Hebreos 7:16 - Nuevo Testamento Toba Maskoy

¹⁶ Ka sacerdote aphalhnankok anak have apkeniem'akha m'a nema atavana'ak anak aklheianmo na mota ley, koka aptemengvai'ak sacerdote aniem'o akietnema apmopvana, mammopvana nhan antevasekha.

Hebreos 7:16 ပူးပေါင်းရင်းမြစ်များ

Romanos 7:14

Nengeliavek ennengko'o ley akto aktaqmelo, aniem'o nhan Eniapom Neten. Ennengko'o koka nellanekamok anak ngkollatsekama, malha aktonak nema asennaikama nema apianmoma nak emekhak po'ok apveske akvesai'a koka ngkollatsekama kakpota hengellasennama m'a.

Galatas 4:3

Nnavek na ennengko'o malha nematkak alhta hengenmaiangka lhta akmovana neniava nak.

Galatas 4:9

koka kolhvave nak apkeliavek aptemakha m'a aniem'o apmahai'a apanke lhta etnek apkeliekpelkemo napaqtavek ketlhengkap ma'a. ¿Se lha ntemak na ketlhengkap apkeleliehekho nak mokhom qaselha neniava nak mangkoliennaktema, metka akmovana nhan, he? ¿Se lha ntemak na apkenmahai'o nak mokhom etnangkok allasennaikama ankok nema apkelianmoma, he?

Colosenses 2:14

Nietnengkek nak nanek lhennenga lhema vakkahak henganemakha aktalhesammalhka aknaikamok malha neliaqmoikamok la'a, koka Eniapom Neten alhta malha apiaqlhakvekha neten iamet aktenneskama m'a, aptevasekho nhan ma'a.

Colosenses 2:20

Neksa malha apkeletsepma lheme lhta Cristo ketlhengkap, apkelpaknengkaskesakhe lhta akmovana henganemakha aniem'o enenlhet. ¿Se kla ktemo aqnaktetemo nak mokhom henganemakha nak, he?

Hebreos 10:1

Ley anak Moises iama aktaqmanma m'a, mangkolhnok qaselha altaqmelo aplheianmo lhnak nanek Eniapom Neten hengellangkok hata. Koka ley anak ma'a akvesai'a alietkesammalhka, ka ngkanek mankavankek nkotneskesangkok apkeliamolhma apankavek apkellelto nak apkenmeiekha mota lhamakho iantelhkapa apkellangkongvekha mota kaselha apnaqtoskama apkennapekamok Eniapom Neten ma'a.

Hebreos 7:15

Kolhva koka nelpeivesekhek ma'a nietemavek ma'a apvai'o nak aphalhnankok sacerdote malha aptemo lhnak nanek ma'a Melquisedec.

Hebreos 7:17

Lhna nnema ktemo aplhenammakpo m'a: «Lheiap apto sacerdote mangkotnengvaiam annelha apnemo nhan ma'a Melquisedec», lhna nnema aktemo.

Hebreos 7:28

Ka ley anak vanlha mota aliekieskama enenlhet meliennaktema kakpota etnek apiav'akha sacerdote, koka netamen ley anak akvai'o nhan lhema apaivoma lhnak nanek akto have niapak ankek aplheianma Eniapom Neten, aptemeskeskamo apiav'akha sacerdote Apketka apankek ma'a, aptemeskeskamo nhan apiamolhma apanke metka nnelha.

Hebreos 7:3

Mang nak nanek na akiamo apiapom ma'a, kanhan ngken, mang na akiamo apkelieihengka'a. Mang na akiamo akieto akietemelha apteiaianlha m'a, mang na akiamo apketsepmek kelhaha nlho ka la mma'. Ka nkeniemai'ak aptemo sacerdote mangkotnengvaiam annelha malha niekhe aptonak Eniapom Neten apketka.

Hebreos 9:14

Koka akto neten ankek ma'a ema apankok anak Cristo, avanke nkollalhnaksek alietnaikama apaqto'ok qaselha ngkollatsekama apkellanekamok, akmahai'o lhta mota nkolaqlakhak akietemelha nengetsepmakha m'a. Hai, apmesemmakpe lhta panke Cristo aniem'o Espíritu metnenvaiam annelha, malha aktemo lhta aktekioma nennaqtoskama metka nhan apiakteikama la'a kakpota hengeltemeskesek nellasennaikama Eniapom Neten apto mangkotnengvaiam annelha apkaniemhaikama.

Apocalipsis 1:18

Asto ehalhnankok, asketsepme lhta ko'o sekhe lhta, kolhva koka astakhek ehalhnankok metka akvaiam annelha ta aliekaikamok iantelhkapa, nietnek na llave ankok ngkolatsenkolha apkeletsepma.