Hebreos 9:15 - Nuevo Testamento Toba Maskoy

¹⁵ Hai, nietnek ennengko'o alhnankok annemo mo'ok engvalho'ok nemmahai'akha antangkok aniem'o Cristo. Apketsepme lhtoka m'a kakpota envanka'ak ngkolhek hengelpaqnenkasakho qaselha ngkolatsekama nellanekamo mota neksa nellaniemhaikama akietnema amanie nkek annemo mo'ok apvalho'ok lhnak nanek apkenmahai'akha etnangkok ma'a. Kolhva koka nengelelto nak nellavommalhka envanka'ak hata angetlhevangkok qaselha mankonmaskengvaiam apeneskamo lhta apaivoma hengellangkok hata m'a.

Hebreos 9:15 ပူးပေါင်းရင်းမြစ်များ

Marcos 10:17

Neksa apmahai'ak eniempekhak nak aplhengama Jesús ma'a, apketkaiakmo lhnak na apketkok apkenmangkolha ma'a, apkelteklhekvai'o lhnak aptapno'ok napaqtek ma'a, lhna aptemak apkanemo: —Hengetlhekmoskama apiamolhma, ¿ko la atneskesek avomok akiennaktemakha enneniek mangkotnengvaiam annelha, he?

Lucas 18:18

Lhema apkemhama apmanie' lhnak apaqmetkeskai'ak Jesús, lhna aptemak: —Hengetlhekmoskama apiamolhma', ¿ko la atnek ko'o kakpota ngkoitek akiennaktema enneniek mankotnengvaianlha nnelha, he? —lhna aptemak.

Lucas 22:20

Ka apkelpeneskamo lhnak aptaveikokha m'a, apmakho lhnak na mokhom nohaikok Jesús ma'a, lhnak aptemak apkellanemo: —Ka nohaikok anak vino akto ema ehenkok, nkolanak hata alhnankok annemo mo'ok apvalho'ok apkenmahai'akha ta etnangkok ma'a. Ka heng ema nak nkoiangkenalhkak hata kakpota nkoltaqmelkeskesek apkellangiemhaikama ketlhengkap.

Juan 10:28

Askellangkek na apkeliennaktema mankotnengvaianlha nnelha, meletsepek hata, mangkolhek na heleiveskesko'o m'a,

Hechos 20:32

Kolhva koka askenmalhnema Eniapom Neten eltaqmelkesek ketlhengkap elialheng'a aniem'o ania'a aktaqmanma hengamelaiam altakmelkeskeskama ta apkellaniemhaikama. Nietnek na apmopvana m'a kakpota elvanengkeskesek na apvalho'ok meliaskeiam, hata nhan ellangkok ketlhengkap ma'a aplheianmo lhta apaivoma ellangkok apkelpasmekha nhan apkelpokkanma.

Romanos 5:10

Nelammelhmakha lhta ennengko'o Eniapom Neten, nkaqhok koka hengellasekhekhave lhta apankek aniem'o lhta apketsepma Apketka. Kolhva koka hengellamelekhavek mokhom ma'a, have niapak ankek hata nha ngkotnek hengelvongkeskama tep ma'a aniem'o aktaiekha mokhom aphalhnankok Apketka.

Romanos 5:6

Mongeliennaktema lhta sekhe lhta ennengko'o, nkaqhok koka apketsepme lhta apankek Cristo henianmoma m'a.

Romanos 5:8

Koka Eniapom Neten hengelvetaskaskek akiavai'a nkek hengellamelaiam ngkanek apkapaskangkek Cristo kakpota enietsepok hengiaqmoiekha ennengko'o neksa nellanekamok ngkollatsekama.

Romanos 6:23

Nelan'o la ngkollatsekama nak, ngva'ak na nengetsepma nak. Koka Eniapom Neten na hengellangkok aliennaktema ennenio'ok mankotnengvaianlha nnelha metka akianmoma aniem'o Apveske engankok Cristo Jesús.

Romanos 8:28

Neliavek ennengko'o Eniapom Neten apkelpeneskasavek lhamakho qaselha kakpota nkoltaqmelkesek apkellangiemhaikama apkellelto nak apkellasekhai'o, Eniapom Neten apkellavekama nhan kakpota elieplavkesek na apkellanemakha la etnangkok ma'a.

Romanos 8:30

Hai', lhennenga apkeliekieskama Eniapom Neten ma'a, netamen apkellaveiangka nhan, apkeltemeskeskamo nhan apkelpeivomo, apkeltemeskeso nhan neten apankavek apkeliaspommap ma'a.

Romanos 9:24

Koka ietangvalhva nak ennengko'o niekhe m'a nengelelto judios kakpota nhan metnangko nak judios nenlhamakho nengelelto hengellavekama Eniapom Neten.

2 Corintios 3:6

Hengellangke lhta nhan Eniapom Neten nenmopvanka'a angelpaiaksek hata ania'a aktemakha alhnankok annemo mo'ok apvalho'ok apkenmahai'akha etnangkok ma'a aniem'o nhan Espíritu apto nhan hengaikamok akiennaktema enneniek, koka have aniem'o m'a ley henlheianma nak ammatong hata.

Galatas 3:20

Koka Eniapom Neten apiokho pankek apkeltennaskamo Abraham lhema apaivoma, mang nanek eniapaskama apkennengkasekama m'a.

Efesios 1:7

Apketsepme lhta Cristo akiangkenammalhko nhan ema apankok kakpota hengel·hatsoskakhak neksa hengenmaikama lhta mongeliamolhma, ka aptemeskesaiangka lhta nha apankek mongeliamolhma nak. Koka m'a apeneskamo lhnak nanek Eniapom Neten apkelanekha aptakha etnek hata aniem'o aktaqmanma nkek hengellanei'o.

2 Tesalonicenses 2:14

Apkellavekama lhta Eniapom Neten aniem'o nhan ania'a aktaqmanma neleltennaskama sekhe lhta kakpota elpasengvomok ma'a apientalhnemo apveske engankok Jesucristo.

1 Timoteo 2:5

Vanlha lhema aphapak Eniapom Neten, vanlha nhan lhema aphapak hengeliepetkaskekha Eniapom Neten, apvesai'a m'a Jesucristo aptaiekho lhta nhan enenlhet apankek ma'a,

2 Timoteo 2:10

Koka asvaskapmek neksa aslengaiangko akientalhnema kakpota nkoltaqmelek apkellangiemhaikama apkellelto nak apkeliekieskama Eniapom Neten, apkelvonkasemmap hata nhan tep, elvetak hata nhan qaselha altaqmelo m'a metka anmaskengvaiam aniem'o meliaskeiam Cristo Jesús.

Tito 1:2

alel·halhanma apvalho'ok na etlhevangkok hata aliennaktema apnenio'ok mankotnengvaianlha nnelha, apeneskamo lhnak nanek aplheianma ellangkok hata Eniapom Neten ma'a, tep nak nanek ampai'osekha nkek aknem aklhengama aplheianma ellangkok ma'a.

Tito 3:7

hengeltemeskeskamo lhta nhan nengelpeivomo aniem'o aktaqmanma nke nak hengellanei'o. Kolhva nnankek alel·halhnekama engelvalho'ok angetlhevangkok hata aliennaktema ennenio'ok nkotnengvaianlha nnelha m'a.

Hebreos 10:34

Apkelietnai'ave lhta nhan napaqta'a aplhatmommap la'a, nkelpaihekhe lhta nhan apvalho'ok neksa nemo al·hatsoskeskama qaselha apanko'ok ngkanek apkeliavek ketlhengkap nnaiangkek qaselha apanko'o metka akmaskengvaiam ma'a neten.

Hebreos 10:36

Elel·halhen hata metka apkelpekheskama ellanangko mota nhan apkellanemakha etnangkok Eniapom Neten, netamen etlhevangkok hata qaselha apeneskamo lhta aplheianma ellangkok hata m'a.

Hebreos 11:13

Apsavhommakpavek nak nanek apkeletsepma nelieihengka'a metlhevaiangkok na qaselha apeneskamo lhnak nanek apaivoma Eniapom Neten ellangkok hata m'a. Koka apkeliamavek nak nanoka nkovak hata m'a, malha koka ntemak apkelvetai'a mokhek ankek ma'a. Apketlhenammakpo lhnak nanek na apankavek malha amaika'a aptaikamok nkotnakha apkellavakha takhalhet lhepop anak ma'a.

Hebreos 12:24

Apkelteteskekhek na ketlhengkap ma'a Jesús apto lhta hengetsantengkeskama alhnankok annemo mo'ok apvalho'ok apkenmahai'akha etnangkok. Apkenmaiangkek na takha ema apankok ma'a akto alalhnaskama engelvalho'ok ma'a, ka ema nak akteniaikama mota altakmelkeskama nellaniemhaikama, have m'a aktemo lhnak nanek ema apankok Abel.

Hebreos 13:20

Eniapom Neten apto aktaqmelaikama envalhok aniapom, apto lhta nhan aplhatekhaskeiam apieseksek apkenmaskengvaiakmo apveske engankok Jesucristo, apto aptaqmanma apkellanekama nepkesek, aniem'o ema apankok aiangko nhan ma'a akiennaktema annemo mo'ok anak apvalho'ok apkenmahai'akha ta etnangkok ma'a mangkotnengvaiam annelha.

Hebreos 2:14

Ka Eniapom Neten apketkak anak enenlhet apankavek ma'a, nietnek aphapetek kanhan ema apanko'ok ka nkeniemai'ak na aptaiekho lhta enenlhet apankek Jesús ma'a, ka apketsepmo nhan ma'a, aptemeskesekho lhta nhan koneng aveske netsepma akvesai'a nak aveske keliaqhameio'.

Hebreos 3:1

Ketlhengkap elialheng'a, apkelpokkanma, apkellavekama lhta nhan Eniapom Neten, ka nkeniemai'ak ntasek nkolietnama apaqto'ok amota aptemakha lhta Cristo Jesús. Netlheianmo na mota ennengko'o apto apkapaskama Eniapom Neten kakpota nhan apto apiav'akha sacerdote m'a.

Hebreos 6:13

Neksa apkaikamok lhnak nanek lhema apaivoma Eniapom Neten ellangkok hata Abraham ma'a, aptemeskesammakpo nhan apanke juramento apvesai'a apankek ma'a aptemo lhnak na have niapak, ngkanek mamma nhan apno apientalhnemo m'a,

Hebreos 6:15

Mang nak nanek epekheskamak Abraham apkelailhemo apkeltennaskamo lhnak nanek apaivoma Eniapom Neten ellangkok hata, netamen lhnak nanek aplhevai'o lhamakho qaselha m'a.

Hebreos 7:22

Hai, koka alhnankok annemo mo'ok engelvalho'ok anak nemmahai'akha antangkok akto neten ankek aktaqmanma aniem'o m'a Jesús, mangkolhnok ma'a amanie lhnak nanek annemo mo'ok apvalho'ok lhna nanek.

Hebreos 8:13

Hai, aplheianme lhta Eniapom Neten elanak hata alhnankok annemo mo'ok apvalho'ok apkenmahai'akha etnangkok, akvaneiam koka ntemak ma'a lhennenga annemo mo'ok apvalho'ok lhnak nanek, koka akvaneiam anak ketsek nkaimelhkak aksepanengvaianlha m'a.

Hebreos 9:12

Apsekho nhan ema apankok ma'a apkangkongvekho Eniapom Neten, have ema apankok anak ieta'ai kanhan vakka iama ngkelvana, ema apankok apankek koka apsekhak ma'a. ¡Hai, aptalhnengvekhek ma'a akieto konne akpokkenammalhka nke nak, hengel·hatsoskekho nhan metka aktaiekho mokhom neksa hengenmaikamo lhta mangeliamolhma, mankaimelhkak etalhnengvakhak mokhom ma'a!

Hebreos 9:16

Nnavek na m'a vakkahak anak aptalheskama apkelanai'a apiapom aktemakha apkelhpankesek hata qaselha apanko'ok apketkak apketsepo ta m'a, koka nkaimelhkak amanie enietsepok kakpota ngkolhek aiempek ma'a vakkahak anak, koka aplava la mokhom, mankolhek na aiempek ma'a.

Hebreos 9:28

Nnavek na Cristo m'a, lhema aktema apkaiangko pankek apmatnama kakpota el·hatsoskasangkok apkellanekamok ngkollatsekama aplhamakma enenlhet'avok. Netamen ma'a evatak hata mokhom have apmahai'a elaneskasekhak apvalho'ok enenlhet'avok apkellanekamok ngkollatsekama, vanlha koka apmahai'a elvongkeskatak tep ma'a apkellelto la mota apkelel·halhanma.

Santiago 1:12

Aktaqmelakho nkek enenlhet meliehekho la akiatekamok akiaspongkomakha apvalhok ngkolatsekama. Apvaskapo la nhan, elhkak hata akianmoma apnaksepma akiennaktema apkaniemhaikama apkelpeneskeskamo lhta apaivoma Eniapom Neten ellangkok hata m'a apkellelto la apkellasekhai'o.

1 Pedro 3:18

Ka ktemo lhta nhan Cristo aplengaiangko aniem'o nellanekamok ngkollatsekama, apmesemmakpo lhta apankek ma'a lhema aktema nhan ma'a, mankaimelhkak mokhom enietsepok ma'a. Mamma lhta niekhe nhan aptemengveiakmo la lhma Cristo, koka aplengaiangke lhta m'a aniem'o hengelpasmoma nengelelto nak nellanekamok ngkollatsekama, apmahai'a nhan henlaqlakhak napaqtek Eniapom Neten ma'a. Apketsepme lhta nhan aptemo nak enenlhet enietsepok hengke'e, koka netamen nnengke lhta aklhatekhaskeiakmo m'a, ka aniemhaiangka lhta nhan apiempek ma'a.

1 Pedro 5:10

Koka apkelvaskapo la akiakvatakho nkek apkellengaiangko akientalhnema, eltemeskesek hata nhan apkelpeivomo Eniapom neten ma'a, eliennakteksek hata nhan, elteniaskesek hata nhan apiempeiok, ellangkok hata nhan apkeliangveiakmo aktemakha apkelvetai'a. Hai, etnek hata Eniapom Neten ma'a ngkanek avanhek apkellamelaiam ketlhengkap ma'a, apkeliekieskek na kakpota elpasengvomok aktakmelakha nkek nkotnengvaiam annelha apkelpasmekha Jesucristo.

1 Juan 2:25

nkolhnangkok hata nhan aliennaktema apnenio'ok mankotnengvaianlha nnelha apeneskamo lhta aplheianma apkeleltennasekamok.

Apocalipsis 5:9

Ka apkennekmasengko lhta nhan lhema nennekmaskama alhnankok ma'a, lhta ntemak: —Vanlha lheiap apto akietemo nkek emok, emaiesekhak na nema aliepetkeskama vakkahak anak ngkanek apmatnangke lhta lheiap, apianmongkeskekho lhta ema apankok kakpota hengel·hatsoskakhak neksa hengenmaikama mongeliamolhma, henlaqlekho lhta nhan ma'a napaqtek Eniapom Neten nenlhamakho ennengko'o kakpota nhan apkakhangko natemma lhmankek ham, aknema apkelpasmekhak apketkak kanhan lhamakho aktemakha apkelpaqmeiasma.