Hebreos 6:2 - Nuevo Testamento Toba Maskoy

² Mankaimelhkak ketlhengkap ma'a ngkolhek altaqhengveskeskakho nema atlhekmosekamo lhta ampakhasekha nke lhta aktemakha m'a nema henlavkeskama nak konne iemmen ankok, aktemakha nak apkakhesekamok apmeio'ok apietsekso'ok apkellelto Jesucristo apkennemolhema, aktemakha nhan nema apnaqlhatekhaskeiam apkenmaskengvaiakmo, aktemakha nhan nema ta aliekpelkemo emanie nak.

Hebreos 6:2 ပူးပေါင်းရင်းမြစ်များ

Marcos 16:16

Mang hata nkek eliaskakmok, ngkolhek hata nhan allavkeso konne iemmen, elvongkasakpok hata nhan tep ma'a. Koka apkeliaskakmo la'a, etlhenakpok hata apnaqtevasemmap.

Marcos 7:4

Lhnak apkeleniakto la kelhakhama aptoma, apkelienieseiangkek nak na sekhek aptekamok kakpota nhan el·hatsosekha av'alho'ok nohaikok, aphak kakpota nhan apkeltanema, lhna ntemak apkeltemakha m'a.

Marcos 7:8

Have niapak ankek aptemakha nak aplheianma m'a, apkelhakhangkek ketlhengkap henganemakha aniem'o Eniapom Neten, koka apkelieplavkeskamak ma'a apkellanemmakpelha mota etnangkok aniem'o enenlhet.

Lucas 11:38

Avanhek nak akpelapkeskama apvetai'a fariseo m'a meleklemo apmeio'ok iemmen Jesús amanie aptavekha', aptaiangkolha apankave lhnak ma'a.

Lucas 12:50

Malha ta ngkotnek na knema helavkeskekha aiseksek akientalhnakha neksa askaniemhaikama, avanhek aslengaiangko kolhvave nak akvakmo ta m'a aktakha nnelha.

Lucas 14:14

Ka enenlhet'avok anak ma'a mankollapvankek eliaqmongkasekha lheiap apkellanema la'a eltasemok, koka aktaqmelakho nke ta nkotnek lheiap akvo'o ta aknem apnaklhatekhangveianlha apieseksek apkenmaskengvaiakmo apkellelto apkelpeivomo, hata nhan nkotaqmelek lheiap ma'a —lhnak aptemak Jesús apkanemo apto apankok ma'a.

Lucas 3:16

Koka lhnak aptemak Juan apkellanemo enenlhet: —Askellavkaskek ko niekhe iemmen ketlhengkap, koka lhema enenlhet hata elhemak netamen ko'o. Neten apankek aknema apmopvana, molhnok ko'o, ngvannalhkek ko'o evalhok al·hatsoskesek alhato'ok apnakteto apmankok ma'a enenlhet anak. Hato ka etnek malha la apkellavkeskama la Espíritu Santo kakpota nhan talha ketlhengkap.

Juan 1:33

Ma lhta ko aihamok enenlhet ma'a, koka apto lhta heiapaskama allavkesangkok konne iemmen enenlhet'avok ma'a, lhta aptak heiano: "Hata apvet'o ta lhema enenlhet apvaiventak takhaplhet Espíritu, eienakvak nahan, koka apto ta malha apkellavkesaikamok akieplomo Espíritu Santo enenlhet'avok ma'a", lhta aptak heiano m'a.

Juan 5:29

enaklhatekhangvomok hata nhan ma'a. Koka apkellelto lhta apkellanekamok qaselha altaqmelo neksa aptaikamo lhta aphalhnanko'ok, etlhevangkok hata aliennaktema apnenio'ok ma'a. Koka apkellelto lhta apkellanekamok ngkolatsekama, ngkolhek hata akiaqmongkasakho apkeltemakha m'a.

Hechos 10:47

Netamen lhna aptemak Pedro apkellanemo apketlhelhma'ak: —Eniapom Neten apkellapaskasak Espíritu Santo takhaplhet'ok enenlhet anak, nnavek na aktakha lhta ennengko'o m'a. Askanek ko'o mangapvankek angellaksek angellavkesangkok konne iemmen ham —lhnak aptemak Pedro m'a.

Hechos 13:3

Ka apkelelmalhneiangko lhnak mokhom ma'a, apkellaqhaskesammakpo nhan mokhom mek. Netamen nak ma'a apnengkenaiangko lhnak na apmeio'ok takhaplhet'ok ma'a, apkellapaskamo nhan elhpankesek ania'a aktaqmanma.

Hechos 16:15

Netamen alhta akno aklavkeso konne iemmen kakpota nhan lhamakho aknemolhema, lhta ntak hengellano aioselhko m'a: —Atlheno la apvalho'ok ketlhengkap asto ko'o have niapak moi'askeiam Apveske, ntasek eniakhengvakhak asnemakha —lhta ntak hengellano. Hengelienlhanakmave lhta ngkelvana lhta m'a akvakmo lhta nellasekhangvakmo nhan ennengko'o.

Hechos 16:33

Pelhasep na lhta mokhom ma'a, ka apkeliantemakho akietnakha iemmen kakpota elienieskesangkok apkeliensema Pablo kakpota nhan Silas, netamen na lhta m'a apkellavkeskamo konne iemmen ma'a kakpota nhan lhamakho apkennemolhema apketkak.

Hechos 17:18

Apketlhekmoskangkek nak Pablo m'a aptemakha Jesús kakpota nhan aktemakha nema apnaklhatekhaskeiam hata apieseksek apkenmaskengvaiakmo. Koka apkellammelhmek nak na m'a moklhem'a enenlhet apkelvesai'a Epicureos kakpota nhan po'ok apasmekha apkelvesai'a Estoicos, lhna aptaiangkok: —¿Se lha aplheno ham enenlhet anak aplhamasammap, he? —lhna aptaiangkok. Lhnak na aptaiangkok apketlhelhma'ak: —Malha nak apketlhekmoskama apkeltemakha dioses mo'ok apkellavakha —lhna aptaiangkok.

Hechos 2:38

Ka apkatemmoiangka lhnak Pedro m'a, lhna aptemak: —Eliaqmongkasekha mo'ok apvalho'ok, elvatesamok apkeltemakha ngkollatsekama, elteniamok nema allavkeskama konne iemmen akieplomo apvesai'a Jesucristo. Netamen Eniapom Neten etnama ta apankek meleliehekho apkellaskamakha, kakpota ellangkok na metka akianmoma Espíritu Santo.

Hechos 2:41

Nnengkek nak allavkeskamo konne iemmen apkellelto meliaskeiam aptemakha apkeltennaikama Pedro m'a, aplhameiangkek nak aptaikamok meliaskeiam Jesús ma'a, malha lhnak 3.000 enenlhet'avok ma'a.

Hechos 23:6

Nlheianvekhek na lhta apvalhok Pablo apieseksek apkelemhama apmaniaie' apkakhaiangko m'a moklhem'a saduceos kakpota nhan fariseos. Ka apiennakteskamo lhna lhta apaivoma Pablo m'a akieto apkaknaiankolha apkelientalhnakha apkelveskaie, lhna lhta aptemak: —Elialheng'a, ko'o asto nhan Fariseo akvakho askellokha nemmalhka, apkenmak'a mota hetlhenek aselhnanemmalhka ngkanek al·halhnekama evalhok atak hata nennaklhatekhangveianlha apieseksek apkenmaskengvaiakmo —lhna lhta aptemak.

Hechos 24:15

Al·halhnekama evalhok atak hata Eniapom Neten enaklhatekhaskamok enenlhet'avok apieseksek apkenmaskengvaiakmo, apkellelto nak apkelpeivomo kanha melpeivomo. Ka enenlhet'avok anak fariseos meliaskeiakmok na alheno nak.

Hechos 24:21

Vanlha asiennakteso lhta aspaioma napaqtavek ma'a ngkanek apkenmak'o lhta hetselhnanak ma'a aniem'o moi'askeiam nennaklhatekhangveianlha ta apieseksek apkenmaskengvaiakmo —lhna lhta aptemak Pablo m'a.

Hechos 24:25

Apkeleltennaseiangka lhna lhta nentemakha antek nempeivomo, aktemakha nhan metka nellanai'a nenmak'akha antehek, ka aplheno nhan nkovak hata aknem apkeliekpelkemo Eniapom Neten apkeltemakha enenlhet'avok lhmankek ham. Ka aknelhtengkeskamo lhna lhta neten apvalhok Felix neksa aplengai'a m'a, lhna lhta aptemak apkanemo Pablo: —Vanlha, mo'ok aknem hata angvavama mokhom lheiap kakpota apaqmetkeskata —lhna lhta aptemak Felix.

Hechos 26:8

¡Ketlhengkap koka apkeliaskeiakmek Eniapom Neten apmopvana enaqlhatekhaskamok apieseksek apkenmaskengvaiakmok enenlhet'avok!

Hechos 4:2

Nkennatheskangkek nak ma'a lhna songke apketlhekmoseiangko enenlhet aktemakha nennaklhatekhangveianlha ta apieseksek apkenmaskengvaiakmo, ka aktemo lhnak ma'a Jesús.

Hechos 6:6

Ka apkeliantemekho lhnak napaqtavek nema allapaskamo m'a, apnengkenaiangko nhan apmeio'ok takhaplhet'ok ma'a, apkelelmalhneskeskamo nhan.

Romanos 2:16

akvo'o ta aknem Cristo Jesús hata etnek hengeliekpelkemo m'a qaselha alielhammalhko nak engelvalho'ok nenlhamakho aptemakha nellanekamok. Hai', hata ngkotnek ma'a astemakha na mota asketlhekmoskama ania'a aktaqmanma nak.

1 Corintios 10:2

Malha lhna niekhe ntemak aplhamakho apkellavkesammap la iephopai'a kanhan alvata, apkelpasmekho lhnak nanek na Moises ma'a.

1 Corintios 12:13

Nenlhaniek ennengko'o nhan nengelelto nak Jesucristo apkennemolhema, judios, griegos, nema allasennaikama nema apkelianmoma, metnangko nema apkelianmoma, nenlhaniek ma'a. Nnengkek na hengellavkeskamo konne iemmen, malha lhema koka ntaiekhak neniokha m'a aniem'o vanlha nhan lhema Espíritu, nemo nhan hengellaiangko Espíritu nak ma'a.

2 Corintios 5:10

Hai, nenlhamakho ta lhma nkek ham angelanvakhak ma'a akieto m'a apkeliekpelkemelha nentaiangkolha Cristo, moklhem'a ta angetlhevangkok akianmoma aktemakha la nellanai'a ngkolatsekama, nlho ka la aktaqmanma neksa nellaniemhaikama hengke'e nalhepop anak.

Filipenses 3:21

Eliaqmongkasekhak hata mo'ok aktemakha eniempeiok anak nkoliennaktema, hengellangkok hata nhan eniempeiok tep ankek aktaqmanma, ka aktemo nak apiokha m'a, apvankek na enmama lhamakho qaselha aniem'o akietnema apmopvana m'a.

Colosenses 2:12

Neksa lhta nhan apkellavkesammap konne iemmen ketlhengkap, malha lhta nha ntemak apkelkatonnammakpo lheme la Cristo, netamen apnaklhatekhangveiakmo nhan lhemek ma'a aniem'o meliaskeiam apmopvana Eniapom Neten apto aplhatekhaskeiam ma'a.

2 Timoteo 2:18

apketlhekmoseiangko nkoietemo nkek ma'a, apketlheianmo lhnak ntemengkek ma'a nennaklhatekhangveianlha nak apieseksek apkenmaskengvaiakmo, lhna aptaiangkok ma'a, koka ania'a nak alietnokhaskeskamo apvalho'ok neksa aptaikamok meliaskeiam moklhem'a Jesucristo apkennemolhema.

Hebreos 11:35

Moklhem'a ngkelvana'ak lhnak nanek na nketlhevekhak atkak apkeletsepma m'a apnaklhatekhangveiam aniem'o lhnak nanek na nkoliaskeiam. Moklhem'a lhnak nanek na nnemak aknaqtevaskamo m'a aniem'o meliaskeiam, mang nak nanek na eleltemo niekhe ngkolhek al·hatsoskakho m'a ngkanek apkeliamavek niekhe eletsepok hata kakpota enaklhatekhangvomok mokhom elvetangvomok na aktaqmanma apkellangiemhaikama m'a, mankolhno hengke'e nalhepop anak.

Hebreos 9:10

Hai, koka lhamakho henganemakha ankok anak ma'a aktemakha hengaskama anto'ok lhema qaselha la'a, kanhan neniama, nelienieskama qaselha la'a, akteniai'a lhna lhtoka niekhe alalhnasekha la engvalho'ok ma'a, koka akietkesammalhka niekhe m'a. Nkovak hato ka aktemongvaiam annelha m'a, ngkolhek hata akiaqmongkasakho mo'ok akto aktaqmanma nkoie.

2 Pedro 3:7

Apkaiangko nhan apaivoma Eniapom Neten apkeltemo nkoietnama sekhek neten anak kanhan nalhepop anak nelvetai'o nak ennengko'o kakpota nhan nkonmetek ma'a akvo'o ta aknem aliekpelkammalhkelha ta nentaiangkolha, nema aknaqtevasekha nhan apkelelto apkellanekamok ngkollatsekama.