Hebreos 5:3 - Nuevo Testamento Toba Maskoy

³ Ka apiav'akha nak sacerdote apkanke mota Eniapom Neten nentoskama nak nengaqhema aniem'o ngkollatsekama apkellanekamok apkennemolhema. Kakpota nhan ma'a apkankek apkelvanlhema qaselha Eniapom Neten aniem'o nhan ngkolatsekama aptemakha apanke ngkanek meiennak ma'a.

Hebreos 5:3 ပူးပေါင်းရင်းမြစ်များ

1 Corintios 15:3

Asketlhekmoske lhta ko'o ketlhengkap emanie nke lhta alhevai'a ania'a aktemakha apketsepma lhta Cristo aniem'o mongeleliehekho hengaskamakha Eniapom Neten: Ka ntemak na aklheianma vakkahak Eniapom Neten apaivoma m'a.

Hebreos 10:12

Cristo koka apkaiangko panke apiokhoho lhema aktema koka kakpota ematong ma'a, malha qaselha nengaikamok anak kakpota el·hatsoskasangkok na ngkollatsekama malha apkelpatmekama m'a enenlhet'avok lhmankek ham. Netamen apnekho nhan ma'a akieto akiennakha apoktong Eniapom Neten,

Hebreos 7:27

Ka aplhamakho apkeliav'akha sacerdotes nak nkaimelhkek eniaqhek nentoskama lhamakho aknem kakpota eniangkongvakhak Eniapom Neten akiaqmoiekha ngkollatsekama aptaiangkelha. Netamen ma'a apvanka'ak ellangkok na akiaqmoiekha ngkollatsekama aptaiangkolha apkennemolhema. Koka mo'ok aktemakha m'a Jesús, mankaimommalhkak eniangko mota nentoskama nengaqhema lhamakho aknem, ngkanek apkaiangkave lhta apmatnamo m'a malha nentoskama apmatnama la, lhema aktema koka m'a mankaimelhkak enietsepok mokhom.

Hebreos 9:7

Koka mo'ok av'alhok pa'at lhnak nanek ma'a vanlha lhna mota aptalhnengvekhelha apiav'akha sacerdote lhema aptalhnengvekha lhnak lhema iantelhkapa nhan, metka apiekaskama lhnak apsekha ema m'a kakpota engkesek aniem'o meihamolhma apankek ma'a. Netamen na engkesek aniem'o meliamolhma apkennemolhema neksa meliamo koka apkellanekamok ngkollatsekama.