Hechos 10:22 - Nuevo Testamento Toba Maskoy

²² Ka apkellatemmoiangka lhnak enenlhet, lhna aptaiangkok: —Capitan Cornelio lhta hengellapaskama ennengko'o apkeltemo angeliama lheiap kakpota etlhekmoskakhak ma'a. Apto nak enenlhet apeivomo m'a, apkeliehekho nhan Eniapom Neten, enenlhet'avok judios avanhek ankek apketlheianma mota apiamolhma apankek ma'a Cornelio. Ka nkeniemai'ak ma'a apakmetkeskamo lhna lhta lhema ángel apokkenammap kakpota hengellapaksek ennengko'o hengke'e —lhna aptaiangkok ma'a.

Hechos 10:22 ပူးပေါင်းရင်းမြစ်များ

Marcos 6:20

ngkanek apkai'avek na mota Herodes Juan. Aptaqmelkeskangkek nak ma'a, apiamavek nak na apto enenlhet apeivomo, melanai'a nhan ngkolatsekama, akpelapkeskamo mota nhan aplengai'a apketlhekmoskama m'a.

Marcos 8:38

¡Ellailhono! Menmangkankek hetlhenek ko'o apkelvakho ta napaqtavek enenlhet apkellanekamok anak ngkollatsekama kanhan apkelleliasepkasekama nak. Koka apkenmangko la hetlhenek asvesai'a ko'o, Enenlhet Apketka nak emangkak hata nhan etlhenek apkelvesai'a ketlhengkap apvaktamo ta akieplomo apmopvana apkaikamok aniem'o Apiapom ma'a, ángeles apkelpokkanma hato ka apketlhelhma'ak ma'a —lhna aptemak.

Lucas 2:25

Apnengkek nak ma'a lhema enenlhet apvesai'a Simeon, apeivomo lhnak ma'a, apkeliehekho lhna mota Eniapom Neten. Avanhek ankek nak apkel·halhanma ngkolhek hata alpaieskeskakmo apvalho'ok ko Israel, Espíritu Santo lhna songke mota aplhelhma m'a Simeon.

Lucas 23:50

Apnengkek nak na m'a lhema enenlhet apvesai'a José, ko na temma Arimatea lhnak ma'a, iokhalhma Judea. Apiamolhma lhnak ma'a, apeivomo nhan, avanhek nak apkeltemo nkovak aptaiekha apveske Eniapom Neten. Apto lhnak na apketlhelhma'ak apkelemhama apmaniaie' Judios neten apankavek, koka mang noka nkoleklemok apvalhok aptaiangkolha' apkellanei'o Jesús ma'a.

Lucas 9:26

Koka allennavengko la etlhenek asvesai'a kanhan asketlhekmoskama nak, nkonnevhok hata nhan ma'a Enenlhet Apketka nak etlhenek apkelvesai'a ketlhengkap apvaktamo ta akieplomo lhamakho aktemakha apmopvana aniem'o Apiapom, apketlhelhma'ak hata nhan ángeles apkelpokkenammap.

Juan 13:20

Apkenmangkek hata nkek takha enenlhet askellapaskama nak, henmankek na takha ko'o m'a. Henmankek na takha ko'o, apkenmangkek na takha akto lhta heiapaskama ko'o, have niapak ankek astakha nak —lhta aptak.

Juan 17:20

Askeltavek na elpasmok po'ok enenlhet anak mangheliaskamek hata apkelleng'o la ania'a apketlheianma helieplekama nak.

Juan 5:24

Apto la enenlhet aptaqmelkeskamo apkailhemo astakha alheianma, mei'askakmo la nhan apto heiapaskama, have niapak ankek enenlhet anak ngkoitek hata akiennaktema apneniek nkotnengvaianlha nnelha, meselhnanakpe hata nhan. Malha apketsepma lhta aptemak, kolhva koka aptakhak aphalhnankok.

Juan 6:63

Espíritu akto apkellaikamok aliennaktema apnenio'ok ketlhengkap, koka enhapetek anak mankolienna'ak ma'a. Ka aspaioma lhkek akto Espíritu kanhan nenganiemhaikama,

Juan 6:68

Ka apkatemmongka lhta Simon Pedro m'a, lhta aptak: —Apveske, mamma apno enenlhet lheiap, vanlha lheiap apaivoma nak avankek hengankok akiennaktema ennenio'ok nkotnengvaianlha nnelha.

Hechos 10:2

Apiamolhma lhnak ma'a, apkai'o lhnak na Eniapom neten ma'a akvekho apkennemolhema apketkak. Apkellaiangko nha mota patakkom apankok apkelpasmomo Judios, apkenmalhnonkoma mota nhan Eniapom Neten.

Hechos 10:21

Ka apteiapmo lhnak Pedro konne pa'at mo'ok av'alhok neten, lhna aptemak apkellanemo enenlhet ma'a: —Ko'o Pedro ¿se lha kto helketamo nak ke, he? —lhna aptemak.

Hechos 10:30

Ka apkatemmoiangka lhnak Cornelio m'a, lhna aptemak: —4 knem antak akiekai'a, malha la 3 ienaqteso lhta, neksa askenmalhnongkoma m'a asnemakha apteiapvo'o lhta lhema enenlhet apkelienmomo lhta aptalhnema,

Hechos 10:33

Ka askellapaso lhta enenlhet kakpota eliantementak lheiap hengke'e, ka apkelhiakmo hengke'e ngkanek apiave lhma lheiap, koka kolhvave nak ennengko'o nelanelhkek nengakhangko napaqtek Eniapom Neten, nemmak'ak angellailhok aplheno lhta Apveske lheiap —lhna aptemak Cornelio.

Hechos 10:6

Ka apnak ma'a apnemakha nak apkelvesai'o lheme apvesai'a nak na Simon, apmakmekama nak apkeltakmelkeskama kaselha aiempeiok akieto nekha alvata —lhnak aptemak ángel.

Hechos 11:14

hata etlhekmoksek ma'a aktemakha apvongkasemmap tep lheiap kakpota nhan apkennemolhema apketkak", lhna lhta aptemak apkanemo ángel.

Hechos 22:12

Apne lhta m'a lhema enenlhet apvesai'a Ananias, apiave panke lhta lhma, apkeliehekho lhta mota ley Moises, apketlheianme lhta mota enenlhet ko Damasco apiamolhma m'a.

Hechos 24:15

Al·halhnekama evalhok atak hata Eniapom Neten enaklhatekhaskamok enenlhet'avok apieseksek apkenmaskengvaiakmo, apkellelto nak apkelpeivomo kanha melpeivomo. Ka enenlhet'avok anak fariseos meliaskeiakmok na alheno nak.

Hechos 6:3

Ntasek eliekiesangkok apieseksek anak ketlhengkap 7 enenlhet altaqmanma la apkeltemakha, nema la nhan apkeliamo, allaneiangko la nhan apvalho'ok Espíritu Santo kakpota etnangkok apkelhpankesaikamok ma'a.

Romanos 1:17

Ania'a aktaqmanma nak hengeleltennaskek vanlha Eniapom Neten apvankek henteskesangkok nelpeivomo aniem'o mongeliaskeiam Jesucristo, ka ktemo nak aktalhesammalhka nhan Vakkahak Eniapom Neten apaivoma hengke'e: «Enenlhet apto la apeivomo, eloka ta akvanqakhoho» ka ntemak ma'a.

2 Corintios 5:18

aniem'o Eniapom Neten, apkapaskamo nhan apketka kakpota ellasekhaskesekhok mokhom ma'a. Netamen na hengellapaskama ennengko'o kakpota angellasekhaskesekhok enenlhet'avok kanhan Eniapom Neten.

1 Timoteo 3:7

Ntasek na etnek metno apketkok apkellai'o m'a apieseksek anak metnangko nak Jesucristo apkennemolhema kakpota nhan metlhenek ngkollatsekama aptemakha enenlhet, ngkanek malha apteiam kelha ngkotnek aveske keliaqhameio' al·hanma m'a.

Hebreos 10:38

Enenlhet apto la apeivomo eloka ta mota aniem'o mei'askeiam, mankolkek hato ka m'a evalhok aptaqho la neptamen», ntemak ma'a.

Hebreos 11:2

Aktemakha lhnak nanek na meliaskeiakmo nelieihengka'a m'a, nleklemavek nak nanek apvalhok Eniapom Neten apkelvetai'o m'a.

Hebreos 12:23

Ketlhengkap na apkellelto napokha apkennemolhema apmaniaie nak ma'a Eniapom Neten apketkak, nnaiangkek na m'a apkelvesai'a vakkahak ma'a neten. Nengaqtek na ketlhengkap Eniapom Neten apto hengiekpelkemo niapom, nengaqtek na ketlhengkap apkel·hangok ma'a apkellelto lhta enenlhet apkeliamolhma nema atsavheskeskaiakmo lhta nhan apkeliamolhma apankave.

2 Pedro 3:2

Kotlheianvakho no apvalho'ok apketlhekmosekamo lhnak nanek apkeleltennasemmap ania'a annenga apkelpokkenammap, kotlheianvakho ta nhan apvalho'ok apkellanemakha etnangkok apveske apto henvonkeskama tep, kakpota nhan apketlhekmosekamo alhta nema allapaskama.

3 Juan 1:12

Lhamakho engelialheng'a apketlhengke mota aptemakha Demetrio, apto lhnak apiamolhma m'a, nelvet'ak na ennengko'o aptemakha have niapak ankek ma'a. Ennengko'o nhan netlhenak apto apiamolhma m'a, apiavek na lheiap nenlhenke mota qaselha have niapak anke mota nentangkok.

Apocalipsis 14:10

Koka enenlhet anak ma'a einek hata metka apiekai'a vino aniem'o aploma Eniapom Neten, ka vino nke nak apeneskamo lhta nohaikok aploma m'a, elhkak hata nhan akiaqmoiekha aptemakha akieplomo talha kanhan azufre napaqtavek ángeles apkelpokkenammap kakpota nhan Nepkesek Apketkok.