Hechos 1:14 - Nuevo Testamento Toba Maskoy

¹⁴ Aptaiangkolha lhna mota apkaqnekho apkelelmalhnongkoma m'a kanhan moklhem'a ngkelvana'ak, kanhan ma'a Jesús angken akvesai'a María kakpota nhan apkelialheng'a m'a.

Hechos 1:14 ပူးပေါင်းရင်းမြစ်များ

Marcos 15:40

Nkellomaka lhnak na moklhem'a ngkelvana'ak ma'a, mokhek nak nkelanvai'ak allaneiangka m'a. María Magdalena, Salome, kakpota nhan María, José ngken, apselhiek nak atka apvesai'a Santiago.

Marcos 16:1

Niekai'ak nak aknem sabado nennekhelha m'a, María Magdalena, Salome kakpota nhan María Santiago ngken anmaiangko lhnak akmases aimes aimenek kakpota nkolelhpakhangvakha niekhe Jesús aphapak ma'a.

Lucas 11:13

Niekhe meliamolhma nak ketlhengkap apvanka'ak koka ellangkok qaselha altaqmelo apketkak ketlhengkap. Koka Apkeliapma'ak anak ketlhengkap neten anak tep ankek apiamolhma apanko ie, haveniapak ankek hata ellangkok Espíritu Santo apkellelto la apkelelmalhnekama m'a —lhna aptemak Jesús apkellanemo m'a.

Lucas 18:1

Apketlhekmoskangkek nak Jesús apkeltamesaikamok aktemakha mota nenmalhnongkoma metka nenhalhemmalhka, lhna aptema Jesús lhema apietkeskama:

Lucas 23:49

Aplhamakho lhnak apkellelto apkeliekpelkemelha Jesús ma'a kakpota nhan ngkelvana'ak alieplekha alhta allempai'o Galilea akvakho akvaktamo Jerusalen, mokhe tketsek nak apkellanekama m'a aktemakha aptevasemmap Jesús.

Lucas 23:55

Neksa apkelletsekha lhnak aphapak Jesús ma'a alieplekho lhnak na moklhem'a ngkelvana'ak, alvetangveiakmo nhan apkellaqlhengkeskaianlha metaimong alhva aphapak Jesús ma'a, ka ngkelvana'ak anak alieploiangka lhnak Jesús allempai'o Galilea.

Lucas 24:10

María Magdalena lhnak ma'a kakpota nhan Juana, María Jacobo ngken kakpota nhan mo'ok ngkelvana'ak alletsakheskamo lhnak ania'a m'a apkelapaskamo.

Lucas 24:33

Kolhvavek nak apkeltaqhemo akieto Jerusalen, apkenmeiekho apkakhangkolha 11 apkellapaskamo mota Jesús kakpota nhan aplhamakha apketlhelhma'ak,

Lucas 24:53

vanlha lhna mota ntemak apkenmeiekha Eniapom Neten apnemakha kakpota eliavenkaskesama mota apvesai'a Eniapom Neten ma'a.

Lucas 8:20

Ka aptemo lhnak apkanemo lhema enenlhet Jesús: —Ngken kakpota nhan apkelialheng'a tep anak pa'at nkeleltavek nkolpaqmetkesek lheiap —lhna aptemak.

Hechos 2:1

Ngvaiakmek nak aknem aktaqmelaiangkelha lhma akvesai'a Pentecostes ma'a, apkaqnekhek nak aplhamakho apasmekho m'a.

Hechos 2:42

Vanlha lhna mota apkellasekhai'o aktemakha apketlhekmosekamok nema allapaskamo, apkeltaiangkolha lhna lhta mota nhan apketlhelhma'ak, kakpota nhan aptaveikokho lhemek, kanhan apkelpasmekho apkelelmalhnongkoma m'a.

Hechos 2:46

Lhamakho knem nak apkaqnekha mota akieto Eniapom Neten apnemakha m'a, kakpota nhan apkelpasmekho m'a apkakhaiangkelha nentoma aktaqmanma. Aptaveikokho nhan nentoma nkek akieplomo alpaihekha apvalho'ok ma'a kakpota nhan allakhaiangka apvalho'ok.

Hechos 6:4

Angetlhengkesek hato ka mota ennengko'o nelpaqmetkeskama Eniapom Neten, angeltennasangkok na ania'a aplhenammap Jesús —lhnak aptaiangkok ma'a.

Romanos 12:12

Kolpaihekha ta mota apvalho'ok aniem'o alel·halhnekama apvalho'ok elvetak hata aktaqmanma. Neksa apkelvetai'a la akientalhnema, elel·halhen hata metka apkelpekheskama apkeleltemo elpasmok Eniapom Neten, elelmalhna ta mota metka nnelha m'a.

1 Corintios 14:13

Enenlhet apkapvanko la eliatama apaivoma melioho mokhom, ntasek koka m'a enmalhnama Eniapom Neten kakpota eniapvanak na elpeiveskasokha apankek enenlhet'avok ma'a.

Efesios 6:18

Elelmalhna ta mota Eniapom Neten, ellapiosama ta nhan aniem'o Espíritu anmaikama. Elel·halhnama ta metka apkel·halhiongvaiam, ellapiosakpo ta nhan apkelelmalhneskeskama aplhamakho apkelpokkenammap anak.

Colosenses 4:2

Elelmalhna mota metka nnelha Eniapom Neten, elelketnama ta nhan kakpota nhan etnangkok gracias Eniapom Neten.