Hechos 10:11 - Nuevo Testamento Toba Maskoy

¹¹ akmaihekho lhnak neten akvaivantamo nalhepop lhema nengaqlammalhka apiavai'a, nema aknaktetema 4 nepva'ak.

Hechos 10:11 ပူးပေါင်းရင်းမြစ်များ

Lucas 3:21

Apkellavkesaiangko lhnak iemmen Juan aplhamakho enenlhet'avok ma'a, ka apvaiakmo lhnak na Jesús, aplavkeskamo lhnak na iemmen ma'a. Neksa apkenmalhnonkoma lhnak Jesús ma'a, akmaihekho lhnak neten,

Juan 1:51

Ka aptemo lhnak na apkellanemo Jesús aplhamakho m'a: —Akto have niapak anke, elvetak hata ketlhengkap akmaihekha neten, ángeles apkenmeiekha neten, apkelvaiventa nhan takhaplhet ma'a Enenlhet Apketka nak —lhna aptemak Jesús.

Juan 11:52

Have koka nhan vanlha enietsepok Jesús akiaqmoiekha apkennemolhema apankavek judios, koka nhan ma'a enietsepok kakpota eniankesekhok aplhamakho apkellelto Eniapom Neten apketkak apkakhangko lhma nkek ham.

Juan 12:32

Hato ka kno ta heklheno neten, nkolienioskamok hata aplhamakho enenlhet'avok asiokha nak nkolaqlantak asnakha —lhta aptak Jesús.

Hechos 10:12

Nkelienaktengkek nak lhamakho aktemakha kaselha nevhak, nentoskama, ka aktonak alpelhievaikama nak nalhepop kakpota nhan anata.

Hechos 11:5

—Asne lhta ko'o akieto m'a natemma Jope askenmalhno Eniapom Neten ma'a, ngvet'a lhta ehaqtek malha nengaqlammalhka apiavai'a apkeniem'o neten, apvaivantamo koneng akieto asnakha ko'o, 4 lhta apnaktetemmap nepva'ak ma'a.

Hechos 7:56

Lhnak aptemak Esteban: —Asvet'ak anmaihakho neten, asvet'ak na Enenlhet Apketka apkenmangka akieto napokha akiennakha Eniapom Neten —lhnak aptemak ma'a.

Romanos 1:16

Momankek ko alhenek ania'a aktaqmanma ngkanek akto aknema akmovana aniem'o Eniapom Neten kakpota nkolvongkesek tep enenlhet'avok apkellelto la meliaskeiam, apmaniaie' judios, kakpota nhan griegos.

Romanos 9:4

Apkellelto aptavana'ak neptamen Israel ma'a, apkeliekieskangkek nak nanek Eniapom Neten ma'a kakpota etnangkok apketkak. Apketlhelhma'ak nak nanek na aptaiangkok apkenmangkolha la amai ma'a, apkelvetaskeskangkek nak nanek na qaselha mongvetai'o. Aknemo mo'ok lhnak nanek apvalho'ok aptaiangkok apkenmahai'akha la etnangkok ma'a, apkellaiangko lhta nhan ley apankok, apketlhekmoseiangko nhan etnangkok eliavenkaskesok Apvesai'a m'a, apkellaiangko lhta nhan lhema apaivoma akmak'ak hata ngkotnek apkellaniemhaikama.

Galatas 2:15

Ennengko'o nengelelto judios apankavek have nellanekamok mota ngkollatsekama, have aptangko nak ma'a metnangko nak judios.

Galatas 3:28

kolhva koka aptaiangkok ketlhengkap apkelpasmekha Cristo Jesús, judios, griegos, nema allasennaikama nema apkelianmoma, metnangko nak nema apkelianmoma, apkelennava'ak, ngkelvana'ak, aplhamakho apankavek.

Efesios 1:10

Apeneskamo lhnak nanek apkelanekha aptakha, nkovak hata aknem akietemo nkek aplheianmakha aptemeskeskama apveske Jesús halhma nkek ham neten kakpota nhan nalhepop anak.

Efesios 3:6

Lhennenga akpeneskama aklhenaikama apvalhok elanak ma'a, eniankesekhak metnangko nak judios kanhan judios nkotnekhak malha lhema apkeliokha m'a aniem'o aptaikamok apkelpasmekha Cristo Jesús aniem'o nhan apkellengai'a ania'a aktaqmanma. Etlhevangkok hata nhan ma'a metnangko nak judios lhamakho aktemakha qaselha altaqmanma apeneskamo lhta apaivoma Eniapom Neten ellangkok hata m'a qaselha apkennemolhema apanke ko Israel.

Colosenses 3:11

Apnemo po'ok enenlhet napaqtek Eniapom Neten metka apkeliekammap, ka aktonak judio, griego, mankolhnaikamo nak aliaqtemenammalhka nekhatko'ok apkellammelhakha, metka nak aliaqtemenammalhka nekhatko'ok apkellammelhakha, niekhe apiav'akha la temma aptaqmanma, nlho ka la temma apketkok akmaselhte qaselha apankok, niekhe nhan nema allasennaikama nema apkelianmoma, metnangko nema apkelianmoma, apkennemo po'ok koka m'a ngkanek Cristo apkakhangkek nengaqtek ma'a aplhamakho m'a, apto nhan neten apankek apiaspommap ma'a.

Apocalipsis 11:19

Asvet'a lhta nhan ma'a neten atong nema akmaiesekha Eniapom Neten apnemakha. Nietne lhta m'a konne iamet aiseksek aknaiangkolha metaimong nekha alqasemmalhka annemo mo'ok apvalho'ok lhnak nanek apkenmahai'akha etnangkok Eniapom Neten kanhan apkennemolhema. Mpelapkaske lhta apkelienmakmo m'a, akiennoma lhma, apkelelhtenioma, akievhekama lhepop kakpota nhan aliavai'a ahekho'ok ma'a.

Apocalipsis 19:11

Ka asvet'o lhta akmaihakho neten ma'a, apiangke lhta lhema etanlheng akmopai'a m'a. Apto lhta apkanantema m'a apvesai'a metka apietnekho hempasmoma, kakpota nhan apto iokhalhmek ankek. Apte lhta mota apveske apeivomo, apkennapommap nahan.

Apocalipsis 4:1

Netamen alhta m'a, asvet'o mokhom atong akmaihekha akieto m'a neten, lhta ntak heiano mokhom nema aliatekama lhta akiennaktema nke lhta apaivoma, malha lhta ntak trompeta nak akpaivoma, lhta ntak: —Enianamet halep, ataskesek hata lhamakho qaselha akmak'akha ta ngkotnek netamen ma'a —lhta ntak heiano nema aliatekama.