Hebreos 9:14 - Nuevo Testamento Toba Maskoy

¹⁴ Koka akto neten ankek ma'a ema apankok anak Cristo, avanke nkollalhnaksek alietnaikama apaqto'ok qaselha ngkollatsekama apkellanekamok, akmahai'o lhta mota nkolaqlakhak akietemelha nengetsepmakha m'a. Hai, apmesemmakpe lhta panke Cristo aniem'o Espíritu metnenvaiam annelha, malha aktemo lhta aktekioma nennaqtoskama metka nhan apiakteikama la'a kakpota hengeltemeskesek nellasennaikama Eniapom Neten apto mangkotnengvaiam annelha apkaniemhaikama.

Hebreos 9:14 ပူးပေါင်းရင်းမြစ်များ

Lucas 1:74

hengel·hatsoskakhak na lhta nhan neksa nema hengellammelhma kakpota envanka'ak hata hengellasennama metka nengellai'a m'a.

Lucas 12:24

Ellanho no mama', mamma apnaklhekamok akielhna apkenaikamok, mamma nhan apnengkanvekhelha la'a akielhna apanko'ok, Eniapom Neten koka apkellaiangke mota aptekamok ma'a. Tep ankek hato ka ellangkok qaselha Eniapom Neten ketlhengkap, ngkanek tep ankek apkellelto apkeliaspommap, metlhok mama'.

Lucas 12:28

Eniapom Neten apkellaikamok elhnemok anak malha apkeltakmanma alentalhnema, vanlha koka akiakvatakho allenteiapma m'a kakpota ngkolhek alvanlhakho m'a. Tep ankek hato ka ngkotnek ketlhengkap apkellaikamok Eniapom Neten apkelentalhnema ietamopai'a. ¡Mokhom koka apkeliaskeiam Eniapom Neten ketlhengkap!

Lucas 4:18

«Espíritu apankok Apveske apnak tekhelhet ko'o, apiangkenkek aceite ankok epatek ko'o heliekieskama kakpota atsavkesek ma'a ania'a aktaqmanma metka nak apkeletsekama. Heiapaskek na kakpota altaqmelkeskamok apkellelto nak aknaqtevasekha nkek apvalho'ok. Kanhan aleltennaksek ania'a aktemakha nema alpaqnemekha apkellelto nak apkenmammap, altaqmelkasekhak na metka nak apaqto'ok, al·hatsoskakhak na apkellengaiangko nak akientalhnema.

Juan 3:34

Apto apkapaskama Eniapom Neten aplhengke mota aptakha apaivoma m'a, ngkanek apkankek na aplanei'o apvalhok Espíritu m'a.

Hechos 1:2

akvakmo m'a aknem aknemo akiantemekho lhnak neten. Koka amanie lhnak ma'a apkellaiangko lhema apaivoma apkellanemakha etnangkok aniem'o Espíritu Santo apkellelto lhnak ma'a apkelikieskama apkelapaskamo apankok.

Hechos 10:38

Ka aptemo lhta malha apiangkanma Eniapom Neten takhaplhet Jesús ko Nazaret Espíritu Santo m'a kanhan apmopvana. Apto lhta nhan apkeltakmelkeskaiam apkellelto anmaikama aveske keliaqhameio', apkelanei'o lhta nhan aktaqmanma aniem'o aplhelhma mota Eniapom Neten.

Hechos 14:15

—¡Metnamok ham! Have ennengko'o dioses, enenlhet apankavek ennengko'o ka akto nak ketlhengkap. Vanlha nelva'ak lhek ennengko'o nenmak'o angetlhekmosangkok ania'a aktaqmanma ketlhengkap kakpota elvatesangkok apkeltemakha ngkolatsekama. Elpengkangvomok na apvalho'ok akieto m'a Eniapom Neten apto menietsepma, apto nhan apkelanai'a neten, nalhepop, alvata kakpota nhan qaselha aknaiangko m'a.

Hechos 15:9

Nennavek ennengko'o m'a metnangko nak judios anak, apkellalhnaskaskek apvalho'ok Eniapom Neten ma'a apkellelto nak meliaskeiam, nnavek na ennengko'o m'a.

Romanos 1:20

Mongapvankek koka angvetak Eniapom Neten kakpota nhan apmopvana nkotnengvaianlha nnelha, koka neksa alketamekama la apvalho'ok enenlhet aktemakha lhamakho qaselha apkelentepkeskama lhta m'a aniem'o apkelvetai'a, nkolpeivesekha apvalho'ok apnema have niapak ankek Eniapom Neten. Mankollapvankek na etlhenek meliamo Eniapom Neten,

Romanos 11:12

Ka kno la altakmelkeskaso apkellangiemhaikama metnangko judios anak aniem'o meleliehekho judios kakpota nhan apalleiam, tep ankek hata ngkotnek altakmanma apkellangiemhaikama metnangko judios akvo'o ta aknem Eniapom Neten apkenmekho takha m'a judios.

Romanos 11:24

Ketlhengkap apkellelto nak metnangko nak judios, malha lhta aktengok olivo aniem'o nalhma, Eniapom Neten alhta apkeliaqtemanvakmok ma'a, apkeliepetkeskaktamo iamet olivo anammalhka nak natemma aniem'o lhta nhan apmopvana. Apvanke pankek hata nhan eliepetkeskakhak mokhom aktengok alanmakha lhta lhennenga, iamet olivo anammalhka natemma.

Romanos 6:13

Mellankehek na mokhom apkeliokha nak nkollaneskasangkok ngkollatsekama, ngkanek malha apkeletsepmo lhemek Cristo, mmaskek na anmangka maniamolhma nak. Kolhva koka nnangkok ketlhengkap alhnankok apkellangiemhaikama, ntasek ellangkok apkeliokha m'a Eniapom Neten kakpota nkoliennak apiempeiok ellanangkok qaselha altaqmelo.

Romanos 6:22

Kolhva koka nnengkek alpaqnengkasekho neksa anmaikama ketlhengkap ngkollatsekama nak, aptangkokhek apkellasennaikama Eniapom Neten, apvanka'ak na elentepkeskesek elvanengkesek qaselha altaqmelo, kakpota nkolhnangkok na aliennaktema apnenio'ok nkotnengvaianlha nnelha.

1 Corintios 15:45

Ka aktemo nak na aktalhesammalhka vakkahak Eniapom Neten apaivoma: «Nnengkek nak aiangko akiennaktema apkaniemhaikama apmanie pankek enenlhet apteiapma apvesai'a Adan». Koka malha alhaiek ankek apkemhaiam malha Adan koka apto apvanmongkoma hengaikamok neniennaktema.

2 Corintios 5:21

Metka nkek apkelanai'a qaselha ngkolatsekama Cristo, nkakhemavek koka m'a apatengkasekhek Eniapom Neten ngkollatsekama nellanekamok ennengko'o, apteskasekho malha ngkolatsekama apankok la m'a kakpota hengeltemeskesek nengelpeivomo napaqtek ma'a.

2 Corintios 6:16

Mangkavanke nkolhnangkok qaselha akiokha la alanemmalhka akieto Eniapom Neten apnemakha, ketlhengkap na malha pa'at apnemakha Eniapom Neten apto memaskengvaiam. Lhnak nanek aptemak Eniapom Neten: «Aloka ta, aiaihama ta nhan apieseksek ma'a, ko'o ta atnek Apveske pankok, etnangkok hata nhan askennemolhema».

Galatas 2:19

Asielhanmekama lhta mota ley ko'o, kolhva koka askelvateskangkek ma'a, malha asketsepma astemak, kolhva koka neksa askaniemhaikama asielhanmekama m'a Eniapom Neten, malha niekhe nhan askelhnammalhko la lhemek neten iamet aktenneskama Cristo,

Efesios 2:5

Niekhe lhta malha nengeletsepma' aniem'o nellanekamok ngkollatsekama, hengellaiangkek koka nentaikamok enhalhnanko'ok ka aptemo lhta nhan apkelanei'o Cristo. Hengelvongkeskangkek na tep Eniapom Neten aniem'o aktaqmanma nkek hengellanei'o.

Efesios 5:2

Ellasekho nhan po'ok ka aptemakha nak Cristo hengellasekhai'avek ennengko'o, apkaiangkave panke lhta nhan kakpota hengeltaqmelkeskesek nellaniemhaikama m'a, malha aptemak ma'a qaselha nengaikamok anak Eniapom Neten, kanhan malha nentoskama nak akvanlhemmalhka aktapeiam anak aimes akleklemelha apvalhok Eniapom Neten.

1 Tesalonicenses 1:9

Apketlheianma apankavek na lhta nhan ketlhengkap ma'a hengenmaiangko takha aktaqmanma neksa nelvaiam alhta ham, ka apkelieniekho lhna lhta nhan qaselha akiokha la alanemmalhka, apkelelpengkaiakmo lhna lhta nhan apvalho'ok akieto apnakha Eniapom Neten apto menietsepma, apto nhan have niapak anke niapom ma'a. Ka apkelempai'akha lhna lhta nhan apkellasennaikama Eniapom Neten ma'a,

1 Timoteo 1:17

¡Ntasek angeltakneskasangkok, angellaho mota metka akvaiam annelha aliekaikamok iantelhkapa Eniapom Neten apto Apveske mangkotnengvaiam annelha, menietsepma nhan, mammopvana nhan angveta', vanlha nhan lhema aphapak Eniapom Neten! Amen.

Tito 2:14

apkaiangkave lhta nhan apmatnamo m'a kakpota hengel·hatsoskakhak ennengko'o neksa hengenmaikama mangeliamolhma, hengellalhneskeskamo nhan engelvalho'ok ma'a, hengeltemeskeskamo nhan apkennemolhema apanke', anteniangko angellanangkok aktaqmanma.

Hebreos 1:3

Ka Apketka nak nenganema angvetak ma'a apmopvana kakpota nhan apientalhnemo Eniapom Neten, apnemo pankek nan ma'a, apkeliennakteskai'o nhan lhamakho qaselha aniem'o aknema akmovana apkeliatekama. Hengellalhnaskeskamo lhta nhan engvalho'ok malha akpaiseiam aniem'o nellanekamok ngkollatsekama, netamen ma'a apmeiekho nhan neten, apnekho akiennakha apoktong Eniapom Neten ma'a.

Hebreos 10:10

Hai, apmahai'a etnek hengelpokkanma Eniapom Neten kakpota antangkok apkennemolhema m'a aniem'o Jesucristo apkaiangko lhta apankek apiokha kakpota ematong lhema aktema koka m'a.

Hebreos 10:12

Cristo koka apkaiangko panke apiokhoho lhema aktema koka kakpota ematong ma'a, malha qaselha nengaikamok anak kakpota el·hatsoskasangkok na ngkollatsekama malha apkelpatmekama m'a enenlhet'avok lhmankek ham. Netamen apnekho nhan ma'a akieto akiennakha apoktong Eniapom Neten,

Hebreos 10:2

Lhta avanko la niekhe ley nkalhnasekhak apvalho'ok enenlhet'avok malha alpaiseiam aniem'o apkellanekamok ngkollatsekama, nkomaskeskamo nlho lhta nhan atlhenaikama apvalho'ok apkellelto apketselhnanemmap, elvatesangkok na apkellaikamok apnaqtoskama apkennapekamok Eniapom Neten.

Hebreos 10:22

Ntasek angelteteskakhok Eniapom Neten engvalhok iokhalhmek ankek, mongeliaskamek nahan akiokho nkoie' ngkanek malha alalhnai'o engelvalho'ok, alalhnai'o nhan eniempeiok aniem'o m'a iemmen aktaqmanma nkoie.

Hebreos 11:21

Mang nak nanek na ei'askeiakmok Jacob, lhna nkeniemai'ak apkellaiangko nhan apaivoma aktaqmanma moklhem'a apketkak ma'a José, netamen na apiavenkaskesaiangka lhnak nanek na apvesai'a Eniapom Neten akpasmomo nhan apkenenaikamok apkenmekho neten, nkanketmek nak asongke apketsepmakha m'a.

Hebreos 13:12

Nnavek na m'a Jesús apmatengvekhek nepiava' apiav'akha temma kakpota etneskasangkok enenlhet'avok apkelpokkanma Eniapom Neten aniem'o ema apankok ma'a.

Hebreos 3:12

¡Ellaho ta elialheng'a! Metnamo nkek na ngkollatsekama apvalho'ok nkeltemeskaskek na apkeliaskeiam ma'a kakpota nkolienieskasekhak na Eniapom Neten apto mangkotnengvaiam annelha apkaniemhaikama.

Hebreos 6:1

Angetlhengkesek nenvanengkeskama mongeliaskeiam akvakmo akto neltokho malha neliav'o. Envanka'a nlho lhta niekhe angelieplavkesek amanie lhta nema hengetlhekmosekamok aptemakha Cristo, nkaimelhkek mota niekhe mongeltaqhengveskakhek ampai'akhasekha lhta nema hengetlhekmoskama aktemakha nelieniekha mongeliamolhma henlaqlekho lhta m'a akieto nengetsepmakha, aktemakha nhan mongiaskeiam Eniapom Neten.

Hebreos 7:16

Ka sacerdote aphalhnankok anak have apkeniem'akha m'a nema atavana'ak anak aklheianmo na mota ley, koka aptemengvai'ak sacerdote aniem'o akietnema apmopvana, mammopvana nhan antevasekha.

Hebreos 7:27

Ka aplhamakho apkeliav'akha sacerdotes nak nkaimelhkek eniaqhek nentoskama lhamakho aknem kakpota eniangkongvakhak Eniapom Neten akiaqmoiekha ngkollatsekama aptaiangkelha. Netamen ma'a apvanka'ak ellangkok na akiaqmoiekha ngkollatsekama aptaiangkolha apkennemolhema. Koka mo'ok aktemakha m'a Jesús, mankaimommalhkak eniangko mota nentoskama nengaqhema lhamakho aknem, ngkanek apkaiangkave lhta apmatnamo m'a malha nentoskama apmatnama la, lhema aktema koka m'a mankaimelhkak enietsepok mokhom.

Hebreos 9:12

Apsekho nhan ema apankok ma'a apkangkongvekho Eniapom Neten, have ema apankok anak ieta'ai kanhan vakka iama ngkelvana, ema apankok apankek koka apsekhak ma'a. ¡Hai, aptalhnengvekhek ma'a akieto konne akpokkenammalhka nke nak, hengel·hatsoskekho nhan metka aktaiekho mokhom neksa hengenmaikamo lhta mangeliamolhma, mankaimelhkak etalhnengvakhak mokhom ma'a!

Hebreos 9:26

Lhta apto la Cristo malha apveske sacerdote, lhamakho anio lhta nha ngkotnek aplengaiangko akientalhnema nkompa lhta m'a alanemmalhko sekha lhmankek ham nkovomo lhta nhan nenvanlha nak. Koka apkaiangkavek apmesemmakpo apankek apmatnama nenvanlha nak nkanketvakmek aktemongvanlha nnelha aknem, kakpota hengel·hatsoskesek ngkollatsekama nellanekamok.

Hebreos 9:7

Koka mo'ok av'alhok pa'at lhnak nanek ma'a vanlha lhna mota aptalhnengvekhelha apiav'akha sacerdote lhema aptalhnengvekha lhnak lhema iantelhkapa nhan, metka apiekaskama lhnak apsekha ema m'a kakpota engkesek aniem'o meihamolhma apankek ma'a. Netamen na engkesek aniem'o meliamolhma apkennemolhema neksa meliamo koka apkellanekamok ngkollatsekama.

Hebreos 9:9

Nkaimelhkek ennengko'o angeliangvomhok qaselha nengaikamok anak kanhan nema annapma nak nentoskama mankavanke nkalhnaskesek akiokho nkek alietnaikamok apaqto'ok enenlhet'avok ma'a. Koka kaselha nak nennapma nentoskama akietkesammalhka qaselha akvetammalhko lhta nengvanlha nak.

1 Pedro 1:19

koka apianmongkeskamak ma'a ema apankok aknema akmovana Cristo, nemo lhta angkongvaiakmo kakpota ematong malha aktemo nak nepkesek apketkok la'a metka nkek apiaqteikamaha.

1 Pedro 2:22

Mamma lhta aptemengveiakmo lhma Cristo, mamma nhan apiennengkeskama la po'ok.

1 Pedro 2:24

Apatmekhe lhta nhan ngkollatsekama nellanekamok akieplomo apiepetkasemmap neten iamet aktenneskama kakpota angelvatesangkok nellanekamok ngkollatsekama, netamen ma'a envanka'ak angellanangkok qaselha akpeivomo. Hengeltemeskasekho lhta nhan enhalhnanko'ok aniem'o lhta apiensema Cristo.

1 Pedro 3:18

Ka ktemo lhta nhan Cristo aplengaiangko aniem'o nellanekamok ngkollatsekama, apmesemmakpo lhta apankek ma'a lhema aktema nhan ma'a, mankaimelhkak mokhom enietsepok ma'a. Mamma lhta niekhe nhan aptemengveiakmo la lhma Cristo, koka aplengaiangke lhta m'a aniem'o hengelpasmoma nengelelto nak nellanekamok ngkollatsekama, apmahai'a nhan henlaqlakhak napaqtek Eniapom Neten ma'a. Apketsepme lhta nhan aptemo nak enenlhet enietsepok hengke'e, koka netamen nnengke lhta aklhatekhaskeiakmo m'a, ka aniemhaiangka lhta nhan apiempek ma'a.

1 Pedro 4:2

kakpota nhan akiaspongkomakha la apvalhok, apvankek na elana mota qaselha akleklemelha la apvalhok Eniapom Neten.

1 Juan 1:7

Koka nellava la atsak'elha lhma ennengko'o, malha aptonak Eniapom Neten apnek nhan atsak'elha lhma m'a, nentangkek nelpasmekha engankavek nenieseksa ennengko'o m'a, kanhan apketka Jesucristo ema apankok alalhnaskama engelvalho'ok malha alpaiseiam aniem'o qaselha ngkollatsekama nellanekamok.

1 Juan 3:5

Apkeliavek ketlhengkap Jesucristo apvai'o lhta hengke'e kakpota hengel·hatsoskasangkok ngkollatsekama malha nelpatmekama ennengko'o, kanhan mamma nke lhta apkelanai'a la ngkollatsekama m'a.

Apocalipsis 1:5

Aniem'o nhan ma'a Jesucristo apto apvetaiangko panke, aplhenekho mota nhan akto have niapak ankek, apto lhta nhan aplhatekhangveiam apmanie apieseksek apkenmaskengvaiakmo, aptemo nhan takhaplhet'ok ma'a apkelveskaie lhmankek ham. Avanhek ankek hengellamelaiam Jesucristo, malha hengellalhnaskeskama lhta nhan engelvalho'ok malha alpaiseiam aniem'o nellanekamok ngkollatsekama, aniem'o lhta nhan akiangkenammalhka ema apankok ma'a.