaskamo kakpota nhan metno apketko'ok ka nhan iglesia apkeliekiesaiangko lhnak apqanet enenlhet apkellelto neten apankavek apkeliaspommap apkelvesai'a Judas mo'ok nema altema Barsabas, kakpota nhan Silas, kakpota eltek apketlhelhma'ak Pablo kakpota nhan Bernabe neksa apketlhengama akieto Antioquia.

Hechos 15:30

Netamen apketlhengamo lhnak Bernabe, Pablo, Judas kakpota nhan Silas akieto m'a Antioquia, apkankeskekho lhnak apkelialheng'a m'a, apkellangkongvekho lhnak na vakkahak aktalhesammalhka.

Hechos 15:35

Koka Pablo ka nhan Bernabe apkakhengveiakmek nak Antioquia apketlhekmoseiangko aktemakha apaivoma Apveske, apkelpasmekho nhan apentalhnema apkeltemo lhemek ma'a.

Hechos 15:39

Avanhek na ntemak apkellatemommap Pablo kanhan Bernabe, ka apkelhpanmo lhnak ma'a. Bernabe lhnoka apiantemekhak Juan Marcos ma'a, apkelkanantemo loma nemmen apkenmeiekho iokhalhma Chipre.

Hechos 18:22

apvekho Cesarea. Netamen apmeiekho akieto Jerusalen apmahai'a elpaivesangkok iakvatakho apkellelto iglesia m'a, ka apkempekho mokhom aplhengama akvakho Antioquia.

Hechos 21:16

netlhelhma'ak alhta nhan moklhem'a nema altamesaikamok ko Cesarea. Hengeliantemakhe lhta nhan akvakho apnemakha lhema enenlhet apvesai'a Mnason apkeniem'o lhtoka Chipre m'a, apto lhta nhan lhennenga aptema mei'askeiam, apkelto nhan angaqhengvomok ma'a apnemakha.

Hechos 21:2

Ka nelvetangvakho lhta loma nemmen akieto aknaktetemmalhkelha m'a kakpota nkoniakhak Fenicia, nelkananto nhan ma'a.

Hechos 3:26

Hai, Eniapom Neten alhta aplhatekhaskakmok Apketka, apkapaske lhta nhan ma'a kakpota eltaqmelkeskesek apkellaniemhaikama apmaniaie koka ketlhengkap, kakpota elvatesangkok na qaselha ngkollatsekama apkellanekamok —lhna aptemak Pedro apkellanemo enenlhet'avok ma'a.

Hechos 4:36

Apnengkek nak na lhema enenlhet apvesai'a José apkeniem'o Chipre, aptaven neptamen noka m'a Levi. Koka nema allapaskama m'a apkeliaqmongkaskesekho lhnak mo'ok apvesai'a, Bernabe lhnak apteskaseikokhak apvesai'a m'a, nema ltema apaiesekha engvalhok aniapom.

Hechos 6:5

Nkelleklemavek nak apvalho'ok enenlhet'avok ma'a, ka apkeliekiesaiangko lhnak lhema enenlhet aklanei'o apvalhok Espíritu Santo kanhan mei'askeiam apvesai'a lhnak Esteban, kakpota nhan po'ok Felipe, Procoro, Nicanor, Timon, Parmenas kakpota nhan Nicolas apkeniem'o m'a Antioquia, aptemongvai'a lhnak na judio m'a.

Galatas 2:11

Neksa apvekta alhta Pedro m'a apiav'akha temma Antioquia, asiennave lhta ko'o askellano m'a ngkanek ma lhta ngkolatsema aptakha m'a.