Hechos 1:13 - Nuevo Testamento Toba Maskoy

¹³ Pedro lhnak m'a kakpota nhan Juan, Jacobo, Andres, Felipe, Tomas, Bartolome, Mateo, Jacobo Alfeo apketka, Simon apto celote kakpota nhan Judas Jacobo apketka. Ka apkelvekho lhnak apkakhaiangkolha m'a, apkelkanetvekho lhnak akieto neten pa'at ma'a.

Hechos 1:13 ပူးပေါင်းရင်းမြစ်များ

Marcos 14:15

Ka enenlhet hata m'a elvetaskesek hata lhema akiavai'a av'alhok pa'at neten apnemakha, akieplomo nema alaneskama aknaikamok qaselhaha. Elpeneso ta m'a kakpota antavokhak ma'a —lhna aptemak Jesús ma'a.

Marcos 14:33

Ka apkellaveiangka lhnak ma'a Pedro, Jacobo kanhan Juan kakpota etnangkok apketlhelhma'ak ma'a tep atketsek mokhom. Ampai'akha lhnak na akmaiose apvalhok, apkai'ak nak na Jesús ma'a,

Marcos 2:14

Neksa aplhengama lhnak, apvetai'o lhnak Levi m'a, Alfeo apketka. Apnengkek nak apmakmeiangkelha apkenmama takha patakkom impuesto apveske ko Roma apankok, lhna aptemak apkanemo: —Nok, heieplakha —lhna aptemak ma'a. Ka apkenmekho lhnak neten Levi m'a, apieplekho lhnak Jesús.

Marcos 5:37

Ka apmahai'o lhnak eniakha Jesús Jairo apnemakha, vanlha lhnak apkeltemo apketlhelhma'ak Pedro, Jacobo kanhan Juan, Jacobo apialheng. Mang nak eltemok elieplakhak aplhamakho enenlhet.

Marcos 9:2

6 aknem na ntemak akiekai'a m'a, apmeiekho lhnak Jesús neten metaimong akhaiam. Ka apkeliantemekho lhnak Pedro, Jacobo kakpota nhan Juan. Ka apienievekho lhnak apiempek Jesús ma'a napaqtavek apketlhelhma'ak.

Lucas 22:12

Ka enenlhet anak ma'a elvetaskesek hata akieto neten av'alhok pa'at akiavai'a nema akpeneskamo m'a, elpeneso ta m'a lhamakho aimelhkelha la'a kakpota antavokhak ma'a —lhnak aptemak Jesús apkellanemo m'a.

Juan 11:16

Koka Tomas, mo'ok nemaltema apqanet apalleiam, lhta aptak apkellano apkeltemo lhemek apkeltamesaikamok Jesús: —Nok, antangkok netlhelhma'ak Jesús, angelletsepok hatelha lhemek ma'a —lhta aptak ma'a.

Juan 14:22

Koka lhta aptak Judas, have Judas Iscariote: —Apveske, ¿se lha ntak apkelto nak hengelvetaskesek lheiap vanlha ennengko'o, have nak lhamakho enenlhet, he? —lhta aptak.

Juan 18:17

Ka almalhnengka lhta Pedro m'a, lhta ntak: —¿Have nlho nhan lheiap apto lhema apkeltameskama Jesús, he? —lhta ntak. —Have —lhta aptak apkatemmongka Pedro m'a.

Juan 21:2

Aploka lhta Pedro, kakpota nhan Tomas nema altema apqanet apalleiam, Natanael ko Cana akieto iokhalhma Galilea kakpota nhan apketkak Zebedeo, apqanet alhta nhan mokhom ma'a apkeltamesaikamok.

Hechos 12:17

Mok apophek nak aptemak Pedro apkeltemo elvanmak ma'a, ka apkeltennaiangka lhnak aktemakha aptepekha nengaqlhengkasemmalhkelha aniem'o apasmoma Apveske. Netamen lhnak aptemak apkellanemo: —Enmeiakha ta ha'e, eleltennaskakha ta ania'a Jacobo kakpota nhan po'ok apkelialheng'a —lhna aptemak. Ka apteiapmo lhnak konne pa'at Pedro m'a, aplhengamo.

Hechos 15:13

ka apkelpeneskamo lhnak apkeleltennaikama m'a. Netamen nak na m'a apkempai'o lhnak apkeltennaikama Jacobo m'a, lhna aptemak: —Ellailho no elialheng'a asmak'akha atnek aleltennaksek kolhvave nak.

Hechos 2:14

Ka apkenmekho lhnak neten Pedro m'a kakpota nhan 11 nema alapaskamo, lhna aptemak Pedro apiennakteskamo apaivoma: —Ketlhengkap judios kakpota nhan ketlhengkap apkellavakha nak hengke'e Jerusalen, eltaqmelkaso no apkellailhemo asmak'akha nak atnehek alheianma.

Hechos 2:38

Ka apkatemmoiangka lhnak Pedro m'a, lhna aptemak: —Eliaqmongkasekha mo'ok apvalho'ok, elvatesamok apkeltemakha ngkollatsekama, elteniamok nema allavkeskama konne iemmen akieplomo apvesai'a Jesucristo. Netamen Eniapom Neten etnama ta apankek meleliehekho apkellaskamakha, kakpota ellangkok na metka akianmoma Espíritu Santo.

Hechos 4:13

Nkelpelapkeskangkek nak apkelemhama apmaniaie apkellengai'o m'a apkeleltennaikama apkelteniai'o apiempeiok Pedro kakpota nhan Juan, ngkanek apkeliamavek nak metsavhongvaiakmo apnaqtalhesaikamok ma'a kanhan enenlhet apkellomakha apankavek ma'a. Ka atlheianvekho lhnak na apvalho'ok apkellelto apkeltamesaikamok Jesús ma'a.

Hechos 4:19

Koka apkellatemmoiangka lhnak Pedro kakpota nhan Juan, lhna aptaiangkok: —¿Se lha atlheno apvalho'ok ketlhengkap aktaqmanma angelanak napaqtek Eniapom Neten? ¿Ntase ie angeleliehekho ketlhengkap, nlho ka la Eniapom Neten, he?

1 Corintios 15:7

Netamen na apvetaskesakpo Santiago kakpota nhan aplhamakho nema allapaskamo.

Galatas 1:19

Asveto lhta nhan ma'a Jacobo, Apveske lhta apialheng ma'a, ma lhtoka alvetak aplhamakha nema allapaskamo,

Galatas 2:9

Jacobo, Cefas kanhan Juan malha apkellelto nak nema alankeskama nak postes aliennakteskama malha anmaikamok ma'a Jesucristo apkennemolhema, nketlheianvakhave lhta nhan apvalho'ok asto Eniapom neten heiaikamok qaselha altaqmanma metka akianmoma heliekieskama, apkenme lhta nhan takha enmeio'ok hengelpaivesangko ko'o kanhan Bernabe, nnave lhta nhan mo'ok engelvalho'ok nemmak'akha antangkok ma'a, angetlhekmosangkok ennengko'o metnangko nak judios, koka m'a etlhekmosangkok apieseksek aknaikamo nak nema aliaqtemenkeskama nekhatko'ok apkellammelhakha.

Santiago 1:1

Ko'o Santiago asto heiasennaikama Eniapom Neten kanhan apveske Jesucristo nlhenkek evalhok apkellelto 12 apkelpasmekhak apketkak neptamen Israel, apkakhengveiakmo lhma nkek ham lhamakho apkellavakha.

2 Juan 1:1

Ko'o asto metno apketkok nlhenkek evalhok lheia akto amhama amanie kanhan atkak, Eniapom Neten apkeliekieskama lheia. Have niapak ankek askellamelaiam ketlhengka, have vanlha nhan ko'o askellamelaiam lheia, apkellamelaiakmek na ha'e aplhamakho apkellelto nhan apkeliangveiakmo akto nak have niapak anke.

Judas 1:1

Ko'o Judas, Santiago nhan apialheng ko'o, asto nhan heiasennaikama Jesucristo. Nlhenkek evalhok apkellelto apkeliekieskama Eniapom Neten aniem'o apkellamelaiam, apkellelto nhan apkeltakmelkeskama m'a Jesucristo.