Hebreos 9:13 - Nuevo Testamento Toba Maskoy

¹³ Have niapak ma'a ema apanko'ok toro kanhan ieta'ai apkenno ngkolhek alelhpakhangka mota enenlhet alpaiseiam apvalho'ok la'a, kakpota nhan tahap ankok anak vakka atkok ngkolhek na alhpaqhangka m'a apietsekso'ok ma'a, akmovana nkoltemeskesek apkelpokkenammap kakpota nhan alalhnaskamo apiempeiok ma'a.

Hebreos 9:13 ပူးပေါင်းရင်းမြစ်များ

Hechos 15:9

Nennavek ennengko'o m'a metnangko nak judios anak, apkellalhnaskaskek apvalho'ok Eniapom Neten ma'a apkellelto nak meliaskeiam, nnavek na ennengko'o m'a.

Hebreos 10:29

Tep ankek hata ngkotnek akietemo nkek nema akiaqmongkasekha aptemakha enenlhet apto la aptaqnongkoma Espíritu hengamelaiam aniapom, apto la nhan apvannaikama Eniapom Neten apketka, aptaqnongkoma nhan ema apanko lhta apiangkenammalhka kakpota nkotneskesek apokkenammap ma'a. Ka ema apanko lhta akiangkenammalhka kakpota ngkovomok ma'a annemo mo'ok apvalho'ok apkenmahai'akha ta etnangkok ma'a Eniapom Neten kanhan enenlhet'avok.

Hebreos 10:4

Ngkanek ema apanko'ok anak toros kanhan ieta'ai apkelennava'ak mankollavankek nkol·hatsoskasangkok ngkollatsekama malha apkelpatmekama enenlhet'avok.

Hebreos 9:19

Lhnak nanek na aptemak Moises aplheianmo ley allanemakha etnangkok apieseksek apkennemolhema, netamen apmamo lhnak nanek na lana apielhvasema kanhan lhema iamet aktong atkok akvesai'a hisopo, aplavkeskamo konne valde ema apankok toro apketkok kanhan ieta'ai apkenno, iemmen nema angkaiekha m'a. Netamen apkelhpakhaiangka nhan vakkahak henganemakha, kanhan apkelhpaqhaiangka takhaplhet'ok aplhamakho apkennemolhema,

1 Pedro 1:22

Kolhva koka ketlhengkap malha alalhnai'o apvalho'ok aniem'o apkeleliehekho ania'a akto have niapak anke, apvanka'ak na ellasekhok apkelialheng'a iokhalhmek ankek. Hai, ellasekhakpo mota apankavek ketlhengkap