Hebreos 6:6 - Nuevo Testamento Toba Maskoy

⁶ Hai, apkeliepkonme lhta ketlhengkap ma'a lhamakho qaselha altaqmanma nak, koka apkelieniakho la'a mankollapvankek mokhom eliaqmongkasekhak mo'ok apvalho'ok, ngkotnekhak kelha malha mokhom apkeliaqlhaklhema neten iamet aktenneskama Eniapom Neten apketka kakpota eliemetkasama kelha enenlhet'avok ma'a.

Hebreos 6:6 ပူးပေါင်းရင်းမြစ်များ

Lucas 11:48

Ketlhengkap na alleklemo apvalho'ok aptaiangkolha lhnak na nek apkelieihengka'a, apkennapekamok lhnak nanek ma'a, kolhva koka ketlhengkap apkeltakmelkeskamavek niekhe taphaplhet'ok apkeletsepma.

2 Timoteo 2:25

etnek na meientalhnemo ennavaksek apkellelto nak apkellammelhma la apketlhekmoskama, koka Eniapom Neten hatelha enianak eliaqmongkasekhak mo'ok apvalho'ok ma'a kanhan eliangveskeskamhok akvesai'a nak akto have niapak,

Hebreos 10:26

Mangkolatsema anlhengkesek mangeleliehekho hengaskamakha Eniapom Neten ngkanek nengeliangvakme lhta akto have niapak ankek ma'a. Ka nellanengko la m'a ngkollatsekama, aqhemo ngkotnek nengaqhema nak nentoskama nengaikamok akiaqmoiekha la m'a.

Hebreos 10:29

Tep ankek hata ngkotnek akietemo nkek nema akiaqmongkasekha aptemakha enenlhet apto la aptaqnongkoma Espíritu hengamelaiam aniapom, apto la nhan apvannaikama Eniapom Neten apketka, aptaqnongkoma nhan ema apanko lhta apiangkenammalhka kakpota nkotneskesek apokkenammap ma'a. Ka ema apanko lhta akiangkenammalhka kakpota ngkovomok ma'a annemo mo'ok apvalho'ok apkenmahai'akha ta etnangkok ma'a Eniapom Neten kanhan enenlhet'avok.

Hebreos 12:2

Ntasek antangkok malha nengammelhmo apnakha Jesús apto hengellaikamok nentaikamok mongeliaskeiam ma'a, apto nhan apsavheskeskaiakmo akvanekamok mongiaskeiam anak. Apvaskapme lhta m'a neksa akientalhnema neten iamet aktenneskama, niekhe qaselha henmankaskama m'a, koka apvaskapme lhta aniem'o nietnek akietnaikama apaqtek akpaihekha ta apvalhok apmanie, netamen koka m'a apnekho napokha akiennakha aptanema Eniapom Neten.

Hebreos 4:14

Apnek ennengko'o apiav'akha sacerdote engankok apiekai'o lhta m'a neten, apvesai'a Jesús apto nhan Eniapom Neten apketka. Ka ngkanek ma'a ntasek angetlhengkesek nentaikamok mongeliaskeiam akieplomo nenteniaikamok eniempeiok.

Hebreos 6:4

Ketlhengkap apketlhevaiangkek malha apommatema la'a, apkeliangveiakmek nahan, apkeliepkonme lhta sekhe lhta qaselha altaqmanma metka akianmoma aniemai'o Eniapom Neten, apketlhevaiangko lhta nhan Espíritu Santo.

2 Pedro 2:21

Apkeliangveiakme lhta niekhe amai anak akpeivomo, koka netamen apkelieniekhek ma'a, meleliehekho nhan henganemakha aktaqmelo allanemakha etnangko niekhe m'a, ntase lhta niekhe meliangvomhe' amai anak ma'a.

1 Juan 5:16

Hata apkelvet'o ta lhema enialheng apkelanai'a ngkolatsekama nkotno nak hengaqhemo, elelmalhneskes hata Eniapom Neten kakpota eniangkok akiennaktema apneniek ma'a. Koka nietnek na ngkolatsekama akmovana hengaqhek, koka skanek ko'o ntasek melelmalhneskes ankek ma'a apkelvet'o ta apkelan'o la lhema enialheng.