Hebreos 8:2 - Nuevo Testamento Toba Maskoy

² Aptemengvekho nhan sacerdote m'a apmakmongvekho nhan akieto konne malha niekhe akpaklhenammalhka nak kaselha aiempek, akpokkenammalhka nhan ma'a apkelanai'a Apveske, mok aktema koka akpaklhenammalhka kaselha aiempek anak nalhepop apkelanai'a nak enenlhet.

Hebreos 8:2 ပူးပေါင်းရင်းမြစ်များ

Lucas 24:44

Netamen nak Jesús ma'a lhna aptemak apkellanemo mokhom: —Aktakha nak asvetammalhka ko'o, askeleltennaskangke lhta mota ketlhengkap, ntemengkek askaniemhaikama aklheianmo lhnak nanek ley Moises, apkeleltennasemmap ania'a annenga kakpota nhan vakkahak Salmo hetlheianma ko'o —lhna aptemak Jesús.

Romanos 15:8

Asmak'ak aleltennaksek ketlhengkap lhema qaselha, apvai'a lhta Cristo kakpota etnek apkellasennaikama apkellelto nak apkelieplavkeskama aliaqtemenammalhka nekhatko'ok apkellammelhakha. Apieplavkeskamo nhan aptemakha lhnak nanek apeneskamo apaivoma Eniapom Neten aplheianma apkeleltennaskamo nelieihengka'a kakpota elvetaskesek na iokhalhmek ankek aplheianmo lhnak nanek Eniapom Neten.

2 Corintios 5:1

Neniokha nak malha lhema la pa'at akmaskengvaiam anak. Koka aktevaselhko la m'a, neliavek koka nhan ennengko'o hengellangkok hata Eniapom Neten mo'ok neliokha m'a mankomovana nhan nkomaskengvomok akieto neten, malha nhan pa'at la m'a have kto nak apkelanai'a nak enenlhet.

Colosenses 2:11

Neksa apkelpasmekha Cristo ketlhengkap, Eniapom Neten malha apkeliaqtemenkasekamok nekha tkok apiempeiok meliamolhma aniem'o Cristo, koka mok aktema m'a enenlhet apankave nak judios apkeliaqtemenaikamo nak nekhatkok apkellammelhakha.

Hebreos 10:11

Have aptaiangkolha nak sacerdotes lhamakho aknem apkellangkongvekha mota apnaqtoskama apkennapekamok Eniapom Neten, koka mankavanke nkol·hatsoskasangkok ngkollatsekama malha apkelpatmekama enenlhet'avok.

Hebreos 10:21

Kolhva nhan apnek apveske sacerdote engankok aptemo nhan apveske m'a Eniapom Neten apnemakha.

Hebreos 11:10

Koka apiamavek nak na noka Abraham eloka ta m'a apiav'akha temma apto koka Eniapom Neten apeneskamo aklhenaikama apvalhok, apkelanei'ak koka m'a temma nak takhalhet avhok aliennaktema nkoie'.

Hebreos 9:1

Amhama amanie nkek lhnak nanek apkelpeneskama annemo mo'ok apvalho'ok apkenmahai'akha etnangkok Eniapom Neten kanhan ko israelitas, apkellaiangko lhnak nanek na henganemakha apankok kakpota etnangkok apkellasennangka la m'a akieto m'a konne akpokkenammalhka nalhepop anak

Apocalipsis 21:3

Asleng'o lhta nhan nema aliatekama akiennaktema nkek aniem'o m'a neten, lhta ntak: —Ka natemma apankok Eniapom Neten ham, elloka ta lhemek enenlhet'avok ma'a, etnek hata nhan Apveske apanko'ok ma'a, etnangkok hata nhan apkennemolhema.