Hebreos 8:11 - Nuevo Testamento Toba Maskoy

¹¹ Meniaimakpek hata enenlhet la apketlhekmoskama apaivoma lhema apanke nlho ka la nhan apnemolhema apanke aktemakha asvesai'a nak ko'o, ngkanek eliangvomhok hata asvesai'a aplhamakho pankek, akvakho apketkeietse panke kanhan akvakho metno apketkok.

Hebreos 8:11 ပူးပေါင်းရင်းမြစ်များ

Juan 6:45

Nietnek apnaqtalheskama vakkahak apkeleltennasemmap ania'a annenga, ka ntak hengke'e: «Eniapom Neten hata etlhekmoksek lhamakho enenlhet'avok», ka ntemak ma'a. Ka ngkanek enenlhet'avok la apkellailhemo, apkellasekhai'o la nhan Eniapom anak, hata etnangkok helieplekama ko'o m'a.

Hechos 8:10

Apkeltakmelkeskamavek na mota apkellailheiangko aplhamakho enenlhet, apkeliav'o kakpota nhan apketkietse', lhna aptaiangkok: —Avanhek ankek nak akietnema apmopvana enenlhet anak aniem'o Eniapom Neten —lhna aptaiangkok ma'a.

1 Juan 2:27

Koka mankaimommalhkak etlhekmoskak ma'a ngkanek Jesucristo malha apkeltemeskeskama apkeliangkanma apietsekso'ok ketlhengkap Espíritu Santo m'a, apkelloka nhan lhemek ketlhengkap ma'a. Hata etlhekmosangkok lhamakho aktemakha qaselha m'a, akto haveniapak ankek, metka akmovana ania'a nhan, apketlhekmoskamo lhta nhan ma'a etlhengkesek na apkelpasmekha Cristo.

1 Juan 5:20

Nengeliavek na apvai'o lhta Eniapom Neten Apketka, hengellangkongvai'o lhta nhan aknema nengeliamo kakpota angeliekpelkangvomok ma'a apto have niapak anke nak niapom, nelpasmekhek na ennengko'o m'a aniem'o apketka Jesucristo. Koka apto Eniapom Neten, apto nha niapom have niapak anke, hengaikamok na akiennaktema enneniek nkotnengvaianlha nnelha.