Hebreos 9:24 - Nuevo Testamento Toba Maskoy

²⁴ Ma lhta etalhnengvekha Cristo pa'at akpokkenammalhka apto enenlhet apankek apkelanai'a, ngkanek apietkesammap ma'a pa'at anak hengke'e apietnemo m'a neten apto have niapak anke nak. Neten koka aptalhnengvekhak ma'a napaqtek Eniapom Neten kakpota enianak hengelleltaqmelkeskesek nengellaniemhaikama ennengko'o m'a.

Hebreos 9:24 ပူးပေါင်းရင်းမြစ်များ

Marcos 14:58

—Nenleng'a lhta ennengko'o apaivoma Jesús, apmahai'a etvaksek Eniapom Neten apnemakha nak nellanai'a lhta nengelelto enenlhet apankave nak. Netamen hanetolhema aknem alhta nhan aplhenak epenaksek apkelanekha alhnankok ma'a, metka apkelpasmoma enenlhet'avok —lhna aptaiangkok ma'a.

Marcos 16:19

Apsavhomo lhnak aktemakha apkeleltennasekama Apveske m'a, ka aknemo lhnak akiantemekho neten ma'a, apnekho nhan akiennakha apoktong Eniapom Neten.

Lucas 24:51

Neksa apkeltaqmelkeskeskama apkellangiemhaikama, apkaklheiangko lhnak tep atketsek Jesús ma'a, ka aknemo lhnak akiasekho neten.

Juan 16:28

Ka askempai'a ko'o m'a apnakha lhta Eniapom, asvai'o hengke'e nalhepop anak, ataqhok hatoka kolhvave nak apnakha m'a —lhta aptak Jesús.

Juan 6:62

¿Ko la ta etnangkok ketlhengkap apkelvet'o ta Enenlhet Apketka nak apmeiakho ta mokhom neten, he?

Hechos 3:21

Koka Jesús elhek hata mokhom ma'a neten akvakmo apeneso lhamakho qaselha alhnanko'ok Eniapom Neten, aptemo lhnak nanek aplheianma aniem'o apketlhenekho apkeleltennaskama ania'a apanko'ok apkelpokkanma.

Romanos 8:33

Mamma apketlhenammap la apkellelto nak Eniapom Neten apkeliekieskama, ngkanek Eniapom Neten apto apkeltemeskeskama apkelpeivomo m'a.

2 Corintios 5:1

Neniokha nak malha lhema la pa'at akmaskengvaiam anak. Koka aktevaselhko la m'a, neliavek koka nhan ennengko'o hengellangkok hata Eniapom Neten mo'ok neliokha m'a mankomovana nhan nkomaskengvomok akieto neten, malha nhan pa'at la m'a have kto nak apkelanai'a nak enenlhet.

Colosenses 3:2

Hai, ntasek nkolketamangko mota apvalho'ok qaselha alleniem'o nak neten, have aknaiangko nak hengke'e nalhepop anak.

Hebreos 1:3

Ka Apketka nak nenganema angvetak ma'a apmopvana kakpota nhan apientalhnemo Eniapom Neten, apnemo pankek nan ma'a, apkeliennakteskai'o nhan lhamakho qaselha aniem'o aknema akmovana apkeliatekama. Hengellalhnaskeskamo lhta nhan engvalho'ok malha akpaiseiam aniem'o nellanekamok ngkollatsekama, netamen ma'a apmeiekho nhan neten, apnekho akiennakha apoktong Eniapom Neten ma'a.

Hebreos 12:2

Ntasek antangkok malha nengammelhmo apnakha Jesús apto hengellaikamok nentaikamok mongeliaskeiam ma'a, apto nhan apsavheskeskaiakmo akvanekamok mongiaskeiam anak. Apvaskapme lhta m'a neksa akientalhnema neten iamet aktenneskama, niekhe qaselha henmankaskama m'a, koka apvaskapme lhta aniem'o nietnek akietnaikama apaqtek akpaihekha ta apvalhok apmanie, netamen koka m'a apnekho napokha akiennakha aptanema Eniapom Neten.

Hebreos 4:14

Apnek ennengko'o apiav'akha sacerdote engankok apiekai'o lhta m'a neten, apvesai'a Jesús apto nhan Eniapom Neten apketka. Ka ngkanek ma'a ntasek angetlhengkesek nentaikamok mongeliaskeiam akieplomo nenteniaikamok eniempeiok.

Hebreos 6:20

Aptalhnengvekho lhta nhan Jesús ma'a kakpota hengenmaieskeskakhak ma'a, aptemengvekho lhta nhan apiav'akha sacerdote malha aptemo lhnak nanek Melquisedec.

Hebreos 8:2

Aptemengvekho nhan sacerdote m'a apmakmongvekho nhan akieto konne malha niekhe akpaklhenammalhka nak kaselha aiempek, akpokkenammalhka nhan ma'a apkelanai'a Apveske, mok aktema koka akpaklhenammalhka kaselha aiempek anak nalhepop apkelanai'a nak enenlhet.

Hebreos 8:5

Koka sacerdotes nalhepop anak apkenmakmema mota apkenmaiangka qaselha iama apkelietkesaikamok alnemo m'a qaselha aknaiangko nak ma'a neten. Nnavek na m'a Moises annenga neksa apmahai'a epaklhenek kaselha aiempek, lhnak nanek aptemak apkanemo Eniapom Neten: «Etaqmelkaso ta apkelanai'a, eietkesamok hata aktakha lhta asvetaskeskama m'a neten nalhma akhaiam», lhna aptema.

Hebreos 9:1

Amhama amanie nkek lhnak nanek apkelpeneskama annemo mo'ok apvalho'ok apkenmahai'akha etnangkok Eniapom Neten kanhan ko israelitas, apkellaiangko lhnak nanek na henganemakha apankok kakpota etnangkok apkellasennangka la m'a akieto m'a konne akpokkenammalhka nalhepop anak

Hebreos 9:23

Ka nkeniemai'ak ma'a aimommalhko lhta mota apkennapekamok apnaqtoskama kakpota ngkotnek malha alalhnaskama ema ankok qaselha aknaiangko m'a konne, malha nhan alietkesammalhka la m'a qaselha nak ma'a neten. Koka qaselha nak aknaiangko nak neten mankavankek nkolalhnaksek ema ankok nentoskama aptekioma la'a, vanlha lhtoka aimommalhko apketsepma apto neten apankek apiaspommap anak.

Hebreos 9:9

Nkaimelhkek ennengko'o angeliangvomhok qaselha nengaikamok anak kanhan nema annapma nak nentoskama mankavanke nkalhnaskesek akiokho nkek alietnaikamok apaqto'ok enenlhet'avok ma'a. Koka kaselha nak nennapma nentoskama akietkesammalhka qaselha akvetammalhko lhta nengvanlha nak.

1 Pedro 3:22

apmeiekho lhta neten, apnekho akiennakha apoktong Eniapom Neten, aptemengvekho nhan apveske apieseksek ángeles kanhan enghangok aknema anmovanka'a, alientalhnemo nhan ma'a.

Apocalipsis 8:3

Apvo'o lhta po'ok ángel apkenengvo m'a ammelhakha alvanlhemmalhkelha qaselha, apmaikama lhta nhan apmek lhema melhma alhankok alienmomo oro, ankok koka m'a nema alvanlhema panaktema ava akmases aimes incienso. Nne lhta nhan angkongvakmo m'a nkeskama panaktema ava kakpota eniangkok Eniapom Neten takhalhet ma'a alvanlhemmalhkelha qaselha oro aiempek akieto m'a naqtek apveske aptanema. Ka akiepetkakho lhta nhan apkelelmalhnongkoma apkellelto apkelpokkenammap ma'a.