Hebreos 5:5 - Nuevo Testamento Toba Maskoy

⁵ Cristo nhan meliekiesammakpok apankok apankek la'a kakpota etnek apiav'akha sacerdote, Eniapom Neten koka apkaikamok ma'a aktakmelakha apmakmekama, lhna aptemak apkanemo: «Lheiap apto eietka, astepkeskama ehenkek aknem anak», lhna aptemak.

Hebreos 5:5 ပူးပေါင်းရင်းမြစ်များ

Juan 3:16

Avanhek ankek apkellamelaiam Eniapom Neten enenlhet'avok alhma nkek ham, ka ngkanek eniapaksek lhema phapak apanke' apketka kakpota melhnanme' apkellelto la meliaskeiam ma'a, ngkoitek hata nhan aliennaktema apnenio'ok mankotnengvaianlha nnelha'.

Juan 7:18

Enenlhet apto la aplhenammakpo panke', apkeltemo ngkolhek altangko nema apiamo neten apankek. Koka enenlhet apteniai'a la mota aptemeskeskama neten apanke apvesai'a apto apkapaskama, koka enenlhet anak akto iokhalhmek aplheianma m'a, have apmopvana ania'a.

Juan 8:54

Ka apkellatemmongka lhta Jesús, lhta aptak: —Aqhemo alhenalhko la ehenke' ko'o nema heiaspekamaha, Tata koka heiangkok asiaspommalhka. Ko'o Tata aptaiangko na mota ketlhengkap Eniapom Neten apanko'ok,

Romanos 8:3

Ley anak Moises mmahai'a lhta niekhe hengelvongkesek tep, ma lhtoka nkomovanak ma'a aniem'o ennengko'o mangeleliehekho m'a, aniem'o mongeliennaktema. Ka nkeniemai'ak Eniapom Neten eniapaksek apketka aptemeskasekho enenlhet apanke. Aptemengvai'o nhan meiennaktema m'a kakpota enietsepok hengeliaqmoiekha ennengko'o, niekhe aptemongvai'a enenlhet apanke, meiennaktema nhan, nkaqhok koka ntevaskangkek ngkollatsekama nak.

Hebreos 1:1

Lhennenga lhnak nanek Eniapom Neten apkeltakhengveskekho mota apkeleltennaskamo nelieihengka'a lhamakho aktemakha aniem'o nhan apkenmaikama apkeleltennaskamo ania'a apankok kakpota etlhenek ma'a.

Hebreos 1:5

Mang nak nanek na etnemak enianak Eniapom Neten lhema aphapak la ángel hengke'e: «Lheiap apto eietka, astepkeskama lheiap aknem anak», mang nak nanek etnemak ma'a. Mang nak nanek na etnemak mokhom hengke'e: «Atnek hata apiapom ha'e, atnek hata eietka ha'e», man nak etnemak ma'a.

Hebreos 2:17

Nkaimommalhke lhtoka etnekhak sekhek enenlhet apankek elhnesakpok na apkelialheng'a, nkaimommalhke lhta nhan enietsepok apkeliaqmoiekha la m'a kakpota etnek apiav'akha sacerdote. Apkelietnai'o lhta nhan napaqta'a enenlhet'avok, apkeliehekho nhan Eniapom Neten neksa apkasennaikama m'a. Apiephongveiakmo nhan kakpota nkolhek na altemeskesangkankek apkellanekamok ngkollatsekama enenlhet'avok lhmankek ham.

Hebreos 3:1

Ketlhengkap elialheng'a, apkelpokkanma, apkellavekama lhta nhan Eniapom Neten, ka nkeniemai'ak ntasek nkolietnama apaqto'ok amota aptemakha lhta Cristo Jesús. Netlheianmo na mota ennengko'o apto apkapaskama Eniapom Neten kakpota nhan apto apiav'akha sacerdote m'a.

Hebreos 5:10

Netamen Eniapom Neten aptemeskeskama apiav'akha sacerdote apnemo m'a Melquisedec.