Hebreos 9:19 - Nuevo Testamento Toba Maskoy

¹⁹ Lhnak nanek na aptemak Moises aplheianmo ley allanemakha etnangkok apieseksek apkennemolhema, netamen apmamo lhnak nanek na lana apielhvasema kanhan lhema iamet aktong atkok akvesai'a hisopo, aplavkeskamo konne valde ema apankok toro apketkok kanhan ieta'ai apkenno, iemmen nema angkaiekha m'a. Netamen apkelhpakhaiangka nhan vakkahak henganemakha, kanhan apkelhpaqhaiangka takhaplhet'ok aplhamakho apkennemolhema,

Hebreos 9:19 ပူးပေါင်းရင်းမြစ်များ

Marcos 15:17

Apkel·hatsoskaseiangko lhnak aptalhnema m'a, ka apkelentalhneskasekho lhnak apvenaktema aptalhnema apaiseiam apielhvasema, apkelatkeskasekho nhan nema alhengkasekha apqatek otemmalhka akieplomo am'ok ketama Jesús ma'a.

Marcos 15:20

Nkelastenganveiakmek nak apkelvannaikama m'a, ka apkel·hatsoskeskamo lhnak apkelentalhnesekha lhkek, apkelentalhnesakho lhnak mokhom aptalhnema apanke'. Ka apkeliantemekho lhnak ma'a kakpota ngkolhek aliaqlho apmeiok, apmankok neten iamet aktenneskama.

Juan 19:2

Apkellaneiangko lhna lhta nhan apkelpelhiangkamekamok iamet aktengok atko'ok aknema am'ok soldados romanos ma'a, apkelatkeskasekho lhnak apqatek Jesús ma'a. Apkellaklasekho lhna lhta nhan apkaqlammap apvenaktema apaiseiam apielhvasema m'a,

Juan 19:5

Ka apkelto lhta ngkolhek akiantemantamo Jesús napaqtavek ma'a, nheklhe lhta akielhno apqatek nema am'ok alanemmalhka kakpota nhan apielhvasema apkaqlammap, lhta aptak Pilato apkellano enenlhet: —Ka enenlhet lhek hengke'e —lhta aptak.

Hebreos 1:1

Lhennenga lhnak nanek Eniapom Neten apkeltakhengveskekho mota apkeleltennaskamo nelieihengka'a lhamakho aktemakha aniem'o nhan apkenmaikama apkeleltennaskamo ania'a apankok kakpota etlhenek ma'a.

Hebreos 10:22

Ntasek angelteteskakhok Eniapom Neten engvalhok iokhalhmek ankek, mongeliaskamek nahan akiokho nkoie' ngkanek malha alalhnai'o engelvalho'ok, alalhnai'o nhan eniempeiok aniem'o m'a iemmen aktaqmanma nkoie.

Hebreos 10:4

Ngkanek ema apanko'ok anak toros kanhan ieta'ai apkelennava'ak mankollavankek nkol·hatsoskasangkok ngkollatsekama malha apkelpatmekama enenlhet'avok.

Hebreos 12:24

Apkelteteskekhek na ketlhengkap ma'a Jesús apto lhta hengetsantengkeskama alhnankok annemo mo'ok apvalho'ok apkenmahai'akha etnangkok. Apkenmaiangkek na takha ema apankok ma'a akto alalhnaskama engelvalho'ok ma'a, ka ema nak akteniaikama mota altakmelkeskama nellaniemhaikama, have m'a aktemo lhnak nanek ema apankok Abel.

Hebreos 9:12

Apsekho nhan ema apankok ma'a apkangkongvekho Eniapom Neten, have ema apankok anak ieta'ai kanhan vakka iama ngkelvana, ema apankok apankek koka apsekhak ma'a. ¡Hai, aptalhnengvekhek ma'a akieto konne akpokkenammalhka nke nak, hengel·hatsoskekho nhan metka aktaiekho mokhom neksa hengenmaikamo lhta mangeliamolhma, mankaimelhkak etalhnengvakhak mokhom ma'a!

Hebreos 9:13

Have niapak ma'a ema apanko'ok toro kanhan ieta'ai apkenno ngkolhek alelhpakhangka mota enenlhet alpaiseiam apvalho'ok la'a, kakpota nhan tahap ankok anak vakka atkok ngkolhek na alhpaqhangka m'a apietsekso'ok ma'a, akmovana nkoltemeskesek apkelpokkenammap kakpota nhan alalhnaskamo apiempeiok ma'a.

Hebreos 9:18

Lhnak nane ntemak ma'a apkellanekamok amhama amanie nkek annemo mo'ok apvalho'ok nak nanek apkenmahai'akha etnangkok, nkaimommalhkek nak nanek na sekhek nkoiangkenalhkak ema kakpota ngkolhek aiempek ma'a apkellanekamok apkellanemmakpelha etnangkok.

1 Pedro 1:2

Eniapom Neten apkeliekiesaikamok ketlhengkap kakpota etnangkok apkennemolhema apankavek ma'a, Espíritu lhta apkelpokkanma m'a kakpota eleliehekhok ma'a, nkolalhnaksek na ema apankok Jesucristo. Askeltavek na ko'o Eniapom Neten eiavenkasok apkeltakmelkeskeskama apkellaniemhaikama, ellangkok na altaqmelaikama apvalho'ok ketlhengkap ham.