Hebreos 5:14 - Nuevo Testamento Toba Maskoy

¹⁴ Koka apkellelto la aliennaktema apvalho'ok, apvanka'ak elioho qaselha aktaqmanma nlho ka la ngkollatsekama aniem'o aleltamekamok apkelvetai'a mota. Malha metno apketkok aptangko songkek ma'a, apvanka'ak etavangkok aptekamok aliennaktema.

Hebreos 5:14 ပူးပေါင်းရင်းမြစ်များ

Romanos 14:1

Enmamok hata takha engelialheng'a mankoliennaktema nak meliaskeiam mokhom, mellatemmongap apanko ie' aklhamakho aktemakha aptangkolha la'a.

1 Corintios 2:6

Asketlhekmoske lhtoka apieseksek anak aliennaktema nak meliaskeiam akieplomo asiangveiakmo, have koka aniem'o nak enenlhet, nlho ka la m'a apkelemhama apmaniaie nak, akmaskengvaiam anak apkelientalhnemo.

Efesios 1:18

Askelelmalhneskeskangkek na Eniapom Neten kakpota etnek malha apkelapommatkeskeskama alketansema apvalho'ok kakpota nkovak apkeliangveiakmo ketlhengkap apkellelto nak nema aliekieskama kakpota etlhevangkok altakmanma apkellangiemhaikama m'a, elel·halhnek na metka apkeliaskeiam ma'a. Hai, qaselha altaqmanma nkek, akmennave nkek ma'a apneskamo lhta Eniapom Neten kakpota ellangkok hata apkellelto apkelpokkanma m'a.

Efesios 4:13

akvakmo nenlhamakho nelvanengkaso kakpota angelpasmekhak ma'a aniem'o mongeliaskeiam kakpota nhan neliangveiakmo Eniapom Neten Apketka, akvakmo nhan nentangko aliennaktema nkek engvalho'ok malha Cristo la'a.

Filipenses 3:15

Hai, nengelelto la aliennaktema mongeliaskeiam ntasek hata nkotnangkok atlhenaikama engelvalho'ok ma'a astakha lhkek alheianma, koka napokha enenlhet nketlhenkek apvalho'ok mok aktemakha m'a, Eniapom Neten hato ka elvetaskesek lhema qaselha alhnakho nkek ma'a.

1 Tesalonicenses 5:21

ntasek sekhek na ellanama netamen enmankok hata takha aktaqmelo la'a,

1 Timoteo 4:7

Meniailho nkek ania'a lhennenga nema atlheianveiam alhma ammelhma nak Eniapom Neten, aniem'o koka enenlhet apanko'ok apankavek ma'a, lheiap koka elana mota qaselha akpeivomo malha nhan aptak apkeleivesammap la'a.

Hebreos 6:1

Angetlhengkesek nenvanengkeskama mongeliaskeiam akvakmo akto neltokho malha neliav'o. Envanka'a nlho lhta niekhe angelieplavkesek amanie lhta nema hengetlhekmosekamok aptemakha Cristo, nkaimelhkek mota niekhe mongeltaqhengveskakhek ampai'akhasekha lhta nema hengetlhekmoskama aktemakha nelieniekha mongeliamolhma henlaqlekho lhta m'a akieto nengetsepmakha, aktemakha nhan mongiaskeiam Eniapom Neten.

Santiago 3:2

Ngkolatsekama mota nempaivoma nelanei'o emmo'ok, koka apto la enenlhet metka aptevaskama apvesai'a po'ok, niennakke songkek apvalhok ma'a, apmopvana nhan emankok apiokha apanko ie kakpota melaniek qaselha akmasoma.