Hebreos 4:3 - Nuevo Testamento Toba Maskoy

^3-4 Ennengko'o lhtoka mongeliaskeiakmok ania'a aktaqmanma nak, angelentelhek hata nhan iokhalhma neniamposammalhkelha apankok Eniapom Neten. Koka lhnak nane aptemak Eniapom Neten apkellanemo m'a apkeliaskeiam anak, lhna aptemak: «Lhta stak aspaioma aslavo have niapak ankek ko'o m'a, melentelhek hata iokhalhma neniamposammalhkelha ehenkok anak», lhna aptemak. Ka iokhalhma nak ma'a apeneskamo lhnak nanek Eniapom Neten apkelanei'o sekhek ankek lhamakho qaselha lhmankek ham, ka aktemo nak na aktalhesammalhka Eniapom Neten apaivoma hengke'e: «Apiamposammakpek nak nanek Eniapom Neten apmakmekama akvaiakmo aknem 7 m'a».

Hebreos 4:3 ပူးပေါင်းရင်းမြစ်များ

Efesios 1:4

Amanie lhnak nanek apkelanai'a lhamakho qaselha lhma nkek ham, hengeliekieskangkek nak nanek na Eniapom Neten ennengko'o aniem'o nhan Cristo kakpota hengeltemeskesek na hengelpokkanma, angelloka metka neltemengveiakmo lhma' napaqtek ma'a. Avanhek ankek hengellamelaiam Eniapom Neten,

Hebreos 3:11

Ka nkeniemai'ak ma'a aslomo nanek na akiavai'a, aspeneskamo lhnak nanek na aspaioma melentelhek hata m'a iokhalhma apkeliamposammakpelha», lhnak nane aptemak.

Hebreos 3:14

Ampakhasekha nke lhta mongeliaskeiam ennengko'o Cristo m'a, ka nelvaskapo la nhan akiennaktema mongeliaskeiam akvakmo aktakha nnelha aknem, netamen angelpasmekhak hata ma'a nenlhamakho qaselha apankok Cristo m'a.

Hebreos 9:26

Lhta apto la Cristo malha apveske sacerdote, lhamakho anio lhta nha ngkotnek aplengaiangko akientalhnema nkompa lhta m'a alanemmalhko sekha lhmankek ham nkovomo lhta nhan nenvanlha nak. Koka apkaiangkavek apmesemmakpo apankek apmatnama nenvanlha nak nkanketvakmek aktemongvanlha nnelha aknem, kakpota hengel·hatsoskesek ngkollatsekama nellanekamok.

1 Pedro 1:20

Tep nak nek Eniapom Neten apeneskamo aklhenaikama apvalhok eniapaksek hata Cristo, mellaneiakha lhnak lhamakho qaselha lhmankek ham, koka nenvanlha nak apvai'ak ma'a kakpota hengeltaqmelkeskesek nellaniemhaikama, ketsek na nkaimelhkak aknem aktemakha ta nnelha.