Hechos 10:41 - Nuevo Testamento Toba Maskoy

⁴¹ mang koka elvetai'ak aplhamakho enenlhet natemma nak ma'a. Eniapom Neten koka nhan asongkek hengeliekieskama ennengko'o kakpota angetlhenek lhamakho aktemakha nelvetai'a apkaniemhaikama Jesús. Nentaveikokhek na kakpota nhan nenienaiangke lhta nhan lhemek ma'a netamen aplhatekhangveiam alhta m'a apieseksek apkenmaskengvaiakmo.

Hechos 10:41 ပူးပေါင်းရင်းမြစ်များ

Lucas 24:30

Apkakhaiangkek nak aptaveikokho m'a, ka apmamo lhnak pan Jesús, aptemo lhnak na gracias Eniapom Neten, apkellaiangko nhan ma'a.

Lucas 24:48

Koka eleltennes hata lhamakho qaselha aktakha nak apkelvetai'a ketlhengkap,

Juan 14:19

Ketsek nkaimelhkak manghelvetekhek hata enenlhet'avok nalhepop anak, ketlhengkap hato ka helvetekhak hata, elloka ta mokhom ma'a tep ngkanek ko'o aloka ta nhan ma'a.

Juan 14:22

Koka lhta aptak Judas, have Judas Iscariote: —Apveske, ¿se lha ntak apkelto nak hengelvetaskesek lheiap vanlha ennengko'o, have nak lhamakho enenlhet, he? —lhta aptak.

Juan 15:16

Ma lhta heliekiesangkok ketlhengkap, ko'o koka nkeniemai'ak askeliekiesaiangko ehenke, ka askellapaso lhma nkek ham kakpota nkolhnangkok ngkeskama akielhna metka aktemongvaiam annelha. Netamen hata nhan ellangkok hata Tata apkelelmalhnengka la'a qaselha, akieplomo koka asvesai'a nak.

Juan 15:27

Ketlhengkap hata eleltennaksek enenlhet'avok lhamakho qaselha aktemakha apkelvetai'a askelanai'a ngkanek helieplekama lhta askempai'akhasekha lhta asmakmekama —lhta aptak Jesús.

Juan 21:13

Apme lhta Jesús pan kakpota nhan kelasma, ka apkellangko lhta nhan apkeltamesaikamok ma'a.

Hechos 1:22

Ampai'o lhta nhan hengelieplekama m'a aplavkeskamakha lhta konne iemmen Juan Jesús ma'a, akvakmo nhan akno akiantemakho neten. Ntasek angeliekiaksek lhema enenlhet la'a kakpota hengelpasmekhak ennengko'o netlheianma aktemakha nelvetaiangko lhta aplhatekhangveiam Jesús apieseksek apkenmaskengvaiakmo —lhna aptemak Pedro.

Hechos 1:4

Ka apkeleltennaskamo lhnak lhema apaivoma, lhna aptemak: —Melakta pankek Jerusalen akvakmo ta aknem akvai'a lhema qaselha aplheianmo lhta Eniapom have niapak ankek eniapaksek hata, askeleltennaskangke lhta nhan ko'o lha sekhe lhta m'a.

Hechos 10:39

Nelvetai'ak ennengko'o m'a aktemakha apkelanai'a lhta Jesús akieto iokhalhma Judea kakpota nhan Jerusalen, netamen nemo lhta nhan aliaqlhaklhemo apmeiok apmankok neten iamet aktenneskama, apketsepmo lhta nhan ma'a.

Hechos 13:31

Nlhamakmek nak na knem apvetaskesammakpo lhnak na napaqtavek apkellelto apketlhelhma'ak apkenmeiekho apkelempai'o Galilea akvakho Jerusalen, koka kolhvave nak ma'a apkelpaieskek ania'a aktemakha aplhenammap Jesús napaqtavek enenlhet'avok.