Hebreos 9:10 - Nuevo Testamento Toba Maskoy

¹⁰ Hai, koka lhamakho henganemakha ankok anak ma'a aktemakha hengaskama anto'ok lhema qaselha la'a, kanhan neniama, nelienieskama qaselha la'a, akteniai'a lhna lhtoka niekhe alalhnasekha la engvalho'ok ma'a, koka akietkesammalhka niekhe m'a. Nkovak hato ka aktemongvaiam annelha m'a, ngkolhek hata akiaqmongkasakho mo'ok akto aktaqmanma nkoie.

Hebreos 9:10 ပူးပေါင်းရင်းမြစ်များ

Marcos 7:4

Lhnak apkeleniakto la kelhakhama aptoma, apkelienieseiangkek nak na sekhek aptekamok kakpota nhan el·hatsosekha av'alho'ok nohaikok, aphak kakpota nhan apkeltanema, lhna ntemak apkeltemakha m'a.

Galatas 4:9

koka kolhvave nak apkeliavek aptemakha m'a aniem'o apmahai'a apanke lhta etnek apkeliekpelkemo napaqtavek ketlhengkap ma'a. ¿Se lha ntemak na ketlhengkap apkeleliehekho nak mokhom qaselha neniava nak mangkoliennaktema, metka akmovana nhan, he? ¿Se lha ntemak na apkenmahai'o nak mokhom etnangkok allasennaikama ankok nema apkelianmoma, he?

Efesios 1:10

Apeneskamo lhnak nanek apkelanekha aptakha, nkovak hata aknem akietemo nkek aplheianmakha aptemeskeskama apveske Jesús halhma nkek ham neten kakpota nhan nalhepop anak.

Efesios 2:15

Apmaskeskakme lhta nhan henganemakha ankok anak ley, hanet apkellavakha lhta niekhe, aptemeskasakhe lhtoka malha lhema apkellavakha alhnankok apkelpasmekha nhan ma'a Cristo. Apsoiakmo lhta nhan altaqmelaikama apvalho'ok apieseksek anak ma'a.

Colosenses 2:16

Ka nkeniemai'ak na mellammelhek mokhom ketlhengkap apkeliematkesangka la enenlhet'avok aniem'o aptekamok, apienaikamok, melpalhakvaiam na ktaqmelaikama lhma la apanko'ok, kakpota nhan pelten aphalhnankok la'a, aknem sabado nennekhelha nhan.

Hebreos 10:22

Ntasek angelteteskakhok Eniapom Neten engvalhok iokhalhmek ankek, mongeliaskamek nahan akiokho nkoie' ngkanek malha alalhnai'o engelvalho'ok, alalhnai'o nhan eniempeiok aniem'o m'a iemmen aktaqmanma nkoie.

Hebreos 13:9

Ka ngkanek na ntasek ketlhengkap meliaqmongkasekhek mo'ok aktemakha hengetlhekmoskama la'a, ngkanek lhamakho henganemakha nak alleskama mota etavangkok lhamakho nentoma la'a ketlhengkap man koka nkoliennakteskasak apvalho'ok ketlhengkap ma'a. Vanlha koka m'a nengamelaiam anak aniem'o m'a Eniapom Neten avankek nkoliennakteskesek apvalho'ok ma'a.

Hebreos 2:5

Meltemok Eniapom Neten etnangkok hata apkelientalhnemo ángeles ma'a alhnankok nengavakha ta,

Hebreos 6:2

Mankaimelhkak ketlhengkap ma'a ngkolhek altaqhengveskeskakho nema atlhekmosekamo lhta ampakhasekha nke lhta aktemakha m'a nema henlavkeskama nak konne iemmen ankok, aktemakha nak apkakhesekamok apmeio'ok apietsekso'ok apkellelto Jesucristo apkennemolhema, aktemakha nhan nema apnaqlhatekhaskeiam apkenmaskengvaiakmo, aktemakha nhan nema ta aliekpelkemo emanie nak.

Hebreos 6:5

Apkeliepkonme lhta nhan Eniapom Neten apaivoma aktaqmanma nak, apkeliepkonme lhta nhan akmovana nak ngkotnek hata akmakmekama emanie nak mo'ok nengavakha ta.

Hebreos 7:12

Apkaimekpo la apiaqmoiekha po'ok sacerdote, nkaimelhkek na nkoiaqmekhak mo'ok ley.

Hebreos 7:16

Ka sacerdote aphalhnankok anak have apkeniem'akha m'a nema atavana'ak anak aklheianmo na mota ley, koka aptemengvai'ak sacerdote aniem'o akietnema apmopvana, mammopvana nhan antevasekha.

Hebreos 9:1

Amhama amanie nkek lhnak nanek apkelpeneskama annemo mo'ok apvalho'ok apkenmahai'akha etnangkok Eniapom Neten kanhan ko israelitas, apkellaiangko lhnak nanek na henganemakha apankok kakpota etnangkok apkellasennangka la m'a akieto m'a konne akpokkenammalhka nalhepop anak