Hechos 1:8 - Nuevo Testamento Toba Maskoy

⁸ Koka etlhevangkok hata aknema akmovana aliennakteskama ketlhengkap apvo'o ta Espíritu Santo takhaplhet'ok ma'a. Enmankok hata lhma nkek ham Jerusalen, Judea, Samaria, akvakmo aktakha mokhek ankek avhok lhepop mo'ok apkellavakha. Eleltennasama ta aplhamakho enenlhet'avok aktemakha apkelvetaiangko lhamakho qaselha askelanai'a lhta —lhna aptemak Jesús ma'a.

Hechos 1:8 ပူးပေါင်းရင်းမြစ်များ

Marcos 16:15

Netamen lhna aptemak Jesús apkellanemo apkeltamesaikamok: —Enmamok hata ketlhengkap lhmankek ham, eleltennasamok hata ania'a aktaqmanma m'a.

Lucas 1:35

Koka lhna aptemak mokhom ángel: —Evaiventak hata takhalhet Espíritu Santo lheia', nkapvetak hata nhan apmopvana Apto m'a apnema netne kanke nak. Ka ngkanek nematka nak apiamolhma ta kakpota nhan ngkolhek altangko Eniapom Neten apketka.

Lucas 10:19

Askellangke lhta ko'o apkelmopvanka'a ketlhengkap kakpota elteianmangkok menasma kakpota nhan iettaha', kakpota apvanka'ak eltemeskasekhak koneng apkellammelhma, mangkolhek hata aktakha ketlhengkap.

Lucas 24:29

koka apkelleltemavek nak elhnekhak apketlhelhma'ak ma'a, lhnak aptaiangkok: —Eniaio nhan lheiap hengke'e, ienaqteske —lhnak aptaiangkok ma'a. Ka aphaivomo lhnak na Jesús ma'a natemma nak, apnemo nhan lhemek ma'a.

Juan 15:27

Ketlhengkap hata eleltennaksek enenlhet'avok lhamakho qaselha aktemakha apkelvetai'a askelanai'a ngkanek helieplekama lhta askempai'akhasekha lhta asmakmekama —lhta aptak Jesús.

Hechos 1:22

Ampai'o lhta nhan hengelieplekama m'a aplavkeskamakha lhta konne iemmen Juan Jesús ma'a, akvakmo nhan akno akiantemakho neten. Ntasek angeliekiaksek lhema enenlhet la'a kakpota hengelpasmekhak ennengko'o netlheianma aktemakha nelvetaiangko lhta aplhatekhangveiam Jesús apieseksek apkenmaskengvaiakmo —lhna aptemak Pedro.

Hechos 1:5

Have niapak anke lhta m'a apkellavkesangko lhta konne iemmen enenlhet'avok Juan ma'a, koka ketsek na nkaimelhka knem ngkoitek na ketlhengkap malha aknema allavkeskama la akieplomo Espíritu Santo —lhna aptemak apkellanemo Jesús ma'a.

Hechos 13:31

Nlhamakmek nak na knem apvetaskesammakpo lhnak na napaqtavek apkellelto apketlhelhma'ak apkenmeiekho apkelempai'o Galilea akvakho Jerusalen, koka kolhvave nak ma'a apkelpaieskek ania'a aktemakha aplhenammap Jesús napaqtavek enenlhet'avok.

Hechos 2:32

Jesús alhta m'a, nelvet'a lhta ennengko'o Eniapom Neten apto aplhatekhaskeiam ma'a.

Hechos 22:15

Emhangko ta nhan lheiap alhma nkek ham kakpota elhenek aktemakha qaselha apvetai'a kanhan aplengai'a.

Hechos 3:15

Alleniemai'o lhtoka ketlhengkap apmatnamo m'a apto niekhe apkelanai'a neniennaktema nak, Eniapom Neten koka nhan aplhatekhaskeiakmok ma'a, ennengko'o nhan nelvetaiangko m'a.

Hechos 4:33

Koka nema allapaskama apkenmopvanka lhnak apketlhekmosekamok aktemakha aplhatekhangveiam alhta Apveske Jesús apieseksek apkenmaskengvaiakmo. Avanhek ankek nak na apkeltakmelkeskeskama apkellaniemhaikama Eniapom Neten ma'a.

Hechos 5:32

Ennengko'o nhan nelvetaiangko m'a lhamakho qaselha nak, apvetaiangkek na Espíritu Santo m'a apkellaiangko lhta Eniapom Neten aplhamakho enenlhet apkelleliehekho la'a —lhna aptaiangkok nema alapaskamo m'a.

Hechos 6:8

Avanhek ankek nak aplhevai'a akmases apvalhok Esteban kanhan aknema apmopvana aniem'o Eniapom Neten, apkelanai'ak na mota qaselha hempelapkeskama kanhan qaselha mongenatkeskama napaqtavek enenlhet'avok apkellavakha nak ma'a.

Hechos 8:1

Apnengkek nak ma'a Saulo apkennapmo enenlhet Esteban, nietemavek nak na aktemakha aklheianma apvalhok ma'a. Koka aknem nak ma'a ampai'o lhnak nema akmenlhenaikama iglesia akieto Jerusalen, apkelhpanmek nak aplhamakho apkenmaiangko lhnak mok iokhalhma Judea kakpota nhan Samaria, koka nema allapaskamo mang nak enieniaiangkok ma'a.

Romanos 10:18

¿Ma nlho ellengai'a niekhe ania'a, he? Mma', apkellengai'a niekhe have niapak ankek aplhamakho apankavek ania'a, ka aktemo nak aktalhesammalhka Vakkahak Eniapom Neten apaivoma hengke'e: «Ka apkelpaqmetekama nak apkelleltennasemmap ania'a ntepkek lhamakho eiempek, kanhan aktakha nnelha nkek lhepop ngvakmek ania'a m'a»

Romanos 15:19

hempelapkeskama, qaselha mongenatkeskama nhan aniem'o Espíritu Eniapom Neten apankok. Aspaieske lhta ania'a aktaqmanma lhamakho apkellavakha askempai'o lhta Jerusalen akvakmo iokhalhma Iliria.

Colosenses 1:23

Nkaimelhkek eliennakteksek meliaskeiam anak, metka apkelieniekha m'a alel·halhnekama apvalho'ok elvetak hata aktaqmanma aniem'o ania'a aktaqmanma apkellengai'a lhta, nema aleltennaskamo mota lhmankek ham. Ko'o nhan askeleltennaskama ania'a nak aniem'o lhta heiapaskama Eniapom Neten.