Hebreos 5:2 - Nuevo Testamento Toba Maskoy

² Ka apiav'akha nak sacerdote meienna'ak ma'a ngkanek enenlhet apankek ma'a, apvankek koka nhan elietnahok napaqta'a enenlhet'avok la meliangveiakmo kanhan malha apketlheneiam anak.

Hebreos 5:2 ပူးပေါင်းရင်းမြစ်များ

Lucas 22:32

Ko'o koka askenmalhneskasak Eniapom Neten kakpota mankomaskengvomek mei'askeiam lheiap. Netamen hato ka m'a eiennekhok hata mokhom ma'a, kakpota mokhom elpasmekhak na apketlhelhma'ak anak eliennekhok hata nhan ma'a —lhna aptemak Jesús apkanemo Pedro.

2 Corintios 11:30

Koka lhamakho qaselha nak asvetai'a, nkelvetaskaskek moiennaktema ko'o m'a, koka nkaqhok nkaqhama evalhok ko m'a.

2 Corintios 12:5

Evanke niekhe nkalhkok nkammelhok evalhok ma'a enenlhet anak, ko'o koka mankalhkek evalhok alanalhkok ehenke, koka vanlha ntasek nkolekkasama evalhok heietakho la moiennaktema.

Galatas 4:13

sekha asvaiam alhta ham asketlhekmoskama ania'a aktaqmanma, nientelhe kanke lhta nemmaskema heiaqhema, lhta ngkanek alhnakhak iama akvangkakho ham.

Efesios 4:18

Malha alpaiseiam na alketamekama apvalho'ok ma'a, taiepek na Eniapom Neten aniem'o meliangveiakmo, aniem'o nhan aliennaktema apvalho'ok.

1 Timoteo 1:13

Niekhe lhennenga astaqnongkongke lhta apvesai'a m'a, asmenlhenaiangka lhta, askeltaknongkomo lhta nhan apkellelto apkellasennaikama apankok ma'a. Koka apiose lhta helanei'o Eniapom Neten ngkanek ma lhta nkoietnemak moi'askeiam anak, ma lhta nhan aihamok nkoietemo astemakha m'a.

Hebreos 12:13

Ellanamok hata nhan malha amai akpeivomo, metka aliekvatekamok la'a kakpota anmaska la apmanko'ok mankolaskesangkek hata apmanko'ok ma'a, nkoltaqmelekhak hata nhan apmanko'ok ma'a.

Hebreos 2:17

Nkaimommalhke lhtoka etnekhak sekhek enenlhet apankek elhnesakpok na apkelialheng'a, nkaimommalhke lhta nhan enietsepok apkeliaqmoiekha la m'a kakpota etnek apiav'akha sacerdote. Apkelietnai'o lhta nhan napaqta'a enenlhet'avok, apkeliehekho nhan Eniapom Neten neksa apkasennaikama m'a. Apiephongveiakmo nhan kakpota nkolhek na altemeskesangkankek apkellanekamok ngkollatsekama enenlhet'avok lhmankek ham.

Hebreos 2:18

Hai', aplengaiangke lhta nhan akientalhnema hengke'e, apvetai'a lhta nhan akiepkonma. Ka nkeniemai'ak apmopvanko nak elpasmok apkellelto nak apkelvetai'a aliepkonma la'a.

Hebreos 4:15

Ka apiav'akha sacerdote nak ma'a apvankek elietnahok nengaqta'a ennengko'o neksa mongeliennaktema la'a, ngkanek apvetai'a lhta apmanie akiepkonma m'a, nnavek ennengko'o kolhvave nak, koka m'a melanai'ak qaselha ngkolatsekama la m'a.

Hebreos 7:28

Ka ley anak vanlha mota aliekieskama enenlhet meliennaktema kakpota etnek apiav'akha sacerdote, koka netamen ley anak akvai'o nhan lhema apaivoma lhnak nanek akto have niapak ankek aplheianma Eniapom Neten, aptemeskeskamo apiav'akha sacerdote Apketka apankek ma'a, aptemeskeskamo nhan apiamolhma apanke metka nnelha.

Hebreos 9:7

Koka mo'ok av'alhok pa'at lhnak nanek ma'a vanlha lhna mota aptalhnengvekhelha apiav'akha sacerdote lhema aptalhnengvekha lhnak lhema iantelhkapa nhan, metka apiekaskama lhnak apsekha ema m'a kakpota engkesek aniem'o meihamolhma apankek ma'a. Netamen na engkesek aniem'o meliamolhma apkennemolhema neksa meliamo koka apkellanekamok ngkollatsekama.

Santiago 5:19

Ketlhengkap elialheng'a, moklhem'a la apkellanengko la qaselha ngkollatsekama apieseksek anak, malha aphaivongvaiam amai la ngkolatsenkelha, ka apvet'o la po'ok enialheng ma'a, apiantemantamo la mokhom amai aktaqmanma, malha apvongkeskama tep apketsepma niekhe m'a, aptemeskaskek na po'ok apmeskesekho takha Eniapom Neten neksa apkelanai'a nkeskama ngkollatsekama.

1 Pedro 2:25

Apkellomaka lhta ketlhengkap malha nepkesek apketlheneiam la'a, kolhva koka apkelelpengkammakpek akieto m'a apnakha apkelanekama nepkesek apto aptaqmelkeskama m'a.