Hebreos 7:18 - Nuevo Testamento Toba Maskoy

¹⁸ Koka anemakha henganemakha nnek akmaskesakho m'a ngkanek mangasennek ma'a,

Hebreos 7:18 ပူးပေါင်းရင်းမြစ်များ

Romanos 3:31

Ko la aktemakha atlheianma apvalho'ok ketlhengkap, ¿mongiaskeiam anak mmaskeske nlho akiennaktema ley anak, he? ¡Ma! Ka mongiaskeiam anak hengeliangveskeskakmek ley anak akto aktaqmanma m'a.

Romanos 8:3

Ley anak Moises mmahai'a lhta niekhe hengelvongkesek tep, ma lhtoka nkomovanak ma'a aniem'o ennengko'o mangeleliehekho m'a, aniem'o mongeliennaktema. Ka nkeniemai'ak Eniapom Neten eniapaksek apketka aptemeskasekho enenlhet apanke. Aptemengvai'o nhan meiennaktema m'a kakpota enietsepok hengeliaqmoiekha ennengko'o, niekhe aptemongvai'a enenlhet apanke, meiennaktema nhan, nkaqhok koka ntevaskangkek ngkollatsekama nak.

Galatas 3:15

Ketlhengkap elialheng'a, smak'ak aietkesek lhema qaselha aktemo nak nenieseksa ennengko'o. Apto la lhema enenlhet apkelanai'a vakkahak aktemakha apkelhpankesekha qaselha apanko'ok, netamen na etnek firma kakpota ngkolhek aiempek ma'a, netamen mankollapvankek na enmaskeksek ma'a kakpota nhan etalhesekhak mo'ok alqama la'a.

Galatas 3:17

Askeltavek ko'o eliohok ketlhengkap ley anak mankavankek nkomaskeksek aktemakha apaivoma apeneskamo aplheianma Eniapom Neten ellangkok qaselha Abraham. Amanie nkek nak akvaiam apaivoma apeneskamo aplheianma Eniapom Neten, netamen 430 anio lhna ngvaiakmok ma'a, akvai'o nhan ley, ka ngkanek ley anak mankavankek nkomaskeksek ma'a.

Galatas 3:21

¡Molhenak ko'o ley anak ammelhma apaivoma apeneskamo lhnak nanek Eniapom Neten ellangkok hata, have niapak molhenak ma'a! Vanlha alhenak ko ley anak mankavankek hengankok akiennaktema enneniek ka ngkanek mankavankek na hentemeskesek nempeivomo.

Galatas 4:21

Eltaqmelkaso no apkellailhemo ketlhengkap apkellelto apkenmahai'a elieplavkesek ley Moises ¿Ma nlho ellengai'ak ketlhengkap aktemakha aklheianma ley nak, he?

Galatas 4:9

koka kolhvave nak apkeliavek aptemakha m'a aniem'o apmahai'a apanke lhta etnek apkeliekpelkemo napaqtavek ketlhengkap ma'a. ¿Se lha ntemak na ketlhengkap apkeleliehekho nak mokhom qaselha neniava nak mangkoliennaktema, metka akmovana nhan, he? ¿Se lha ntemak na apkenmahai'o nak mokhom etnangkok allasennaikama ankok nema apkelianmoma, he?

1 Timoteo 4:8

Aselhtek apkelvetai'a aktaqmanma apiempeiok ma'a apkellelto nak apkelleivesammap la'a, koka m'a akto neten ankek aktaqmanma apkellelto nak apkellanekamok la qaselha akpeivomo, apeneskangke lhta nhan lhema apaivoma Eniapom Neten ma'a eleltaqmelkeskesek neksa apkellangiemhaikama hengke'e nalhepop anak, kanhan alhaiek ma'a neten,

Hebreos 13:9

Ka ngkanek na ntasek ketlhengkap meliaqmongkasekhek mo'ok aktemakha hengetlhekmoskama la'a, ngkanek lhamakho henganemakha nak alleskama mota etavangkok lhamakho nentoma la'a ketlhengkap man koka nkoliennakteskasak apvalho'ok ketlhengkap ma'a. Vanlha koka m'a nengamelaiam anak aniem'o m'a Eniapom Neten avankek nkoliennakteskesek apvalho'ok ma'a.

Hebreos 7:19

ley Moises mankavankek nkoltemeskesek apkeliamolhma apankavek enenlhet'avok. Koka neliavek kolhvavek nak nietnek qaselha nengel·halhnekama aktaqmanma nkek ka ngkanek na m'a envanka'ak angelteteskakhak Eniapom Neten metka altaikama engvalho'ok.