Hechos 1:16 - Nuevo Testamento Toba Maskoy

¹⁶ —Elialheng'a, nietavek ankek akvai'a aktemakha aktalhesammalhka vakkahak Eniapom Neten apaivoma, aplheianmo lhnak nanek apiav'akha apveske David aniem'o Espíritu Santo aktemakha Judas apkelanai'a, apto lhta aplaqloiam enenlhet kakpota elpathetek Jesús ma'a.

Hechos 1:16 ပူးပေါင်းရင်းမြစ်များ

Marcos 12:36

Koka David, Espíritu Santo lhnak nanek apmaikama, aptemo lhnak nanek hengke'e: «Lhta aptak Apveske apkano Apveske ehenkok ma'a: Elhnata neheqha akiennakha akvakmo ta asavho askakheskekta koneng apmankok apkelammelhmakha lheiap», lhnak nanek aptemak ma'a.

Marcos 14:43

Nheklhek nak apkelpaqmetkesaiangka Jesús apkeltamesaikamok ma'a, apvai'o lhnak apkeltameskama apvesai'a Judas. Apkeliantemaiakmo lhnak enenlhet'avok apkelletsoiakmo lhnak pelettav akvenaktema kanhan iamet. Apkelemhama apmaniaie sacerdotes, escribas kanhan metno apketko'ok apkellapaskama lhnak ma'a.

Lucas 22:47

Nheklhek nak apkelpaqmetkesaiangka Jesús apkeltamesaikamok ma'a, akpelapkeskamo nhan apkelvai'a enenlhet'avok ma'a. Judas nak na m'a aplaqloiam, apto lhnak na lhema aphapak apieseksek 12 apkeltamesaikamok Jesús, ka apteteskai'o lhnak, apetseskamo nhan Jesús ma'a.

Juan 10:35

Apkeliave niekhe ketlhengkap akto have niapak aktemakha aktalhesammalhka Vakkahak Eniapom Neten Apaivoma, apketlheianmo lhnak nanek Eniapom Neten apkellelto dioses apkellelto lhnak nanek apketlhevaikamok apaivoma m'a.

Juan 13:18

Ka astakha lhkek askellano ketlhengkap have koka aplhamakho m'a, asiavek na apkellelto la askeliekieskama, nkovak hata aknem aktemakha nak aklheianma aktalhesammalhka Eniapom Neten apaivoma, ka ntemak ma'a: «Lhema apto astoma lhemoie', aptakhek heiammelhaikama m'a» ka ntemak ma'a.

Juan 17:12

Neksa asnema hengke'e apieseksek anak, askenmeiavkek mota akieplomo asiennaktema lheiap alhta heiaikamok. Mamma lhema aplheneiam la'a, vanlha koka apto atka henlhenengkeskama, ka aktemo nak nema alientemongkeskamo aklhenammalhka Eniapom Neten apaivoma.

Juan 19:36

Koka aktemakha lhta akvetammalhka qaselha m'a ntemengkek aklheianmo lhnak nanek Eniapom Neten apaivoma ngkotnek hata m'a, lhnak nane ntemak: «Mankolhe ta alentaso apelhkapkok ma'a» lhna ntemak.

Hechos 1:20

Lhnak na nek na ntemak aktalhesammalhka vakkahak Salmos alientemommalhko aklheianma m'a: «Etnekhak hata metka temma av'alhok pa'at apankok, mamma ta enenlhet elhek ma'a» «Po'ok enenlhet hato ka eiaqmongkesek apmakmeiangkolha m'a» lhna ntemak vakkahak aktalhesammalhka.

Hechos 13:15

Ka aknemo lhnak alietsatemo vakkahak ley Moises kakpota nhan vakkahak apanko'ok apkeleltennasemmap ania'a annenga. Ka netamen ma'a apkelemhama apmaniaie nemaknekhelha nak lhna aptaiangkok apkellanemo Pablo kakpota nhan Bernabe: —Ketlhengkap elialheng'a ¿nietne ie ania'a la hengellaikamok apaivoma hengeliatekho la'a ennengko'o, he? —lhna aptaiangkok.

Hechos 13:38

Ellailho no ko israelitas ania'a netlhekmoskama nak, apkellelto la meliaskeiam Jesús ngkolhek hata aktemeskesangkankek meleliehekho apkellaskamakha Eniapom Neten, ngkolhek hata nhan altemeskeso apkelpeivomo. Koka ley anak Moises mankavankek nkotneskesama nkek meleliehekho nak apkellaskamakha Eniapom Neten, mankavankek na nkoltemeskesek apkelpeivomo.

Hechos 15:13

ka apkelpeneskamo lhnak apkeleltennaikama m'a. Netamen nak na m'a apkempai'o lhnak apkeltennaikama Jacobo m'a, lhna aptemak: —Ellailho no elialheng'a asmak'akha atnek aleltennaksek kolhvave nak.

Hechos 15:7

Avanhek na ntemak apkellatemommap ma'a, ka apkenmekho lhnak neten Pedro, lhnak aptemak: —Elialheng'a, apkeliavek ketlhengkap Eniapom Neten apto heliekieskama lhennenga kakpota altennama ania'a aktaqmanma apieseksek metnangko nak judios kakpota meliaskamek ma'a.

Hechos 2:23

Koka ketlhengkap apkellangkongvaiakme lhta Jesús enenlhet'avok meliamolhma kakpota ennapok neten iamet aktenneskama m'a, apiamavek koka Eniapom Neten apmanie panke' akmak'akha ngkotnek ma'a.

Hechos 2:37

Avanhek ankek nak altaikama apvalho'ok apkellengai'o m'a, ka apkelelmalhnengvekho lhnak Pedro kakpota nhan apketlhelhma'ak nema allapaskamo, lhna aptaiangkok: —Elialheng'a, ¿ko la antemeskesangkok ennengko'o m'a, he? —lhna aptaiangkok.

Hechos 22:1

—Ellailhonoho elialheng'a kakpota nhan eniapma'ak asmak'ak angvasennalhko ehenkek alhenek napaqtavek ketlhengkap —lhta aptak Pablo.

Hechos 23:1

Apkellanei'avek na lhta Pablo m'a apkelientalhnakha apkelveskaie m'a, lhna lhta aptemak: —Ketlhengkap eliepma'ak, mamma aktakha aklhenaikama evalhok napaqtek Eniapom Neten aniem'o asiamolhma —lhna lhta aptemak Pablo.

Hechos 23:6

Nlheianvekhek na lhta apvalhok Pablo apieseksek apkelemhama apmaniaie' apkakhaiangko m'a moklhem'a saduceos kakpota nhan fariseos. Ka apiennakteskamo lhna lhta apaivoma Pablo m'a akieto apkaknaiankolha apkelientalhnakha apkelveskaie, lhna lhta aptemak: —Elialheng'a, ko'o asto nhan Fariseo akvakho askellokha nemmalhka, apkenmak'a mota hetlhenek aselhnanemmalhka ngkanek al·halhnekama evalhok atak hata nennaklhatekhangveianlha apieseksek apkenmaskengvaiakmo —lhna lhta aptemak.

Hechos 28:17

Hanetolhem'a aknem alhta ntak akiekai'a m'a, ka apkelto lhta Pablo ngkolhek allav'o apkelemhama apmaniaie judios apkellelto apkelloma m'a Roma, lhta aptak apkellano: —Mamma ko'o askammelhaikama nennemolhema judios kanhan apkeltemakha nelieihengka, nkaqhok koka moklhem'a apkelemhama apmaniaie judios akieto m'a na temma Jerusalen hellangkongvakmo lhta m'a apkelemhama apmaniaie romanos apkeleltemo heiaqlhengkesek nenmammalhkelha m'a.

Hechos 28:25

Ma lhta nhan nkolhok mo'ok apvalho'ok ma'a, ka apkellempo lhta nhan apkelieniekha napokha m'a, koka lhta aptak Pablo apkellano: —Have na niapak aptemakha aplheianma Espíritu Santo aniem'o apmaikama apkeltennasemmap ania'a Isaias aptaiangkolha nelieihengka'a, lhnak nanek aptemak apkanemo m'a:

Hechos 7:2

Ka apkatemmoiangka lhnak Esteban ma'a, lhna aptemak: —Hellailhono eliapma'ak kanhan elialheng'a, Eniapom Neten aknema apmopvana panke apvetaskesammakpo lhnak nanek nelieihengka Abraham akieto Mesopotamia, amanie lhnak apmahai'a elhnemok iokhalhma Harán,

1 Pedro 1:11

Cristo Espíritu apanko nak alientemongkeskamo lhnak nanek aleltemeskeskama elioho apkeleltennasemmap ania'a aktemakha aplengaiangko ta akientalhnema Cristo, aktemakha nhan qaselha hempelapkeskama nkovak hata netamen hata aplengaiangko m'a. Apkelienlhanmeiangkave lhnak nanek ania'a niapma'ak annenga apkenmahai'a eliohok aknem nkovak hata, kanhan aktemakha qaselha akvetammalhka ta m'a. Koka Espíritu

2 Pedro 1:21

Apkeleltennasemmap ania'a nnenga metlheianmak na apanko'ok apankavek la ania'a, Eniapom Neten koka apkellaikamok apaivoma m'a kakpota etlhenek ma'a, aniem'o nhan apkenmaikama Espíritu Santo.

2 Pedro 2:21

Apkeliangveiakme lhta niekhe amai anak akpeivomo, koka netamen apkelieniekhek ma'a, meleliehekho nhan henganemakha aktaqmelo allanemakha etnangko niekhe m'a, ntase lhta niekhe meliangvomhe' amai anak ma'a.