Hechos 11:16 - Nuevo Testamento Toba Maskoy

¹⁶ Nlheianvakhave lhta ko'o evalhok aptemo nak hengellanemo Apveske m'a, lhta aptak: "Have niapak apkellavkesaiangko konne iemmen Juan ma'a, koka ngkolhek hata akto malha nema allavkesaikamok la akieplomo Espíritu Santo ketlhengkap ma'a", lhta aptak ma'a.

Hechos 11:16 ပူးပေါင်းရင်းမြစ်များ

Marcos 1:8

Askellavkaske niekhe ko'o ketlhengkap konne iemmen, hato ka m'a enenlhet anak malha ta etnek apkellavkeskama la akieplomo Espíritu Santo —lhna aptemak Juan apaqmeteiangka m'a.

Lucas 24:8

Nkelpelapkeskangkek nak atlheianvekho av'alho'ok ngkelvana'ak ma'a aktemakha lhnak apaivoma Jesús akmahai'akha ngkotnek apkaniemhaikama,

Lucas 3:16

Koka lhnak aptemak Juan apkellanemo enenlhet: —Askellavkaskek ko niekhe iemmen ketlhengkap, koka lhema enenlhet hata elhemak netamen ko'o. Neten apankek aknema apmopvana, molhnok ko'o, ngvannalhkek ko'o evalhok al·hatsoskesek alhato'ok apnakteto apmankok ma'a enenlhet anak. Hato ka etnek malha la apkellavkeskama la Espíritu Santo kakpota nhan talha ketlhengkap.

Juan 1:26

Ka apkellatemmongka lhta mokhom Juan ma'a, lhta aptak: —Askellavkaskek ko'o konne iemmen enenlhet'avok, koka apieseksek anak ketlhengkap apnek po'ok, mang koka eliekpelkak ketlhengkap mokhom.

Juan 1:33

Ma lhta ko aihamok enenlhet ma'a, koka apto lhta heiapaskama allavkesangkok konne iemmen enenlhet'avok ma'a, lhta aptak heiano: "Hata apvet'o ta lhema enenlhet apvaiventak takhaplhet Espíritu, eienakvak nahan, koka apto ta malha apkellavkesaikamok akieplomo Espíritu Santo enenlhet'avok ma'a", lhta aptak heiano m'a.

Juan 14:26

koka eniapaksek hata Eniapom apto Hengiatekho niapom apvesai'a Espíritu Santo. Heiaqmongkesek hata asnemakha, etlhekmosangkok hata lhamakho qaselha, etlhenkeskeskakhok hata nhan apvalho'ok lhamakho aktemakha asketlhekmoseiangko lhta.

Juan 16:4

Askelientemongkasavek askeleltennaskama kolhvave nak, hata akvo'o ta m'a, nkotlheianvakhok hata apvalho'ok astemakha aspaioma askellanemo. Ma lhta ko aleltennasak ketlhengkap sekhek lhta qaselha alheno lhkek nkanek asnengke lhta mota apieseksek anak ketlhengkap.

Hechos 1:5

Have niapak anke lhta m'a apkellavkesangko lhta konne iemmen enenlhet'avok Juan ma'a, koka ketsek na nkaimelhka knem ngkoitek na ketlhengkap malha aknema allavkeskama la akieplomo Espíritu Santo —lhna aptemak apkellanemo Jesús ma'a.

Hechos 20:35

Vanlha mota asketlhekmoskama askeleltemo eleliephekho enmakmama kakpota elpasmok enenlhet metka nak apkelletsekama, aptemakha lhta mota aplheianma Apveske Jesús, lhna aptemak: "Aktaqmelakho nkek apkaikamo nak po'ok qaselhaha, melhnok ma'a apto aplhevai'a qaselhaha".

1 Corintios 12:13

Nenlhaniek ennengko'o nhan nengelelto nak Jesucristo apkennemolhema, judios, griegos, nema allasennaikama nema apkelianmoma, metnangko nema apkelianmoma, nenlhaniek ma'a. Nnengkek na hengellavkeskamo konne iemmen, malha lhema koka ntaiekhak neniokha m'a aniem'o vanlha nhan lhema Espíritu, nemo nhan hengellaiangko Espíritu nak ma'a.

2 Pedro 3:1

Elialheng'a askellamelaiam, hanet astalhesekho ntak vakkahak anak asmahai'a aleltennasangkok kakpota nkolketamangkok apvalho'ok akto akpeivomo nke.